روايـة : السدام 10
بقلمـي " حـُـور عَباس "
_____________
أن تَكون شَخصاً حنونًا آمر مُتعب جدًا
يوسف
عفتهن وگمت بالطرمة أشرب جكاير
التفتت على صوت وحدة تگح بقوة وتشهگ
فتحت عيوني من شفتها ايدها على شفايفها وتگح بخنگة
أقتربت عليها باوعتلها بقلق
- شبيج ؟
أشرت على الجكارة ذبيتها وطفيتها برجلي وانا احچي
- بيچ ربو ؟
سحبت نفس بقوة وحچت بتعب
- لا بس انا عندي حساسية من الدخان أضل اگح و ومرات حتى وجهي يتحسس و يصير أحمر
هزيت راسي طبيت گعدت
لليل وره العشاء گاعدين نشرب چاي
أتمددت لزمت الجهاز أتصفح بي وهنَ يباوعن مسلسل
التفتت اباوع صارت عيني بعينها صافنة بية !
بسرعة باوعت للتلفزيون تسوي نفسها متباوعلي
صارت عيني عليها كل شوي اباوعلها لحد ما صدتها تباوعلي غمزتلها فتحت عيونها بصدمة تباوع لأمي وخالتي خاف وحده منتبهه
رجعت نضري للجهاز أدور رقمها كتبتلها
- أدري بنفسي حلو بس عيب تصفنين بـ أبن خالتچ
صدر صوت بجهازها مُعلن وصول الرسالة
ركزت بيها وهيَ تقرأ ومصدومة ابتسمت
طفيت الجهاز وگمت
- يالله گومن الوكت تأخر
أحلام: ياا والله ما ترحون شني
- لا خالة الوكت تأخر وانا تعبان والله
- اي چا أبقوا هنا
رحمة : خلينة نبات هنا وباجر نروح
- ابقن انتن انا رايح
طلعت رحت للبيت نمت
ومرت ألايام باهتة فاهية مابيها طعم بدون سدام
كم يوم والتحقت للدوام وهل مره وحدي صارن 10 سنين بگد ما الايام ثگيلة
و هنا اكتشت انا ما احب الدوام انا احب الوكت ويا سدام
ومن غير أمنية الي ماخذة جزء چبيـر من تفكيري ليش وشلون بهل سرعة ما ادري كل الأعرفة بدون ما أحس أشوف نفسي سرحان بيها وبتفاصيل وجهها
عيونها
خصلات شعرها
خزرتها
ضحكتها
رفعة حاجبها
زين ليش من أشوفها ما أسيطر على أعصابي وهواء مرات أحاول اغثها ؟
بملابس الدوام و الجنطة على كتفي وكفت ادگ الباب أنفتح
ابتسمت وأنا اشوفها واكفة مطلعة راسها من الباب وخصلات شعرها على عيونها
طبيت وسديت الباب
رفعت حاجبي وأنا احچي
- بس لو تضمين هل شعرايات انا ارتاح
- هوَ انا ما أريدك ترتاح لهذا ما اضمهن
- والله من احط عقلي وياچ أخليچ تطبگين حجابين وتلبسينهن
ESTÁS LEYENDO
السدام 10
Historical Fictionشهيداً مغطى بدماء الوطن وأباً حنوناً لِـ أميرة واحده وزوجاً يعشق بجنون وعقل وخليفتاً لقبيله بكاملها تحمل لهُ الحب فمن هو ذا ؟ السدام القصه بقلمي حوراء عباس
