عندما يقع الوحوش فى العشق الجزء الاول والتانى ﴿الكاتبة/ جنات﴾

الفصل١٨

روايه عندما يقع الوحوش فى العشق
««الفصل ١٧»»
الشباب بيمشو وبيسيبو ادهم لوحده
والبنات بيروحو على الاوضه وبيحاولو مع ليان عشان تاكل وهى رافضه تتكلم او تاكل
حياه:ماهو مينفعش اللى بتعمليه ده انتى اللى هتتعبي
ديما:طب خدى علاجك ياحبيبتى
ملك:طب اى اللى حصل بينك وبين ادهم وخليكى تسيبى المستشفى كدا
ريم:هتفضلى ساكته كدا كتير ياليان ماتتكلمى قولى اى اللى حصل
ليان بتعب:انا عايزة انام ممكن بكرة نبقي نتكلم انا تعبانه اوى
حياه:طب نامى ياحبيبتى وبكرة نتكلم
البنات بينامو من تعب اليوم واللى حصل معاهم
___________
تانى يوم الشباب قاعدين فى ساحه التدريب بيتكلم بيجى عليهم البنات ماعدا ليان
حياه:صباح الخير
الشباب:صباح الخير
ملك:ممكن يااستاذ ادهم تفهمنا اى اللى حصل امبارح بينك وبين ليان
ادهم بسخريه:اظن حاجه متخصكيش يااستاذة ملك
سليم بحده:ادهم اتكلم زى ناس احسنلك
ديما:لا تخصنا ياادهم لما حاجه تخص اختنا تبقي تخصنا انا مش فاهمه انت ازاى اديت لنفسك فرصه تتكلم معانا كدا
ريم:والله اعلم قالها اى يخليها تتعب كدا
ادهم بخوف قام وقف:تعبانه مالها
حياه:اهدى ياادهم وخلينا نتكلم بالعقل العصبيه عمرها ماتصلح حاجه ليان من وقت ماطلعت من المستشفى وهى رافضه تتكلم او تاكل حتى العلاج رافضه تاخده
ملك بعصبيه:قوليله ونبي عشان انا جبت اخرى خلاص
ديما:ملك لوسمحتى مينفعش كدا ادهم احنا جينا نتكلم معاك لان ليان مش بتنطق واحتا خايفين عليها
ريم:قولنا اى اللى حصل واحنا والله هنقف معاكو دى اختنا وانت اخ لينا
زين:اهدو يابنات الغلط كله من ادهم وهو اللى هيصلح غلطه بنفسه
سيف:كلام زين صح انت غلطت لما خيرتها بينك وبين البنات
البنات بعصبيه:خيرتها
ادهم:ايوا لان انا ولا حاجه فى حياتها اهم حاجه عندها هى انتو وانا مش موجود
حياه:انت غلطان يااادهم ليان مش بس بحبك دى بعشقك واحنا عارفين كدا كويس
ديما:ليان بتشوف فيك سند ليها
ملك:تعرف اول ماانت اعترفت بحبك ليها قالتلنا اى
ريم:قالتلنا اخير هيكون ليا سند مع بابا الله يرحمه وانها بتحس بالامان لما بتكون معاها
حياه:ادهم سكوت ليان ده مش مطمنى ابدا وصدقنى انت اللى هتندم
ديما:ومتنساش كمان اللى حصل معاها بعد خطفنا وانتى جاى تقسي عليها
ريم:لو انت مضايق من وجودنا مع ليان فمتزعلش منى اخبط راسك فى الحيط احنا مش هنسيب ليان ابدااا
البنات بتمشي
زين:كل كلامهم صح انت اللى غبي
_________________
ليان فى اوضتها عماله تعيط الباب بيخبط
ليان:اتفضل
بيدخل ديماو زين:حمدلله على سلامتك يالى لى
ليان بتمسح دموعها:الله يسلمك يازين
ليان بتبص على الباب
زين:ندمان على اللى قاله صدقينى
ليان:بعد ايه هو عارف انى ماليش حد غيرهم لى يحرجنى كدا
زين:اهدى ياليان انا اخوكى وخدتلك حقك منه
ليان:ازاى
زين:اخد منى حته بوكس محترم منور فى وشه
ليان بتضحك:حرام عليك يازين
ديما:وكمان زعلانه عليه
زين:ليان هو ندمان وهيجى لحد عندك ويعتذرلك ولو زعلك تانى انا اللى هقف فى وشه انتى اختى يالى لى
ليان:شكراا يازين بجد
زين:يلا هسيبك ترتاحى بقي وياريت تاكلى وتاخدى علاجك عشان تبقي كويسه
ليان:حاضر
بيخرج زين وديما
ديما بتمسك ايد زين:انت لسه زعلان منى
زين:انا مضايق عشان خبيتى عليا وكمان جيتو الطريق ده لوحدكو افرض كان حصلكو حاجه
ديما:انا اسفه والله مش هتكرر تانى والله كنا عايزين نعملها ليكو مفاجاه واننا اكيد وحشنكو وهتفرحو لما تشوفونا بس الظاهر انتو مش فرحتو ولا حاجه
زين:بالعكس انا طيرت من الفرحه لما شوفتك لانك كنتى وحشانى موت بس لما افتكرت الطريق وانه خطير خوفت لو كان حصلك حاجه انا كنت هموت ياديما
ديما بتترمى فى حضنه:بعد الشر عليك يازين بلاش تقول كدا تانى لو سمحت عشان خاطرى انا مقدرش اعيش من غيرك
زين:ربنا يخليكى ليا ويديمك فى حياتى يا احلى ديما فى الدنيا
