حبيتك بعد كل المصايب و جيتك بكل وجيهي ياريم البهاج

الثالث و العشرون

ناصر:وش فيس يابعد حي و ميتي أنتي؟
لين وهي تمسح دموعها:ناصر صدق يعني راح تصير زوجتك؟!
ناصر وهو يبتسم:مو بس زوجتي بل حبيبتي و قلبي و دنيتي
رجعت لين تضمه بكل قوتها و تركها و هو يبوسها مع خدها و يرجع لهم
أبو بهاج:وش قلتي يابنتي؟!
لين:الشور شورك يبه
أبو بهاج:اجل حنا موافقين
أبو ناصر:ذي الساعه المباركه
راح أبو ناصر يسلم على أبو بهاج و يباركون ل بعض
و العيال كذا و البنات
أبو بهاج:صارت الفرحه فرحتين الحمدلله والله يديمها لنا يارب
الكل:امين
الكل راح يتجهز ل بكرا الكل كان فرحان و البنات مسويات جلسه خاصه و يسولفن و يضحكن
لين:اسمعن بنات وش رايكن نرقص شوي؟!
رهف:موافقه يالله بس وش نحط أغنيه؟
ريم:أنا اختار تم!
الكل:تم
شغلة ريم الاغنيه و وقفت رهف تغني هي و لين و يضحكن وهن يضحكن قومن ريم وهي تغني الاغنيه معهن و هن يقلن:

" وتقولي اسف وربي مااكررها وترجع على نفس الخطأ
تتبع طبوعك خذ باقي طبوعك معك لا لا تبررها الروح
ماهي تحت امرك و لا طبوعك "

لين وهي تضرب ريم:شاكه لما انتي لما كنتي تغنين تقصدين احد
رهف وهي تغمز:و كلنا نعرف من
لين وهي تضرب كفّها بكف رهف:صحيح
ريم:كلن تبن ياتبن انتي وهي خيرررر وش تقصدن؟!
رهف وهي تغمز ل لين:مانقصد شي
ريم قامت تركض وراهن و هن يركضن و يضحكن دخل أبو بهاج وهو معصب من اللجه( الإزعاج )
أبو بهاج:وش كل ذا اللجه(الإزعاج)؟؟؟
ريم:ولا شي ياعمي بس...
ماكملت كلامها إلا العصاية تضربها مع رجليها
أبو بهاج:مالكن إلا العصايه انتن ما كلت لكم يالله ل النوم و انتي ياست ريم ليه متنامين عند رجلس؟!
البنات صارن يضحكن و ضربهن مع رجليهن و هو يخانق(يهاوش) راحت ريم غرفتها هي و بهاج و كانت تتمنى يكون نايم دخلت و هي يرجعنها رجليها و بنفس الوقت تضحك لما تتذكر الموقف دخلت و شافته بالفعل على فراشه أخذت مخده(وساده) و بطانيه(شرشف)و راحت ل الكنب(الاريكه) صحى بهاج بنص الليل و شافها نايمه على الاريكه فرك عيونه و راح لها قرب منها و باسها مع رأسها وهو كله حب يحبها حب محد يعلم به طلع ل الشرفه و صار يناظر القمر نزل رأسه تحت و شاف بنت تناديه لف يبي يدخل بس شاف ريم واقفه
بهاج:متى صحيتي؟!
ريم وهي تبعده و تناظر تحت و شافت البنت انقهرت
ريم:يالي ما تستحي تتغزل ببنات خلق الله و أنا نايمه؟
بهاج:بس....
ما كمل كلامه إلا ريم تبعده و تفتح باب الغرفه و تنزل تحت ل الحديقه و تشوف البنت قربت لها وهي معصبه و منقهره
ريم:خير خير وش مطلعس بليل؟!
الهنوف:و انتي شكو؟!
~
تعريف عن خوال ريم سريع:
ام ريما~خالة ريم يعني ريم و ريما بنات خالة
أبو حامد~خال ريم و عم بهاج بالرضاعه
عيال أبو حامد[ حامد يحب و حبوب والكل يحبه عمره ٢٨ يدرس جامعه ساره حبوبه عكس اختها عمرها ٢٦ تدرس جامعه الهنوف تكره عايلة ابو بهاج و تكره بنات عم ريم و كثير عمرها ٢٥ تدرس جامعه
علي عكس اخته صح اخوان بس هو طيوب بس انه يحب اخته و يدافع عنها ولو انها خطا توأم الهنوف ]
ام دلال~مرت خال ريم و متوفي خالها بس هي جالسه عندهم مع بنتها طيوبه والكل يحبها [ دلال تحب الكل و طيوبه بس ضعيفة مره و تخاف من كل شي تحب حامد عمرها ٢٩ ]
و اخيرا ام نوف كريهه و تكره العيله مره بس متحمله و بنتها نوف مثل امها عمرها ٢٨ سنه تحب ناصر
تركي ولد ام نوف عمره ٢٩ سنه راعي مخدر...ات مثل أمه
~
ريم وهي تميل شفايفها:والله مالي شغل!
