جوري : رشو
رشا : عيونها
جوري : تسلم لي عيونك بس وش رايك ادخل طب
رشا : اذا كنتي تبغينه ادخليه
جوري : من ناحية ابيه ابموت ابغاه بس يقولون صعب
رشا : كل شيء صعب وانتي مالك الا هالقسم خصوصا انك علمي ونسبتك حلوه وانقليزي انتي فنانه فيه ماله داعي تدخلينه والباقي ماتناسبك مالك الا طب
جوري : اجل خلاص بدخل طب
رشا : امشي ندخل لايطلع واحد من الشباب واحنا مالبسنا شيء
جوري : يلا
طلع فيصل وشافهم وهم يمشون وعرف اننها جوري بس دخل بسرعه وهم دخلو وراحو جوا
وجلسو يسولفون مع الحريم شوي
ابو الهام دق على الهام وقالها قولي للبنات يجون عندنا وانتم بعد
قالت الهام للبنات البسو عباياتهم وراحو لهم بالخيمه وطبعا بنات خالة رشا وبنات خالة جوري ماجو بس رشا ونوف وجوري
جوري جلست جنب ابوها وباست يده : اخبارك
ابو الهام : بخير وانا ابوك وينك معاد جيتي صبطتي مع البنات
جوري : لا كنت نايمه مانمت بليل الا متاخر
ابو الهام : ايييييه
فيصل : ماطيح عيووونه منها وهي ماكان ودها تجي
جت مهوي وجلست على رجلين ابو الهام وباست يده
مها: احبارك(اخبارك)
جوري : اقول قومي يلا
مها : ليس اقوم انتي كل يوم تدين تدلسين دنب بابا عود وتبوسين يده وتقولين احبارك انا كدا بعد بسوي زيك (ليش اقوم وانتي كل يوم تجين وتجلسين جنب بابا عود وتبوسين يده وتقولين اخبارك انا كذا بعد بسوي زيك)
جوري : سوي زيي لبابا مو بابا عود
رشا : يعني تغارين وش عليك منها بتسوي لجدها
مها : دهر الحق دهر الحق (ظهر الحق ظهر الحق )
ابو الهام : ياسوووسه من وين تعلمتي هالكلام
مها : خالتو دوري تقوله (خالتو جوري تقوله )
ابو الهام : وانتي تقلدين
ودخلت الهام وباست راس ابوها وجلست جنبه
جوري : يلا روحي اجلسي على رجلين ماما
الهام : وش عليك منها خليها على رجل ابوي اصلن اهي دلوعته
جوري : ايييييييش اقول خذي بنتك لانطلها الحين بالبحر
الهام : اتحداك
جوري تلتفت على ابوها : بابا تتحداني
ابو الهام : وانتي ماحد يتحادك
جوري : بس قلتها
جوري شالت مها
الهام : خير وش بتسوين
جوري : بنطلها في البحر
الهام : هههههههههههه جربي
جوري : بعد
رشا: اجل اصبري بجي اذبها معك
جوري : يلا
الهام : ياويلي كلهم على بنتي
جوري ورشا راحو عند البحر وحطو مها عنده يعني تببلللت موويه وراحو وخلوها وهم يضحكون وهي مبسوطه انها تتسبح
ورجعو
الهام : وينها
جوري : قسمم بالله انها بالبحر
الهام : يمه بنتي ياويلك ياجوري مني
جوري : والله مااحد قالك تتحديني
والشباب ميتيييييييين ضحك على هبال جوري والهام راحت تركض لبنتها
ويوم رجعت وهي ماسكه بنتها وهي مليااانه مويه
الهام : جوري روحي بدلي لها ملابسها
جوري : ليش قالولك خدامتها
الهام : لا خالتها
جوري : عندها خدامه جوا قولي لها تغير لها
الهام : عقاب لك تقومين انتي
جوري : ومن قال اني بوافق
الهام : عاد جوري بليز قومي غيري لها
جوري: اوف منيب خلاص عاد اوديها لشغاله اوكي بس انا اروح لا لو سمحتي
الهام : طيب وديها للخدامه يلا
جوري: الله يصبرني
وودتها للخدامه وجلست مع بنات خالتها وبنات خالت رشا وشوي تص ساعه تقريبا جو نوف ورشا
جوري :مااما نبي نطلع الدبابات البحريه
ام الهام : روحو طلعوها
جوري: والله جد
ام الهام : ايه طلعوها بس مكاتكفيكم اربعه هي
جوري : عادي يلعبون اربعه بعدين اربعه ثانيه
رشا : والمشكله مافي اد يعرف يسبح غيرك انتي بتصيرين مع الاربع كلهم لان لو ووحده تصير لها شيء يمديك تنقذينها
جوري : اوكي مو مشكله
ام الهام : العيال خليهم يجلسون يشوفونكم لو يصير لكم شيء والعبو بثلاثه وخلو واحد احتياط للشبابا
رشا : اخاف يدخلون علينا بهالواحد واحنا فاتشين
ام الهام : لا انتم قولو لهم
جوري : اوكي انا ورشا وساره ونوره بنطلع الدبابات
وانتي يااارياف ونوف وهدى وساميه نادو الشباب
الكل ايوا خلاص
وراحو يطلعون الدبابات والباقي نادى الشباب