____________
سيف فى مكتبه الباب بيخبط
حياه بتفتح:ممكن ادخل لوسمحت
سيف:مانتى دخلتى خلاص ياحياه
حياه:لو مضايق ممكن امشي
سيف:انا عمرى مااضايق منك ابدا
حياه:لسه زعلان منى عشان مقولتش لك على المعسكر انا اسفه والله مكنتش عايزة اخبي عليك بس البنات قالو انهم عايزين يعملوها مفاجاه بس شكلها كانت مفاجاه وحشه ليكو
سيف بيمسك ايدها وبيبوسها:دى كانت احلى مفاجاه ياقلبي والله
حياه بتضحك:ممكن اقولك حاجه
سيف:قولى حاجات من حاجه واحده
حياه بكسوف:بصراحه كدا انت كنت وحشنى اوى وفرحت لما اللوا لطفى قالنا على المعسكر انى هاجى واكون معاك
سيف بيبوس راسها:انتى حياتى ياحياه ربنا يديمك نعمه فى حياتى واحلى حاجه فيها
حياه:ويخليك ليا انا هروح اشوف ليان بقي
سيف:حاضر ومتزعليش من ادهم هو ماكنش عارفه بيقول اى
حياه:لا عادى مش زعلانه يلا سلام
_________________
فى اوضه ليان ادهم بيدخل من غير مايخبط بيلاقيها قاعده بتعيط
ادهم:انا اسف
ليان بتتفاجا بوجوده:انت دخلت امته وجاى لى اصلا ولو عايز اجابه على سؤالك فانا مش عندى اجابه ولو سمحت امشي
ادهم بيقعد قدامها على السرير:انا اسف ياليان مش عارف لى قولت كدا بس والله ندمان واسف من قلبي
ليان بتنهار:انتى جرحتنى اوى ياادهم
ادهم بياخدها فى حضنه:انا اسف انا غبي والله
ليان:متقولش على نفسك كدا
ادهم بيضحك:حاضر ياقلبي ممكن بقي متزعليش منى انا اسف
ليان:هعديها المرة دى بس وانت كمان متزعلش منى عشان جيت المعسكر من غير ماقولك
ادهم:كفايه اسف بقي يلا عشان تاكلى وتاخدى الادويه بتاعتك
ليان:حاضر
_____________
ريم قاعده فى الجنينه بتاعه المعسكر بتكلم والدتها ومصطفى
ريم:حاضر ياماما هوصل سلامك لليان وانت يامصطفى خد بالك على ماما وخليها تاخد العلاج بتاعها فى معاده
مصطفى:ماشي ياريمى واه كل سنه وانتى طيبه
ريم بحزن:وانت طيب يادرش بس انت عارف مبحبش احتفل بيه
مصطفى:ماشي ياحبيبتى بس بلاش تزعلى نفسك
ريم:حاضر هقفل عشان اروح انام
ريم بتقفل وبتعيط بصوت عالى ومش اخده بالها من جاسر اللى واقف من اول المكالمه وراها
جاسر بيقرب منها:ريم مالك ياحبيبتى
ريم بتدخل فى حضن جاسر وبتعيط:وحشتنى اوى ياجاسر كان نفسي تكون معايا
جاسر:مين ياريم مين اللى وحشتك
ريم بتبعد عن حضن جاسر:مريم اختى التؤام كانت اتوفت مع بابا لما البيت بتاعنا ولع ماتو قدام عينى الاتنين
جاسر:ربنا يرحمهم يا حبيبتى ادعيلهم هما فى مكان احسن بكتير
ريم:ربنا يرحمهم ويجمعنى بيهم فى الجنه
جاسر:عشان كدا مش بتحبي تحتفلى بعيد ميلادك
ريم:كنت بحب احتفل مع مريم ومن وقت وفاتها وانا مس بحب احتفل بيه لوحدى
جاسر بيبوس ايدها:كل سنه وانتى منورة حياتى
ريم:وانت معايا ياحبيبي
___________________
ملك بتروح تسال على سليم العسكرى بيقولها انه سطح المبنى ملك بتطلع وبتلاقى سليم واقف على حافه السور بتجرى عليه وبتشده
ملك:انت مجنون عايز تنتحر لى
سليم هيموت من الضحك
ملك:وكمان بتضحك
سليم:بضحك عليكى ياروحى انا مكنتش هنتحر ولا حاجه
ملك:اومال واقف مع السور وفى دور التالت لى
سليم:انا بحب اطلع هنا واقف كدا على طول
ملك:على طول بتقف كدا طب افرض وقعت
سليم:ياحبيبه قلبي انا بنط مسافات ابعد من كدا بكتير
ملك:انت مش زعلان منى مش كدا
سليم:انا مكنتش زعلان منه انا كنت خايف عليكى ياملك الطريق مش امان وكمان جايين بليل
ملك:احنا جينا محصلش حاجه قول الحمدلله
سليم:الحمدلله طبعاا
ملك:خلاص بقي ممكن وانا اوعدك مش هعمل كدا تانى
سليم:حاضر ياملاكى وبيطلع قالب شوكلت 
ملك بتصوت:ده ليا
سليم:الله يفضحك وطى صوتك العساكر هتيجى على الصوت يقولو بعمل فيكى ايه
ملك :اسفه بس ده ليا
سليم:اكيد ليكى ياملك اومال للجيران يعنى ملك روحى نامى الله يهديكى روحى
ملك بتقرب وبتبوسه من خده:شكرااا ياحبيبي وبتاخد الشوكلت وبتنزل بسرعه
سليم بيتفاجا من عملتها:البت دى مجنونه اقسم بالله بس بموت فيها
وبينزل هو كمان وبيخلص اليوم.......