الهنوف وهي تطالع ل الدريشه(النافذه) و تبتسم:تمام تمام روحي الحين مالي خلق مشاكل
ريم وهي تضحك و تعض على شفايفها:هههه مالس خلق اجل!
الهنوف:ايه ايه بتأمل الحلو ذاك ياحظ الي ماخذته
ريم وهي ماسكه يدها:ههه الي ماخذته قدامس
الهنوف:وشششش؟!
ريم:مثل ماسمعتي
الهنوف جلست تضحك:ههههه انتي فيس شي ذا الحلو ياخذس انتي لا مستحيل
ريم وهي تضحك:تشوفين الحين
الهنوف:وش تبين تسوين؟!
ريم:اوقفي هنا وشوفي بعيونس ياحلوه
راحت ريم فوق وهي تبتسم و معصبه دخلت و شافته واقف و يطالعها مصدوم
بهاج:وش قلتي لها ومن ذي؟!
ريم سحبته مع يده و هي ماترد عليه و راحت عند الدريشة(النافذه) وهي تطالع تحت و شافت الهنوف واقفه مصدومه و رجعت طالعت ب بهاج كان بهاج مصدوم وش فيها ذي رفعت نفسها و مسكت رقبة بهاج و قبلته مع شفايفه غمض عيونه بهاج وهو يمسك خصرها و يرفعها له و يقبلها بكل حب اما الهنوف عصبت و تنرفزت و ضربت رجليها بالأرض و طلعت معصبه طالعت ريم بنص عين و شافتها راحت أبعدت عنه وهي تبتسم بنصر صارت تعدل نفسها و جت تبي تروح سحبها بهاج وهو يضحك
بهاج:هههه وش ذي الغيره!
ريم:ومن قال لك انها غيره؟
بهاج:والي شفته؟
ريم:اها لا بس هي تحدتني و أنا نفذت و بعدين من يبي يحب واحد شايب بالثلاثين؟!
بهاج حط يده على خصره:أنا شايب؟!
ريم:لا الجني اكيد انت فيه احد غيرك بالثلاثين يع بس راحت تنام على الكنب
و بهاج جته نوبة ضحك راح لها وهو يضحك
بهاج:طيب طيعي ذا الشايب و نامي على السرير
ريم:شايب و تتآمر بعد!
بهاج:ههههه نص بنات الكون يتمنون ذا الشايب!
ريم:إلا أنا
بهاج جلس و قرب منها:انتي أولهم
ريم قامت:لا و مليون لا و بنام بكرا العرس
نامت ريم و هو نام كمان
في الصباح الكل يتجهز و مستأنسين و يضحكون و الخدم تنظم القصر ل العرس و البنات يتزين بالغرفه و العيال عند الحلاق و الي يذبح والي يضبط قهوه
ريم:بنات وش البس اي لون كلها حلوه؟
لين:اسود او احمر يبي يطلع موت عليس
ريما:ايه اسود حلو
ريم:تم
تمكيجن و صاراً يغنن مع الاغنيه و يسفقن
~
اشكالهن بالعرس
ريم[ فستان اسود ماسك على الخصر و وسيع من تحت و من فوق مفتوح على الصدر على شكل مثلث و شعرها ويفي و كعب احمر ]
لين[ فستان بيبي بلو ماسك على كل جسمها و طالع بس ظهرها و شعرها ستريت و كعب بيبي بلو ]
نوره[ فستان سماوي من فوق مكشوف من على الاكتاف و مو ماسك عليها مره و شعرها من فوق ستريت و من تحت ويفي و كعبها اسود ]
ريما[ مثل اي فستان عرس ]
رهف[ بيبي بلو ماسك على جسمها كامل و قصير شوي و شعرها ويفي مثل ريم و كعبها اسود ]
الهنوف[ فستانها قصير ل الركبه لونه احمر و شعرها قصير بس مسويته ويفي و كعبها اسود ]
نوف[ فستانها مو ماسك و لونه بني و شعرها ستريت و كعبها بني ]
ساره[ فستانها بني غامق ماسك من فوق بس و من تحت لا و شعرها كيرلي و كعبها ابيضّ]
دلال[ الفستان مشجر احمر و اسود و به ورده من عند الرقبه و مكشوف من الظهر شعرها ويفي من تحت فقط و كعبها حليبي ]
ريم وهي ترقص و تهز بخصرها قربت منها رهف وهي تضحك و تكلمها بشويش
رهف:ريم ريم
ريم:وش؟!
