محمد بصوت عالي:اسمعو كلكم ..ي عم بخطب بنتك على سنه الله ورسوله وذاك الواطي ماراح ياخذها
و الكل كان مصدوم ومستغرب ليه قال الواطي
نرجع للماضي شوي~
قبل ثلاث سنين
كان محمد يدرس جامعه وتعرف على واحد اسمه مهند وكانو اصدقاء مره ولا شي يقدر يفرقهم لين قد مره محمد كشف مهند على حقيقته"كان يستغل محمد عشان اشياء كثير ومن ذي الامور "
فا محمد كره مهند بشكل مو طبيعي
نرجع للواقع~
نجي عند صدمت جود الي مشاعرها متلخبطه ماتدري تفرح ولا تحزن
سالم:وليه وش فيه مهند
محمد: ي عم القصه طويله
سالم:عاد نشوف جود اذا موافقه ولا
جود من كثر ما انها متوتره :اي موافقه
سالم بصدمه:متاكده يبنتي
جود:اي متاكده
محمد الي الارض ماهي بسايعته
فارس:اجل متى بتملكون على بعض؟
محمد: الي ودك يبه
فارس وهو يناظر سالم:ها متى تبيه
سالم:خلوه بعد ثلاث ايام
ونرجع عند جود الي تحس عقلها مو في مكانه كل شي صار باقل من خمس ثواني ومصدومة من نفسها انها وافقت وكيف محمد خطبها وكيف وكيف
سالم:يبنت وين رحتي مواقفه بعد ثلاث ايام
وجود عرفت ان خلاص مافي امل انها ترفض ووافقت
اليوم الثاني~
صحت غلا ونزلت الحوش وكان الجو مره حلو الا وذا الي جاي احمد :وش جابك هنا انتي
غلا :توني قمت و الجو يجنن فا بجلس هنا و اقرى كتابي
احمد:الله تحبين الكتب مثلي ..وش اسم الكتاب
غلا:اسمه.... ومره قصته حلوه انصحك فيه
احمد:تم خلاص لازم اشتريه
واخذتهم السوالف وماحسو الا
وبدا كل الي في البيت يصحون
جد:وين العيال
احلام:والله مدري عنهم تلقاهم نايمين في سابع نومه
الجد:ذول متى يصحون دام الوضع كذا
وراح الجد بيقومهم ويسطرهم بعقاله :قم انت وياه
محمد وهو يركض طلع من غرفته ونزل تحت :من الحيوان الي قال لجدي يقومنا ب العقال و الله يمسطني مسط مو طبيعي
جود وهي فاطسه ضحك:واذا قلت انه انا ههههههههههههههههه
الا وذا سلمان قاعد يصارخ والكل قام يضحك على شكله :جود ي حيوانهههه ضهري عورني بسبتكككك
وقام يلحقها وهي تركض وتصارخ خايفه يسوي شي وكان الوحيد الي واقف محمد وراحت تخبت وراه
سلمان:يعني اذا جيتي ورا العاشق ماراح اسوي شي
محمد:اي ماراح تسوي شي
عند البنات الي كل وحده تناظر وتاكل فصفص وفاطسين ضحك
سلمان:بعد عنها وربي ل افرشها
جود وهي خايفه وماسكه تيشيرت محمد:انننن احسن ما تقدر تمسكني
سلمان وشوي وينفجر:جودددددد امشي قدامي سرعه
الا وذا سيف نازل وحالته مزريه من المسط الي جاه : جد جا انحاشو
وسلمان ومحمد ينحاشون من الجد وكان الكل يضحك من اشكالهم
الجد:وينهم ذول خل اشوفهم بس
معتز:توهم منحاشين منك
عند العيال~
سلمان:جود ازق انسانه
سيف:ليه وش سوت
سلمان:هي الي قالت لجدي يمسطنا ب العقال
سيف:الله يقطع شكلها
محمد:هي انت وياه حدكم على حلالي فاهمين
سيف:يعني بتزوج وكذا اقول دز بس
وطلع لهم نايف :يبوي وش ذا الازعاج الي واصل لين الجيران
محمد:جدي سطرنا ب العقال
نايف:والله اني داري عشان كذا نمت في المجلس
سيف:وليه ماقلت لنا نجي معك
نايف:عشان تتكفخون
ودخلو العيال البيت و كانو في الصاله وكل واحد جالس على جواله
عند البنات~
نوف:لازم نروح المول نشتري فساتين عشان الملكة
امل:هي جود روحي عند محمد في الصاله واذا مالقيتيه في الصاله تلقينه في الغرفه يمكن يوافق لانه انتي وكذا
جود:يشيخه وليه ماتروحين انتي
امل:ماراح يوافق
جود:هف طيب
وراحت جود الصاله وفعلا مالقته فيها وسالت سلمان:هي سلوم وين محمد
سلمان:جابك الله
وقام بيضربها وكانت بتروح فوق الا وتصقع في محمد وكانت نتفه في حضنه
محمد: وش تبي منها؟
جود بدلع:كان يبي يضربني
سلمان:لان قلتي ل جدي يضربنا
محمد:فدا خلها هي تضربنا بعد
جود وهي تمد لسانها:احسن ما تقدر تضربني
سلمان:اقول اذلفي
وراح سلمان
محمد:سوا لك شي؟
جود:لا بس بطلب منك طلب
محمد:عيوني لك امري
جود: عادي تودينا المول انا و البنات
محمد:بس
جود:اي بس
محمد:عندكم خمس دقايق اذا ما طلعتو مافي روحه
جود وهي تركض وتصارخ:بناااات البسو بسرعهه
وراحت لهم وهي تركض محمد يقول خمس دقايق ولا مافي روحه
وبدو البنات يلبسون عباياتهم وكل شوي وحده تنزل وكانت اخر وحده نوف وهي نازله شافها نايف:لبى بس متى تصير حلالي
ومرت نوف من جنبه ومسك يدها وانخرشت نوف ان كيف مسك يدها
نايف:ي بنت الحلال تراك ماخذه عقلي وقلبي كله تكفين ابيك ب الحلال
نوف تتمنى الارض تنشق وتبلعها ووخرت يده وهجت
محمد:بدري مره ترا المفروض مافي روحه
نوف:اسفه والله
الا وذا سيف جاي :وين رايحين
محمد:المول يبون يشترون
سيف:يلا بجي معكم اجل
وركب السياره وكان طول الوقت يناظر افراح من المرايه وجود لاحظت انه يناظر في افراح ودقت افراح من كتفها وتهمس لها:بنت سيف طول الوقت يناظر فيك في المرايه
افراح:تتوهمين
جود:شوفي بعد
وناظرت افراح المرايه وكان صدق يناظرها وتوترت من نظراته
ووصلو المول
وكل وحده تشتري فستان
ونجيكم يوم الملكه
وصحت بطلتنا و البنات كلهم ينتضرون حقت المكياج تجي
——————————
واخيرا بيجي اليوم الي بيملكون فيه
🎀🥹
