يا گُمر عندي حَبيبه
أحلئ مِن كُل البَنات مِن
طبع دِجله وِفاها
عِيونها بلُون الفُرات
موعِد وشاطئ جِفنها
غَارت ألحوريه مَنها
(مُرجان التهشم) (البارت14)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
_ كاعدين ناكل وحجت ليان
ليان:- صراحة وبدون مبالغة ولاا أيشي بس ايلين حلوة، وجسمها حلو بس هية ممعتنية بنفسها.
ايلين:- أبتسم الها ... بعدين نكعد أني وياج وأسولفلچ هواااي سوالف لان صراحة أرتاحيتلج
ليان:- حبيبتي
صابرين:- صراحة اتفق وية ليان أنتِ حلوة بس المشكلة متعتنين بنفسج صدكيني لوو تنضفين جسمچ كُلة وتحطين ماسكات وتسوين عناية بووووياا تطلعين أشكين شك
جميلة:-أي والله صح ،، وبعدين تعالي تسولفين لـ ليان جااا وأني مو بعينج
ايلين:- هههههه أوكي نسولف سوية
_ كملنة وجبنة المواعين ألي تعشوا بيهه وكمنة نغسل بيهن وأني وليان رحنة نغسل الحوش أثناء مدنغسل دخل دلـهم ... منطيتة أهمية سلم وتقرب يمي رفع راسي بيدة وكرص خدي
دلـهم:- شلونها ايلونة
ايلين:- حسيت نفسي راح اغرك بدموعي نزلت راسي وهمست ، زينة، وخرت عنة هوَ تنهد وراح .... أحسس اكو شيي غلط يعني شنو ألي جان يحجي البارحة؟
_ كملنة غسل ونشفنة الحوش طلعت أم دلـهم
_ أيي هيچ اريدج تشتغلين وياهن.
ايلين:- عفتهه ودخلت أخذت تراك اسود عريض سبحت ولبستة صعدت يم البنات أنمطلت يم جميلة وضلينة نسولف شويةة ودخلت ليان اجت تركض علينة
ليان:- علي نام تعالن ب الحديقة نسولف
_ كمنة وياها لكيناهه مسوية كعدة أجنن مخاد وحاطة حلويات وهلسوالف وكعدنة
ليان:- أيي ايلونة سولفيلي شنو قصتچ وشلون أنطوج فصلية!
ايلين:- باعي ب البداية أني عايشة وي أهلي وامي وابوي يعني زينين وياي بس موو ذيچ المعاملة ألي تمنيتها المهم .... عدنة قانون أوو يسمونة تخلف ب العائلة مدخلين جامعة ومن الثالث متوسط وتكعدين أني معندي هلقانون عندي أكمل دراسة ويصير عندي وضيفة وراتب وسيارة
_فَ من وصلت للخامس كالوا خلص كملتي بعد كعدي وسكتي سويتها مصيبة شكدهه شكبرهه وبقيت أيام بدون اكل ولاا شرب وتخربطت فَ أبوي انجبر يخليني اكمل فَ مرة راجعة ممن المدرسة باعي الغلط الوحيد بية البس صدرية ضيكة ولحد ألان متندمةة
_ فَ جنت راجعة من الدوام الضهرية الحر ميحملة المطي و واحد يركض وراي ويتحارش منطيتة أهمية ولاا حجيت فَ جدو جان كُلش معاارض على هااي السالفة وكلب الدنيا بس هم أنجبر شافني هيج عبالة عندي شي وياا عاط ب الولد وضربة والولد شرد وهوَ سحبني لسيارتة
_ وصلني لبيتنة ونزلني وطاحلي دك ضرب أريد افهمة احجي ماكو الضرب كام يجيني منين ماا جان وأمي وأبوي اخذهم الواهس وكملوا علية
ليان:- ياااا يُماا الله يعينج
_، ايي فَ جددو حبسني ب المخزن أيام ويومية بليل أموووت بجي وادعي من كُل كلبي يبتلون بمصيبة وي ناس ميكدرون يطلعون منهم ... ف َ صارت هلسالفة وانطوني أني الفصلية ولو تشوفين يردون يصعدوني ب السيارة وأني ارافس بيهم واصرخ ... ومنن عدها بعدد من صدُك كلبي أنغسل من أمي وابوي وكرايبي كلهم
_ وأني قبل جانت حياتي عببارة عن نوم وكعدة و ماا أعرف بسوالف العناية ولاا المكياج ولاا أيشي حرفياً هلشيي مضوجني حيل
ليان:- يكلبي الله يعينچ ويصبرچ وياخذ حقج منهم ... وباعي هسة حذفي كُلشي من، عقلج وأبدي بداية جديدة وي نفسج ورب العالمين وأنسي كلشي صار وياج ب الماضي واني هناا اختج صديقتج بكفيج شتحسبيني حسبيني.
جميلة:- من كون گبر ألي يطمهم يرحولج سبع فدوات
ايلين:- ضحكت ... وصراحة احسس نفسي ناسية كُلشي منهم وخلص من صدُك بديت بداية جديدة
جميلة:- باعي ماكو منتچ ب الدنيا ماا اعرفة فَ أنتِ شغلتج يمي اضبطچ على أخر حبة أاذا مخليت دلـهم ميعرفج ماا أطلع جميلة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
