افهمني اترجاك كافي عاد ارجوك
مو حتى العيون حلفت ماغفت بعدك
دست جروح گلبي وكتلة انساه
جاوبني گلي مو بكيفك أشحدك
༺༺༺༺༺༺༻༻༻༻༻༻
فتح عيونة وباس راس جنة ووخر إيدة من جوة راسهة بدون مايكعدهة،، نزل من عالچرباية وراح للحمام اللي بالغرفة غسل وجهة علمود يصحصح وطلع من الغرفة،، دخل للمطبخ وأستغرب لمن مالكة احد لان دائماً چان يلكة بغداد تسويلهم ريوك
راح لغرفتهة ودك الباب بس ماردت فتح الباب ودخل زاد أستغرابة لمن مالگاها انتبه للورقة اللي ملزوكة عالحايط تقدم منهة وقرة محتواها
*راح تگعد الصبح وأكيد راح تستغرب لان ماراح تلكاني بالبيت بس آني قررت اطلع واعتمد على نفسي لان انت مامجبور تصرف علية ورجاءاً لاتدور علية ياعقيد ولاتدك علية وأشكرك على كلشي قدمتة إلي
تحياتي بغداد *
شد على شعرة بضوجة وگال: شكاعدة تسوين يابغداد
جر الورقة من الحايط وشگگهة بعصبية،، طلع من البيت وتقدم من الحراس اللي واكفين يم الباب الخارجية
عراق كال: شلون طلعت وانتو موجودين؟؟
الحارس كال: سيدي والله هي كالت العقيد سمحلي اطلع
عراق كال: أغبياء انتو؟؟ شلون تصدكوها؟؟
الحارس نزل راسة بخوف وكال: آسفين سيدي
عراق كال: أغبياء مامنكم فايدة مدري ليش مخليكم
دخل للبيت ورجع لغرفتة كعد على طرف الچرباية يهز رجلة بعصبية وتوتر يفكر ببغداد
عراق كال بعصبية: غبية وحك الله غبية حتى مكان تكعدين بي ماعندج وين راح تروحين واصلن شنو الشغل اللي ممكن تشتغلي،، اوووف منج يابغداد
................................................................
فتحت عيونهة عالكيف وقابلهة السگف صفنت بي لفترة طويلة ونزلت دمعتهة ماتعرف شلون ووين راح تلگة شغل وتدبر الاجار واكلهة وشربهة،،دحجت عالساعة وشافتهة بالاربعة ونص العصر
اول ماوصلهة السايق ذبت روحها بالچرباية الوحيدة اللي لكتهة بالغرفة ونامت لان الليل كلة مانايمة،، نزلت من عالچرباية وافترت بالمشتمل اللي چان فارغ ومابي اثاث غير الچرباية الزغيرة الموجودة بالغرفة
بغداد وكفت بنص المطبخ ومسحت دموعها بحركة گلب وكالت: لازم تتعلمين علعيشة وحدچ يابغداد
رجعت للغرفة وفتحت الجنطة طلعت سترة سودة ولبستهة وطلعت من البيت ناوية تدور على شغل وقررت ماترجع للبيت إذا ماتلكة شغل
حيل بردت وملابسهة تبللن لان المطر صار قوي،، سألت اصحاب الاسواق علمود الشغل بس گلولهة مانحتاج عامل مافقدت املهة ودخلت للمولات وهي تدعي بكلبها انه تلكة وفعلاً لكت شغل بمول گلش چبير وكلولهة باچر تبدي وكلولهة على اوقات الدوام
ВЫ ЧИТАЕТЕ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