رهف:شوفي الهنوف كيف تطالع فيك و نوف
ريم لفت و شافتهن يضحك و يشمقن راحت لهن وهي تضحك
ريم:وش فيكن تطالعن؟!
الهنوف:مامن شي بس رقصك خايس
نوف:بالله كيف حبها بهاج الحمدلله ناصر يحبني
ريم وهي ميته ضحك و رهف كمان تضحك
رهف:ههههه شكلهن ماسمعن بالخبر!
ريم:فوفو اكيد إنهن ماسمعن مساكين
لين جت من وراهن وهي تغني و تتمايل
لين:روري فوفو شوفو فستاني حلو؟!
رهف:عيون فوفو والله يجنننن
لين وهي تضحك:ثنكيووووو
ريم:يالبيه الحين صوصو ينجن فيس
رهف:ومن يلومه كل ذا الزين و ينجن لو بداله خطفتها
نوف وهي تضحك:ينجن هو أصلا يحبها أتذكر كان يحب ايلا ؟
لين وهي تضحك:أبس من انتي ما تعرفنا ؟
ريم:ذي بنت خالتي ام نوف الكريهه
لين:تشرفنا المهم حبيبتي ناصر خطيبي
نوف:كيف؟!
رهف:الخبر نزل عليها صاعقه شكله امشن ننزل نرتب مع امهاتنا بدال نجلس مع ذولي الجن
ريم:يالله بنات نوني فوفي لولي يالله مشينا
طلعن نوره و رهف و لين برا تاركات الهنوف و نوف مصدومات و معصبات
عند الرجال كان سالم يركض و وراه حامد يركض
سالم:ي ابن الحلال خلاص والله ما أعودها
حامد:والله ما أخليك ي ابن سكتتت هنا
لف عليه سالم وهو يضحك:ابن من؟!
حامد وهو يضربها مع رأسه:ولا شي امش امش بس
سالم وهو يضحك و يحط يده على كتف حامد و يمشون و هم يضحكون شافو تركي الي جايهم وهو يركض و وراه بهاج معصب
تركي:والله ما امسكه والله
حامد وهو يضحك:ههه وش فيكم انتم؟!
بهاج وهو حاط رابط الثوب على خصره و معصب:ابد الشيخ تركي مايبي يمسك الذبيحه و يذبحها معي
تركي:والله لو اني خبل امسكها تذبحني ذي قبل اذبحها
بهاج بعصبيه:بالله فيه ناقه تذبح؟!
سالم و حامد يضحكون على اشكالهم
تركي:ذا أنا قلت لك والله ما امسكها معك جب العمال يمسكونها مو أنا
بهاج:لا والله تبي ابوي و عمي ابو فهد يذبحوني؟
تركي:يذبحونك بس ما أنا انذبح
بهاج:اقسم بالله إذا ما مشيت قدامي لا أذبحك أنا
تركي حط رجله و بهاج راح يذبحها و آخذ معه سالم و حامد و راحو يذبحونها
~
عند البنات ريم وهي بغرفتها تلبس اكسسواراتها و تتعطر و تنتظر بهاج بس كذا تبي توريه كشختها
الهنوف تحت كانت تتكلم مع نوف وهن يضحكن
نوف:سمعتي الي سمعته
الهنوف:بالله اسكتي عاد وين الزين بهن كل وحده تقول الشين عندي يع
نوف:اي والله صدقتي اجل أنا بروح اسوي لنا عصير و أجي لا تتحركين
حزت الهنوف برأسها بمعنى ايه راحت نوف و الهنوف جلست تراعي جوالها سمعت أصوات عيال يضحكون قربت و شافته مشمر ردونه و رابط الثوب على خصره و شعره يلعبه الهواء راحو الكل و بقى هو يغسل وجهه من النافوره طلعت الهنوف بكل زينتها وهي تضحك على الجوال مسويه نفسها مو منتبهه له و تكلم
لف بهاج و شافها و كيف كانت حلوه بس لف عنها سمعها تناديه
بهاج وهو صاد عنها:هلا يابنت العم امري
الهنوف بدلع:جعل ما يأمره عليك احد ابد رجلي التواء كاحلي
بهاج وهو صاد:طيب وش اسوي؟!
