عتاتيق الحب

Part 3

طلع الصباح و الكل قام من نومه وصحت نجد من نومه عميقه وراحت الحمام
"الله يكرمكم"
عند ام نجد و ام فهد بالمطبخ:
ام فهد:غريبه محد صاحي لا نجد ولا اماني يساعدونا
ام نجد:لا يمكن قاعدين بس يتكشخون😉
ام فهد بضحكه خفيفه:اي صح يمكن
نجد بالحمام
نجد:اف مالي خلق استشوره بطلع وهو كيرلي .طلعت من الحمام ، أوف اماني ماصحت غريبه
تقدمت نجد ل اماني تصحيها
نجد: اماني يلا قومي آذن الظهر وانتي نايمه
اماني: أوف نجد فيني نوم شوي شوي
نجد:زين اذا سألتني امك بقولها كانت سهرانه
اماني:ياحيوانه متى
نجد ضحكت بخفه: مدري المهم كملي نومك واحلمي انك رحتي البحر وكذا
اماني:احببككك تخيلي بس احلم
نجد:غمضي واحلمي.
طلعت نجد من الغرفه وسكرت الباب وراحت المطبخ
نجد:صباح الخييررر
ام نجد: وه يانجد توك تقعدين من نومك؟
نجد:ماما عادي وش اسوي غير النوم
ام فهد:طيب يا ام النوم تعالي ساعدينا
تقدمت نجد تساعدهم بالتقطيع
ام نجد: ام فهد ولدك فهد ماعنده دوام؟
ام فهد: يووه الا عنده بس نسيت اقعده معليش جوجو تروحين تقعدينه؟
نجد فزت بتوتر: لبيه اي عادي
ام فهد: يعطيك العافيه يايروحي
ابتسمت نجد بخفه وطلعت رايحه لغرفة فهد طقت الباب وشافته نايم دخلت عنده قربت وجهها لعنده صارت مقابله له
نجد بتوتر:فهد فهد أصحى دوامك بدأ ونت نايم
فهد فتح عيونه من صوتها اللي يحب يسمعه وبصدمه
فهد:شتبين؟
نجد: جيت اصحيك ل دوامك
فهد: انتي؟
نجد: ليه وش فيني انا؟
فهد جلس: لا ولاشي استغربت نجد بنفسها تجي تصحيني
نجد تخصرت: امك قالت لي اقولها لا طبعاً ماراح اقول
فهد ضحك على وقفتها
فهد: طيب طيب خلاص روحي
نجد بعصبيه: يلا اخلص قوم
فهد: طيب خلاص قمت اطلعي
راحت نجد تطلع من الغرفه وسكرت الباب بقوه وراحت للمطبخ
نجد: عمه آخر مره اصحي ولدك أوف
ام فهد:ليه شصار
نجد بعصبيه:قام يقول انتي تصحيني واستغربت ويضحك ومدري وش
ام فهد:خلاص هدي هدي ب اتفاهم معه بعدين
عند فهد:
فهد:والله مجنونه بس احبها شسوي
وقف وراح للحمام "الله يكرمكم"
عند اماني:
اماني:اهخ يا نجد خربتي نومتي كانت افضل نومه راحت للحمام
عند نجد و امها و عمتها ام فهد خلصوا الغداء وكبوه بالصحن الكبير ، خذت نجد السفره وراحت الصاله تفرشها فرشتها وراحت المطبخ صدمت ب فهد اللي طلع ب وجهها ونطقت بسم الله
فهد:شايفه جني قدامك؟
نجد: ليه ان شاءالله ماتبغى احد يقول بسم الله اخترعت وقلت بسم الله وش فيها
فهد بتمثيل الحده:اقول بس بلا كلام زايد و روحي المطبخ
نجد تخصرت: ماراح اروح وش بتسوي؟
فهد: اعتدلي بس
نجد: مالك دخل
وراحت المطبخ وهمست افف حلوو.
عند فهد: ياحلوها بس شسوي مدري هي من نصيبي ولا لا راح للمطبخ وشافها تسوي السلطه شافته نجد وتجاهلته وراحت تحط السلطه بالسفره
وهمست ياحلوه بالبدله وربي انه حلو كذا ولا كذا شافت امها شايله العصير وحطته وراحت وراها ام فهد و فهد وجلسوا نطقت نجد
نجد:استنوا باقي أبوي و عمي و اماني شفيكم مستعجلين ، تكلموا الأمهات في نفس الوقت
ام نجد و ام فهد : اي صح روحي ناديهم
نجد:ان شاءالله
راحت نجد تصحيهم دخلت غرفته ابوها صحته وبعدها طلعت وراحت لغرفة عمها وصحته وراحت غرفتها هي و اماني و دخلت الغرفه وشافتها تستشور شعرها شافتها اماني
نجد: اماني ترا اليوم الخميس غياب لابسه المريول ليه و ترانا الظهر😂
اماني بصدمه:امانه ااههخخخ الله لا يوريك تخيلي بالحمام كنت مستعجله عبالي اليوم الاربعاء
نجد بضحك: قومي قومي بدلي وامشي الصاله نتغداء
اماني: طيب انتظريني مابغى اروح لحالي
نجد هزت رأسها بموافقه:تمام
خلصت اماني وراحت اماني تحط لمستها الأخيره الروج وقامت من التسريحه ونطقت:خلصت يلا؟
نجد:يلا
طلعوا من الغرفه ونزلوا مع بعض و شافوا الكل جالس و جلسوا جنب بعض وتقدموا يأكلون خلص فهد اكل وتقدم المطبخ يغسل وقفت نجد المعنى خلصت راحت المطبخ وشافته يشرب مويه مثلت انها مطنشته وراحت تغسل يدها خلصت التفتت مالقته ما استغربت لان توقعت انه راح دوامه اما عند فهد
راح الصاله يسألهم تبون شي ولا الكل:سلامتك
وتقدم المطبخ يسألها تبغين شي
نجد:والله ودي اروح السوق وأعتقد ان أبوي ماراح يوافق
فهد:مالي خلق
نجد:تكفى انا و اماني
فهد:قولي ل أبوي
نجد: أف خلاص مابغى شي
فهد: بجي من الدوام اذا لي خلق وديتكم
نجد: قول والله
فهد:والله
نجد من الفرحه تقدمت تحضنه بقوه
نجد: مررره شكرا
فهد بصدمه:العفوو
نجد استوعبت الموقف وبعدت
نجد: اسفه والله
فهد ضحك بخفه: لا عادي معليه
نجد:اي يلا انا بطلع
تطلع مسرعه ومتفشله من حركتها
فهد: اهخ حضنها مردي باخذك وتصيرين حلالي
...............يتبع