الحمد لله بعد جهد و عناء ما راح تعبي هباء ♥
الحمد لله انا نجحت و رح صير ادرس بالجامعة و اخيرا ، اولى احلامي تحققت الف الحمد و الشكر الك يا رب ♥
و الله انا ما نمت ليل كلو عشان استنا النتيجة بعدين استسلمت نمت ساعة وحدة بص صحيت قبل نص ساعة من اعلان النتائج ، و اصعب نص ساعة و اطولها تحسها سنة و ربي ، احنا بنشوف النتائج ع النت .. و الموقف قفلوه ، ما فتحوه الا لما صار الموعد
البي بيدق و انا بحط رقم التسجيل تبعي يا قلبي شو بعمل انا ♥ حطيت رقم التسجيل و ماما و اختي جنبي
اول ما قريت * الف مبروك * صرخت من فرحتي ، و صرت ابكي و دموع الفرح و الزغاريط من كل جهة بالبيت ♥
الحمد لله و الله احلى شعور ☺
اتمنى انو الجميع يحس فيه و لا حدا ينحرم من هالفرحة
