السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ريفال ::✓
الحب من طرف واحد يوجع صح ؟
اني مو الوحيدة الي عايشة بهل قهر بسبب
حب متأكدة هواي اكو غيري اني توني وعيت للدنية حلى بعيني آديب
شكد جنت اكول هيج مجرد شخص افضلة
بس تطور الوضع كمت احس بمشاعر حب
كبير ناحيتة كمت اتودد اله ومن يبتسملي
اطير فرح اشوف امي من جانت تتزين
لابوي الله يرحمة وضنيت اذا سويت مثلها
راح احلى بعينة اكثر رغم چنت اترزل ويحچون
علية لان احط مكياج ويكولون انتي حلوة
ما تحتاچين زين اذا حلوة ليش ميباوع علية ؟
استمر هل وضع هواي اني من عمر 12 سنة
حبيته وتشجعت مرة ورحت اعترفتله
عصب وفهمني بهدوء هاذا الشي غلط واني
صغيرة وهاذا مو حب
بس شنو مو حب اني ما اكمل يومي عادي
اذا ما اباوع عليه واصفن ما تبت ورجعت
اعترفت بس هل مرة ما فهمني بهدوء هل مرة
ضربني راشدي ورزلني
لا وانوب ترف جانت صغيرة كايله ل صگر
وهو كوة ساد السالفه بس شنو اجاني
رزاله غسل ولبس وكالي اذا تقربتيلي بعد
احچي لاخوچ ماريد فضايح انتي بت عمي
مثل اختي
بعد ما تقربت منه بس الحب متغير ابد ضليت
مكتفيه بالنضرات بس واجه يوم كلت هاي هية
راح ننجمع من طول ميريد نحب بالسر همه
اهالينا راح يجمعونا بس تحطمت آمالي وصلت
النهاية لهل حب الفاشل
رفض وطلع مو يستحي يحبني لا هو اصلا ميريدني جنت عبالي ميحب هيج ميريد
يخون ثقه اهلنا بس هو ميرييد خله حجة
الشغل
وانتهى كلشي وطلعنا من البيت كله بالشهر
يله مرات المحه لمح بس ما اخلي عيني بعينه
ولا افهي عليه مثل قبل انسان ميريدني
وفشلني كدام روحي واهلي ما ارخص نفسي
اله اكثر هواي رخصتها هوااي
ومن غير الحچي من نسوان عمي الي وصل
لگرايبنا شكد تشمتن وشكت يحچن يعني انفضحت كمت اشوف شگلي الي جنت احبة
مو حلو جنت اضن ما اعجبة ومن هاي ما قبل
وادري الي يحب مو بالشكل بس عقلي هيج
قنعني
وما اسولفلكم شصار بيه اشهر اني منعزلة لا
كلام لا ضحك صعب تنسى هيج حب وخصوصا اذا جان من الطفولة
بس محد يضل بهيج وضع ضل الحب بگلبي
بس كدرت اتخطى شوية حاولت انسي نفسي
والهي بعد ما عرفت انو هو ولا همة ولا
اني هامته
