#مزيونه_الشيخ_صكر.
_هاي سوالف النفسه لاتخافين يمه جنج العافيه ...كحيله
هذا ابنكم بمكانه وارتاحي وراها انزلو تغدو سويتلكم باميا بالضلوع ...وانتي كحلاء شدي حيلج يمه حتى اهلج راح يجون .....
كحلاء"
هزيت براسي وغطيت روحي وصكر لكيته سرح بسابع نومه ...كمت وجسمي متكسر والم الولادة يقسم الظهر بالنص.....التكييف بارد غطيت يزن والتفت على صكر نايم بدون غطى غطيته .....وكفت كباله والدمعه بعيني صفكت ايد ب ايد ونزلت جوه ....وتندمت لان نزلت الألم لايطاق ...
عمه صكر ضلت تصيدني بنظراتها"
_شبيها ام يزن شجاج وعطتي قبل شويه وليش ماارتاحيتي شنزلج. .
_اتندمت لان نزلت اريد اسبح جسمي كله ياذيني ...
حلمت حلم كابوس ....
_خير يمه شحلمتي ....
_حلمت ب صكر طالع ب ديوان وصعد سيارته وجن احد متبعه وضربه طلقه بصدره وو......
_اش اسم الله شجاي تحجين يمه ..هاج ادفعي صدقه شطالبه الولد
_عمه شبيج تره اني مرعوبه هذا زوجي ...
_ادعيله بالخير وارجع واكولج هاي صدقه ادفعيها بس لاتحجين بي لصكر....ولاتحجي ل احد ...
اكلت لكمه وكوه ابلعهاماعرف شنو الي خرب سلام الداخلي الي بعد هذا الكابوس ....وره ساعه اندكت الباب واجو اهلي ....
يمكن بهذاك الوكت يزن صار أغنى طفل بالعالم ....
صحيت واسترجعت صحتي بعد ايام...وصار كلشي طبيعي....
العشاير وقوانين وعادات اهل العمارة وتقاليدها واكعه براس صكر اني جنت ارتب وانسق ملابسه ول ياشماغ من يلبسه رغم احنه بجيل متحضر الا حلاه و زينه شبابنا بلبسهم هذا ....
هنا ودكت علية كوثر "
_كحلاء الحكي بابا وضعه مو زين يمكن السكر مرتفع ...
_اني بالعمارة أني بعيدة .. والجو حار وصكر مشغول بالطلايب...واذا اجي اقل شي لازم اسبوع ابقى يم بابا .ووو
_اي ابقي ولج حتى اني مشايفتج ...ولايزن حتى ،كحلاء مختنكه اني وياسر جاي احلم بي يبجي ...
_اوف يا اخويه دمرت مستقبلك علمود مرة ....
_ولج اه يادنيا...
_كافي تلطمين بوجه الحمزه بس يجي صكر افتح الموضوع وارد لج خبر ....
سديت الاتصال من كوثر و رحت رضعت ب يزن حليب صناعي بودرة لان اكلي ضعيف ....
القبق على كوله اهلنا بالبصرة مو ....المهم القبق وكع جوه الكومندين نزلت بهدوء اجيبه لكيت ألبوم صور ...
فتحته ...صور عرس صكر و إيمان؟؟شجابها هنا شنو محتفظ بيها اله مشاعر لو ناسي لو ليش هيج صكر ...
لزمته ب أيد وايد لازمه خاصرتي.....ترددت شسوي بس ....
خليته بحوض غسل المواعين و شعلت النار وحركته ...
صار فتات...اجت عمه صكر كالت"
_يا شنو هاي الريحه شسويتي ...
_ماكوشي .....شوكت يرجع ابو يزن ...كوثر خبصتني تريد اروح لبغداد ...
_اي يمه روحي شوفي اهلج و اكعدي وياهم هم يفرحون ب يزن....
_ان شاء الله....
من رجع صكر لاحظ عليه متضايقه ...اني ماجيت بخصوص الألبوم مال ايمان ...
كل الي حجيته بخصوص روحتي لبيت اهلج لبغداد هو ما مانع تقبل كلشي بهدوء...
اتفقا بعد اسبوع ياخذني لبغداد ...بس الحظ لعب ويايه ...زوج كوثر صارت عنده جيه لبيت خوال صاحبه متوفي واجه يعزيهم... وكتله لصكر يدزني وياه.
شفت صكر متقبل الوضع احس بي مشغول بشي بس شنو ماادري ....
________
زوج كوثر أخذها هي وابني واني تنهدت بهم..... همي كلش كيير وشنو المنتظرني ما ادري .....
_____________
وصلت لبغداد الله صارلي ٨اشهر ماارايحه ل اهلي ...زوج كوثر كال تعالي لبيتنا بس اني كتله وديني لبيت اهلي وهناك شوكت ماتجي كوثر خل تجي......اتشكرته هواي ....نزلت لبيت اهلي ......البيت مداخله اله من عرست اني وصكر ......ضليت استنشق شهيق جن اريد اعبي رئي ب هواء بيتنا ..بابا استقبلني صحته مو تمام بس فرح بجيتي .....خله يزن بحضنه وضل يلعبه واني بالي مشغول بصكر ...حتى ما اتصل عليه يطمئن ....________يتبع
رايكم
تفكير كحلاء صح ب ان زوجها يفكر بحياته السابقه ..
لو اكو شي ثاني شاغل صكر ...؟
لاتنسوا لايك
التنزيل يوميا ب١١ان شاء الله
محبتي ❤️
#شهناز_الخزعلي
YOU ARE READING
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
