والمح رموشچ عصافير اعله گلبي تحط جنحها.
صحيت على صوت المنبه الي چان يشير على الساعة، ٧:٠٠
گمت اخذت دوش سريع طلعت لگيتهن كلهن كاعدات ونازلات
قررت البس بينصل اسود تسعين ووياه اخذ قمصلة مطرية
جيت رفعت شعري حتى مايعيقني من البس لمحت الأثر الي بضهري اثر حرگ
رجعت بية ذاكرتي لأيام ماجنت يم ماما دجلة، تذكرت كل شي بالتفصيل....
مااعرف شنو الذنب الي ارتكبتة من رفضت فراس كلها انگلبت علي، جة عمي وصيح علي بوكتها وضربني راجدي ماانساه وهو يكلي "خزيتينة بين العالم، شنو اگللهم ماترضى"
وسلمني بيد مرتة وگللها شوفي شغلچ وياها فوتتني بغرفة فوك عدهم بالطابق الثاني حتى محد يسمعني او بالأحرى ماما ماتسمعني ؛ رجعت اسمع صوتي كأنما ينعاد السيناريو، صيحت ضربت مافاد حرگتني لان ضربتها ودفعتها، وتستاهل لو ينعاد بية الزمن ارجع واسويها، بس اني مااستاهل چنت وية الكل طيبة ومااذي احد بسس هم اذوني
رجعت لواقعي وزاد حقدي عليها لا مو بس عليها عليهم كلهم ورأس القائمة فراس...
نفضت كل شي من راسي ورجعت البس اسريع طلعت بوت قصير لونة اسود بلون القمصلة ونزلت صبحت عليهم لگيتهم يتريگون وبيت عمي موجودين
وتين: إلياس وين
ماري: جة تيام واخذة بشغلة مستعجلين
_امممم وانتي شو مارحتي للمسشفى
_لليل عندي خفارة
_هاا زين اني ويامن اروح
عمي حسين: هسة ابلغ كرم يجي يوصلچ
_تسلم ريتك طيب بس اني متعودة اروح وحدي عادي
_لا شون يصير بنية وحدج
_هسة قابل راح ياكلوني ياعمو
_لا يعني لا يجي كرم ويوصلج
_زين كنان وين
ماري: خابرو علية البارحة رايدي بشغلة من الصبح
_تمام انتضر واشوف
واني گاعدة جتي ميساء يمي وحچت بصوت واضح
_وتين اني اسفة واعتذر منچ على تصرفاتي البارحه وياج
_عادي يامعودة اصلا ولاببالي نسيت
_يعني مسامحتني؟
_اي يامعودة مسامحتچ شعندي وياچ
شالتلي ماري الكانيولا لان صرت احسن، تأخر وهل الكرم مايجي لل٨ صعدت وگتلة يوديني للمستشفى مستعجلة
وصلني للباب توني نازلة صاحني
_نعم وياي؟
_وتين محتاجة احد وياچ عادي احچي
_لا تسلم وشكرا على التوصيلة
فتت ركض لكيت بس حوراء وليث اما الباقين ماكو
_هلو شباب صباح الخير شونكم
ردولي السلام وسالتهم بسرعة
_نور وين هسة شصار وياها
ليث: اخذولها قبل شوي سوو تحاليل كاملة وقبل عشر دقايق فاتت للعمليات
_هاا زين الشباب وينهم، إلياس ايهم وتيام احمد هم ماكو
حوراء: الي شفناه جوي إلياس وتيام شافوها وسلمو عليها چان ايهم موجود ورة ماطلعو اخذو وياهم، واذا على احمد هو جاي يسوي العملة
_چذذذذب
_والله هههههههه
_ اي زين امورة عدلة
ضلينة گاعدين بالإنتضار لحد مادگ تلفوني رقم غريب گمت طلعت للحديقة خارج المستشفى وجاوبت
_الو نعم تفضل
_الو وتين هاي شلونج
_هلا امورة شونچ اخبارچ همزين تذكرتيني
_يامعودة مشاغل الحياة، صدك الي سمعتة من تيام
_هههههههه شوكت اجاكم وشسمعتي
_مااجاني خابرني وسولفلي على الصاير بيكم خطية مايستاهلن لامريم ولانور،
انتي شلونج گال رادت تضربچ جلطة صدك
_اي صدك غير گلبي راد يوگف ولچ بعد مااحس بالحاولية حسيت هاهي فقدتهن اثنينهن
_اي صدك خطية إلياس مرتة وابنة نفس اليوم الله يعينة
_ويعينچ حبيبتي
_اني گلت لتيام لازم اجي عيب گلي ماشي بس اخلص شغل عبالي انتي هم جاي ادامين
_لا ماخذة اجازة اسبوع لبين ماارتاح كلها تجي مرة وحدة
_اي حقچ صدك يلا اني اترخص عندي شغل ودوام وعفتة احجي وياج
_صدك مين جبتي رقمي
_منين يعني من تيام اكو غيرة
_يلا اني اروح مع السلامة
وسديت التلفون رجعت امشي بالممرات ورجع دگ تلفوني رقم غريب، شنو السالفة متحلفين
_الو نعم؟
_الو وتين تسمعيني؟
انصدمت من المتصل من زمان ماشفتها من يوم رجعت من روسيا انقطعت اخبارها
_أهلا دانيا
_الحمدلله تسمعين صوتي وتعرفيني مانسيتيني
_شون انساج انتي وحد، شو الرقم عراقي؟
_توني وصلت للعراق واشتريت خط حتى اخابرج
_يااعيوني شون تذكرتي رقمي
_چنت كاتبتة من زمان، المهم تعالي اخذيني اني بالمطار اريد اشوفچ.
أنت تقرأ
مابين الماضي والحاضر
Mystery / Thrillerفي احد ازقة بغداد هنالك عائلة من الخارج جميلة ومن الداخل عبارة عن احداث غامضة... ياترى من منهم سوف يتجرئ عن فك تلك الأغاز....