الهنوف بقلبها:وش تسوي يعني تعال ساعدني
الهنوف:ابد بس أبيك تدخلني داخل
بالفعل دخلها بهاج وهو صاد عنها كانت تشوف كل شي وهي تبكي
نزلت تحت وهي معصبها و كانت بفستانها الأسود و كعبها الأحمر و تمشي مع الدرج وهي معصبه و تمسح دموعها من على وجهها وهي معصبه بالفعل نزلت وهي تشوفه واقف و صاد و ماد يده ل الهنوف و بيده كوب ماء و الهنوف مبتسمه راحت لهم و مسكت الكوب الماء و وهي تصبه بوجه الهنوف صارت الهنوف كلها ماء و بهاج مصدوم منها و مسكت يد بهاج و هي تطالع الهنوف و جت تبي تروح وهي ماسكه يد بهاج و تسحبه معها وهو يمشي معها وقفت الهنوف بعصبيه
الهنوف:من تحسبين نفسس علشان تسوين كذا؟!
ريم لفت لها:أنا ريم زوجة بهاج بن سعود
الهنوف وهي تلف ل بهاج و بدلع:بهاج شوفها كيف تسكت لها انا بنت عمك
بهاج جاء يبي يتكلم بس سكتته ريم وهي تقول
ريم:وانا بنت عمه و زوجته يعني كذا ولا كذا مراح يدافع عنس من زينس عاد
لفت ل بهاج وهو يطالع فيها
ريم:وانت قدامي يالله لازم تغير ملابسك قبل المعازيم يجون
كانت ماسكه يده و تمشي به دخلو و تركت ريم يده و راحت ل المرايه و صارت تعدل مكياجها اما بهاج دخل الحمام وهو مصدوم منها طلع وكان حاط المنشفه على خصره و وحده على رقبته و شعره مبلول شاف ريم جالسه على الكنب و تراعي جوالها اما ريم كانت تسوي نفسها تراعي الجوال ولا هي تناظره بنص عين
بهاج وهو واقف:ريم ريم
ريم طالعت فيه:خير وش تبي بعد؟
بهاج:تعالي نشفي شعري بالاستشوار حقس قبل يجون الرجال لانه مستحيل ينشف بسرعه
ريم راحت له و هي عيونها حمر من البكاء الي مشوين بكته:اجلس هنا
بهاج طالع فيها و عرف انها باكيه سحبها من خصرها له و صارت يدين ريم على صدر بهاج و كان مبلول كله
بهاج:من مبكيس؟!
ريم وهي تلف عيونها عنه:مابكيت من قال اني بكيت
بهاج مسك وجهها وهو يقرّبها له اكثر:قولي ولا
ريم:ولا وش؟
بهاج وهو ينزل رأسه ل عنقها و يبوسها بكل قوته و ابعد عنها:قولي ولا برجع أبوسك
ريم هنا بكت صدق و صارت تبكي طالع فيها بهاج مصدوم وش فيها بكت كذا
بهاج وهو يبوس عيونها وهي تبكي:وش فيك ياعيون بهاج
ريم:انت انت الي بكيتني
بهاج وهو مصدوم:كيف يعني؟!
ريم وهي تشاهق:ليه تسوي كذا ليه ليه
بهاج انصدم من بكائها:وش سويت أنا؟!
