—وقفت السيارة قدام الباب الخارجي للمقر ، دفع مبلغ الأجرة الي
حمد ربه انهم كانوا باقين عنده ونزل، الحراس عند البوابة
عرفوه مباشرة وبعد السلام ، واحد منهم دخله للداخل بسيارته.مشاعره كانت متلخبطة بس ماكان يقدر يخفي شوقه لهذا المكان، نزل
قدام المقر الخاص بالفريق ، ماكان يبي يدخل وهو بهذا المنظر
لمكتب القيادة .للحظات لما فتح الباب، قدر يشوف باهـي ، مجد ، براء، أوس
كانوا بالجانب الايمن يتمرنوا تمارين الضغط ، وبالجانب
الثاني ، زيد ، علي ، ثابت يتكلموا و ينظفوا قطع الأسلحة .آبتسم وهو يشوفهم ، فتح الباب اكثر ، الشي الي خلاهم كلهم
يناظرون في اتجاهه .ريبـال ابتسم : سلام ؟
الصدمة كانت واضحة عليهم كلهم، محد تكلم ولا تحرك من مكانه.
ناظر نفسه ورجع ناظرهم مرة ثانية : ادري شكلي ملخبط بس
مب لدرجة ما تعرفوني!!مجـد ناظره : شايفين الشبح الي انا شايفه؟؟
باهـي هز راسه.
أوس حضن براء : ماكنت ادري يطلعون بالنهار بعد !
ريبـال قلّب عيونه : تحبون ارجع من وين ماجيت؟
مع كلمته هذي كلهم ابتسموا وركضوا له ، حضنوه وهم يتحمدون له
السلامة.ريبـال ابتسم وبعد عنهم شوي : مادريت اني مشتاق لكم هالكثر.
علي : بس كيف؟ كيف رجعت ؟
ريبـال خفتت ابتسامتة للحظة : هُم رجعوني.
ناظروه بأستغراب ، لكن ثابت الي نطق : تقصد الي خطفوك هم
نفسهم رجعوك؟؟ريبـال هز راسه .
اوس ضحك بعدم تصديق : تمزح صح؟ كيف هربت؟
ريبـال بعّد عنهم وراح جلس على الكرسي : ماهربت، زي ما اخذوني
رجعوني عند منطقة ال**** وكملت طريقي لهنا .راحوا كلهم جلسوا حوله .
علي : انا عرفت من إيليا إن سِـراج انقلب عل المنظمة وساعده
بأكثر من عملية ، بس لما صار الهجوم وانقتل ، إيليا اخذوه لذا
ماكان عارف وش صار عليك .ريبـال ناظره : ماكنت اعرف عن إيليا شي ، كل الي عرفته
بعد الحادثة انو هو كان موجود و إن فعلاً سِـراج انقلب عليهم
بس اي تفاصيل ثانية ما اعرف.
أنت تقرأ
تـخطـى الحـدود .
Romanceوإننـي لمّـا مِـلْـتُ إلـيكَ , أتّـزنـتُ وفـي مِـيلي إليـكَ , حُــسْـنُ إعتـدالـي. . . . . . . - فـريق من القـوات الخاصـة واعدائــهم ، مابين الحقيقة و الكذب ، الصدق والخداع ، يبقـى السؤال، فــي الحــرب ، هل يتّولَدُ الحُب...؟ - مثليّة (BxB) -ما...