------ حفيدة آلـ سرحان
بقلمي/ أنا رواء هادي
لا تنسون تخلون لايك وتعلقون بين الفقرات
قراءة ممتعة لجميع 🤍🌿
جرني من زندي حيل والثاني ضرب احمد على راسه بالمسدس وكعة بالكاع انه شفت احمد وكع بطوله
لو تخبلت كمت اصرخ واعيط بعلوا
صوتي واضرب بي بزع مني وسد حلكي بايده وشالني بحضنه و الثاني فتح صندوق السيارة
وشمرنه بصندوق السيارة نفس الحيوان
وسد الباب صندوق علية حيل ...
الدنيا اظلمت بعيوني أريد اشوف شي ماكو ظلام دامس والسيارة تمشي سريع وادحرج بالصندوق واعيط واصرخ بصوت عالي
شكو طسة بالطريق صارت بي السيارة تنشال وتركع وانه داخل الصندوق بعد عناء ايست وكلت هاهي انخطفت وراح تدمر حياتي محتمل انقتل
محتمل هذولة أعداء لوردة لو أعداء لزوجها لو أعداء لأهلي آلـ سرحان لأن ضربوا احمد بكل وحشية
على راسه وكوموه بالكاع
أفكار أفكار صارت تدفق بعقلي شراح يسوون بي ؟! السيارة صارت بطسة انشاليت واركعت كل قوتي بالصندوق حسيت راسي وجسمي كله
تفلشوا واختنكت من كثر الخوف والتوتر...
مُهيـم ـ وين اطلع ؟
غياث ـ لبيتي عدل
مُهيـم ـ شراح يصير باحمد ترى اذيته !
غياث ـ ماعليه شي اطمن هسة استعجل وماعليك
مُهيـم ـ اسمع جاي تصيح
غياث ـ استعجل وماعليك مُهيـم استعجل
مُهيـم ـ ابوك يدري ؟
غياث ـ لا
مُهيـم ـ لاصت علينا
غياث ـ لتخاف مراح يحجي بالعكس راح يفرح لأن خطفنه بت عمي ونجحت الخطة وراح يكدر
يأخذ حقه من وردة ورجلها مربع
مُهيـم ـ وهذا لريده مايضوج ....
وعمك شلون بي إذا دره
غياث ـ طبه طب هو البدء وانه النهيت انه اخلي عرضي نايم بيت رجال غريب .. يريدني اشد
كرون استيل واتفرج عليها بيت الغريب
مُهيـم ـ إن شاء الله تعدي على خير
غياث ـ تعدي وتصفى سوالف
وصلنا لبيتي هذا بيتي محد مايدري بي غير مُهيـم حتى احمد ابوي مايدرون بي اشتريته قبل كم شهر وجنت مخطط اخطف رنا واخلها بي
واشلع كلبها وكلب عمي وردة ورجلها .
غياث ـ اخذ موطورك وارجع لبيتكم ودير بالك تدلي احد على بيتي حتى ابوي لا تگله إذا
سألك كله مادري بي
مُهيـم ـ مفهوم .. كامت تصيح
غياث ـ خل تصيح منو يسمعها ..انزل يلا
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