الشباب جلسو بالطاوله وجوري تركب كل بنت وفي الاخير ركبت هي البنات يمشون حبه حبه الانوف تعرف تمشي بالدباب هي وجوري جوري تفحط مو بس تعرف وفيصل مره معجب في جوري وكان يناظرها وهي تمشي بالدباب وخاق عليها وكان يبغى يشوف ملامح وجهاا بس كانت بعيده ومايقدر يشوفها المهم رجعت جوري عشان تاخذ المجموعه الثانيه نزلو المجموعه الاولى وركبو المجموعه الثانيه ونفس الشي ماكان احد يعرف غير جوري ونوره شوي مو مرا بس انها ماعليها المهم خلصو ورجعو الدبابات وراحو دخلو جوا وجلسو مع الحريم وبعدين طلعو فوق يستهبلون ويرقصون ويقرون مجلات وغيرها وغيرها
وبعدين جت الساعه9 بليل
جوري : اوف ودنا نطلع نتعشى ليت فيه سواق
هدى : اكلم مشاري على انه اكيد بيرفض
جوري : حاولي
وكلمت هدى رشا بس شكل مافيه فايده وكلمو نواف ولا فيه فايده ونفس الشيء عبدالعزيز
وكلمو فيصل وفيصل رفض نفس الشيء
جوري : طيب وش رايكم نطلب
الكل :يلا
رشا : جبتيها يابنت العم
وكلمو المطعم وجابو العشا وتعشو
ونزلو تحت وجلسو يتفرجون على التفلزويون
جوري : يانااااس طفش والله ملل وذالشباب اوف منهم ولا واحد ينفع الله يعين اللي بيتزوجونهم
فيصل كان بيدخل وسمعها
فيصل : احم احم
والكل تغطى
فيصل : تبغون تطلعون
رشا : ايه الله يخليك
جوري تبغى تشيل الرسميه اللي بينهم : تكفى لاتصيرون كذا
نوف : تررى تكفى تهز الرجاجيل
فيصل : بس وين اوديكم ذالوقت
جوري : نروح اممم لو نتقهوى ونجي وتونا الساعه 11
فيصل : طيب يلا بس لاتتاخرون
رشا : افا عليك بس دقايق واحنا عندك
وراح وشغل السياره ودقايق وجو البنات ركب جوري بالاخير هي وبنات خالاتها ورشا قدام وبالنص نوره وارياف وساميه
ونوف ورا مع جوري <<سيارتهم جيب لاند كلوزر اهو جيب فيصل >>
جوري كانت تبغى تدق على ندى ومنزله راسها تدور رقمها وبعدين كلمتها وسولفت معها لحد ماوصلو وسكرت
وبعدين نزلت وكل وحدا طلبت وفيصل دفع البنات قالو له ان احنا بندفع قال انا اللي عازمكم وشربو قهوه وغيرو جو ورجعو لشاليه البنات صعدو يشوفون فلم
عبدالعزيز : غريبه البنات سابطين
نواف : ايه يتابعون فلم توني مكلم نوف وقالت لي
وبعدين جو البنات
نواف جبنا طاري القط جانا ينط
نوف : قل خيرا او اصمت اصلن ماتستاهل اسمعك
نواف : خير صايله
نوف : الحين فيصل الرجال راح يمشينا وانت مو معطيني بال هو رحمنا مو مثلك
وجلسو البنات
ساميه: ياحظ اللي بتصير نصيبه
جوري رفعت راسها تشوف فيصل وفيصل التفت يشوف جوري
جوري حست بعمرها ونزلت راسها
المهم مر يوم ويومين وثلاث ايام واربع ايام ونفس الحاله طلعات وبحر ووناسه جا يوم الرجعه كملو ايبوع هناك
ابو الهام : خلاص بنرجع ملينا
ابو فيصل : ايه خلاص وش بعد
وقالو للحريم يجهزون عشان بكرا يمشون الكل جهز اغراضه وركبوها لسيارات ونامو اليوم الثاني الكل قام ومشو لرياض والكل بسيارته ماكان فيه جمعه
وصلو لرياض ومرت الايام جمعات وفله وكل يوم ضحك وفرفشه رشا جت ملكتها وحضروها جاء زواج ندى وحضروه ووكان باقي اسبوع ويجي زواج رشا
في بيت ابو الهام
ابو الهام : يابنتي متى مفكره تتزوجين
جوري : بصراحه يابابا اذا جاني بهالوقت واحد رجال واهله خوش اهل بوافق لاني خلاص انشاءالله اني بدخل طب وامنت مستقبلي ومابقى الا الزواج
ابو الهام : اجل اسمعي يابنيي فيصل خاطبك واهو يبغاك وشاريك وانتي عارفه فيصل رجال وخوش رجال بعد ومايحتاج اقولك عنه
جوري : اللي تشوفه يابابا وفيصل مايحتاج تقولي عنه
وافقت جوري وابو الهام وصل لاابو فيصل
والحين جاءالوقت اللي يقولون لفيصصل انها وااافقت
ابو فيصل : فيصل وانا ابوك خطبت لك بنت رجاجيل وماحتاج اقولك عنها
فيصل : مو موافق انا بنتظر لحد ماتحلص جوري دراستها
ابو فيصل : لا ماارح تنتظر لانها هي وافقت انها تتزوجك
فيصل : قلو والله يعني جوري بتصير من نصيبي احلف يايبا لا تلعب علي تكفى والله مو فاضي هاه ريم وافقت جوري لاتلعبون علي
ريم : هههههههههه منتاب صاحي ايه وافقت عليك وملكتك بتصير مو الاسبوع الجاي اللي بعده
رشا : وشلون جوري بتصير زوجة اخوي يالله مااصدق
