..مساء الخير..
#قيود من لهب
اعتذر ع التأخير
البارت بدون تعديل
رفعو القصه صوتو ع الواتباد وعلقو جد تفاعلكم يسويلي واهس ....
مررت ب ايام لا يتجاوزها الفرد الا جماعه...
صدمني من كال
سلام: كسر ب ايدي سوده عليه.....
_شكد متقلب
..اي ان شاء الله اذا تمد ايدك مرة الخ تنكسر وسوده عليك ..
ضحك...
..طلكني ما انسه تره..
سلام:رجعتي تعيديهه مو ...
_سكتت مسح وجهي وانطاني مي واني مقهوره كلش ..
..كعدت ع سريره كعد بصفي ..كتله
سلام امير يحب وحده وبابا ميريدهه اله ميطيق البنيه وعناد يريد يزوجه دعاء
سلام ضلم والله ضلم امير كلبه ابيض صافي تعذب هوايه قبل من بابا هسه كبر شويه صار يوكف بوجهه
بس هدده البارحه اذا ميتزوج دعاء يتبره من عنده
سلام ساعدني ارفض هذا الزواج واني اوعدك ما انطق كلمة الطلاك بعد......
سلام:كافي ارتاحي تنحل ان شاء الله
_اشتميت نفسي احس بيه ريحة دم تكتل
..اريد ادخل للحمام وابدل تشيرتي ..
اجه يمي يتلمس خشمي ومقهور جاب قراصتي جانت ب الكاع لف شعري شلون مجان
وراح الكنتوره
طلعلي تشيرت من عنده
سلام:بدلي هنا حبابه
_خزرته وطلعت للحمام غسلت ولبست التشيرت طلعت واسمع صوت جوه يتعاركون
دخلت للغرفه
..سلام مدري شنو صاير جوه ..يمكن تعاركو
كمز بسرعه نزل شمرت تشيرتي ع سرير لبست الشال ونزلت اركض وراه...
عمتي ام رياض وعمو ابو رياض يحجون عليه شلون اريد طلاك وشلون ماقبلت دعاء تصير الامير
ويدفعون بابا عليه
ويريدون سلام يطلكني ...
واكفه ع اول درجه من الدرج
اول ماشافني بابا اجه ب اتجاهي يريد يضربني
سلام صار بوجهه وبابا يجي منا ويروح منا يريد يلوحني
وكفت وره سلام ب الضبط ومجلبه بيه
سلام:عمي ابو امير اسمعني
اختي مازوجهه الامير ماكو نصيب بيناتهم
اتشرفنه واخذنه منكم بس سالفة امير ودعاء تختلف
...
جعفر :لعد اسمعني اذا متنطوني دعاء الامير
اني مانطي ندى وتطلك . الك مهله الباجر
_كلام بابا ما أثر بيه احس كلشي عادي حته لو اتطلك
التفتت بيبي ماكو ناقليهه بغرفتهه ويمهه ماما والبنات
سلام:راس براس يعني واني مرتي ما اطلكهه
جعفر :يلا امشي انتي اني الج تمارررره وينج يلا نرجع
_ التفتلي سلام باوعت عليه وخايفه شكله عصبي وميعديهه اليه واني منا خشمي احسه مكسور ووجهي كله يوجعني كتله
..سلام...
فهمني.....
سلام:شنو تهددهه انت ما الك حق تمد ايدك عليهه عمي عدي اليله ع خير واذا مديت ايدك ع ندى ميصير خير
جعفر:لك منو انت موزين سكتتلك من مديت ايدك عليهه كلت يربيهه يعلمهه عود من تنطونه مره وتصير ندى ببيتك اتدخل بيهه خوش
_ الكل تدخل ويهدأون الوضع طلعو بابا ب الباب بره يحجون ويا عمو ابو رياض ورياض وعمو ابو سمير
اجتي ماما محضره نفسهه طلعت كدامي لبست وطلعت
سلام طلع ويايه
سلام:بس يمد ايده عليج اتصلي ع اي احد من عدنه واجي اجنزه ومحمد
_مو هسه موتتني انت بقت ع بابا اصلاً ماخايفه
سلام :واضح هه مثل ماوصيتج .
_ وصلنه البيت هدوء ماحجه ولا سوه شي بابا
..
ثاني يوم دنتعشه اتصل عمو ابو رياض ع بابا
ماعرف شنو حجه ويا
تماره:اكو شي
جعفر:وافقو ينطون دعاء لأمير
اتصلي ع ابنج خلي يرجع يمشي ويايه اخطبله اذا ميريد يخطب ليجي ولا اني ابو ولا اعرفه
_غصيت يربي اني شوصيتك سلام احجي بكلبي
كمت بسرعه من الاكل ماشتهيت اكل ابد
..
صارت ساعه 11 ب اليل دا ارسم ب الحديقه الهي نفسي دخل امير
كمت ركض يمه
..وين جنت تدري بابا خطبلك دعاء ووافقو ينطوهه..
امير:ك العاده ابقه ب المحل وين جنت يعني
_امير يعني شنو تروح تخطب وفيفي
امير:اي اخطب ليش لا بس اني اعرف شلون اكسر روسهم الي مكبريهه علينه
_دخل امير هادءء وشيكول بابا يبقه ساكت
...
ثاني يوم قرر بابا نروح نتقدم الدعاء عساس من الأصول وبلغ امير يجي ويانه
للعصر رحنالهم دخلنه شكلهم عدهم علم بجيتنه
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