ريم صارت تبكي و تضرب صدره:ان انت ل لي ليه تسوي كذا بي ليه
صار صدر ريم يطلع و ينزل من قوة البكي و صارت ما تقدر تتنفس سحبها بهاج و جلسها على الكنب وراح جاب ماء و شربها وهو يسألها
بهاج:وش سويت أنا قولي؟
ريم:قصدك وش ماسويت
بهاج:يابنت الحلال قولي وش سويت
ريم:ليه تخليني أغار كذا ليه أفهم أنا احبك بس كنت احاول أكابر افهم انا عشقتك من زمان انا من عرفتك وانا أعشقك
كان بهاج مصدوم منها و من بكائها و كلامها كملت ريم كلامها بوسط بكائها:كنت تضربني و كنت تحاول تذبحني بس حبيتك حبيتك بكل عيوبك لما خطبتني وافقت كنت احسبك تحبني لو كنت اعرف انك ما تحبني كان ما وافقت كنت احاول أداريك ولما اعترفت لي بحبك لي انا صرت أكابر لان أبيك تعاني بس انت وش سويت صرت تتكلم مع الهنوف ليه ليه تسوي كذا بي حرام عليك
بهاج ناظر فيها وهو يخليها تقوم و يجلس على الكنب بدالها و يجلسها على رجله مسح دموعها و هو يضحك
بهاج:اعترفي غرتي؟
ريم:ايه ايه غرت وش يهمك انت لو غرت
بهاج باس خدها وهو يقول:يهمني يهمني بس افهمي حاجه وحده محد بقلبي غيرس انتي الحب أنا كل جاهل بالحب و ما اعرف وش هو الحب لأكن انتي من دخلتي حياتي و أنا تغيرت حياتي و وجّهت نظري ل الحب انا ل اول مره اعشق من كل قلبي أنا اول مره احب من قلبي أنا حبيتك بعد كل المصايب وجيتك بكل وجيهي ياريم البهاج
طالعت ريم فيه وهي كلها حب قالت وهي تبكي
ريم:صدق حبيتني؟
بهاج:من هو الخبل الي ما يحبس انتي الي يشوفس يروح قلبه منه
ريم مسحت دموعها وهي تبتسم:يعني حبيتني صدق صدق مو مثلب او حلم؟!
بهاج ضحك على استيعابها:وكل ذا الكلام و التصرفات و تقولين حبيتني أنا مو بس حبيتك انا عشقتس
ريم وهي تاقف عنه و توقفه معها وهي تضحك و تبكي تبكي لأنها قلبها فرحان مع حزن ماتدري هي تضحك او تبكي حضنته وهي تضحك وتبكي مسكها بهاج مع خصرها وهو مستأنس انه اخيرا رجعت ريم تحبه
~
بالحديقه كانت رهف تتصور إلا تجيها الهنوف وهي معصبه و معها كوب به ماء تحسب رهف هي ريم لان ريم و رهف توأم بس فيه اختلاف وهو رهف فيها غمازات و بيضاء اما ريم سمراء و مافيها غمازات بس الشعر و الطول و الوزن نفسه
الهنوف كبت الماء على رهف رهف شهقت وهي كل ملابسها انعدمت فستانها و كعبها لفت رهف وهي معصبة شافت الهنوف عصبت زياده راحت الهنوف يم التراب و أخذت منه شوي وهي تكبه فوق راس رهف
رهف شهقت جت تبي تروح الهنوف بس رهف ما خلتها سحبها بكل قوتها وهي تمسك شعرها و تنتفه و الهنوف تصارخ تطلب النجده سحبتها رهف ل النافوره وهي تغرق وجه الهنوف بالماء كانت رهف تطلع وجه الهنوف من الماء و تدخله و الهنوف تصارخ محد كان يسمعهن لان القصر كان كبير جاء واحد من ورا رهف و سحب يدها و هو يقول
أحمد:وش فيكن انتن انجنيتن
الهنوف وهي كل مكياجها معدوم و كل ملابسها ماء:كله بسببها هي السبب هي من بدت فجاءه كذا صارت تضربني
رهف وهي تناظرها:وهاذا كله وش ملابسي من عمل فيها كذا؟!
الهنوف وهي تبكي و تمسك يد أحمد:والله ماسويت شي تكذب أنا ليه اسوي كذا لس مثلا
رهف وهي تناظر يد أحمد:وش عرفني ليه سويتي كذا بس أنا ما اظلم احد و حطيها حلقه بأذنك لو قربتي من عايلتي او من اختي ريم والله لا أخليك تبكين د..م سامعه
راحت رهف وهي معصبه و منقهره ودها ترجع و تضربها الين تمو...ت بس لو أحمد مو ماجاء اخخخخ بس وقت فوق وهي تتحلطم طلعت ريم وهي مستأنسه و شافت شكل رهف وهي تتحلطم و فستانها كله طين
ريم وهي تركض ل رهف:فوفو فوفو وش فيس كذا من الكل..ب الي سوا كذا بك؟!
رهف وهي معصبه:اخخخخ يا ريمي لو تشوفين كيف مسحت الأرض فيها والله لو ماجاء هذاك الكل..ب الثاني كان ذبحتها اخخخخ
ريم وهي تضحك و تمسك يدها و يدخلن الغرفه جلست ريم على الكنب
ريم:منه هي ؟!
رهف وهي طالعه من الحمام(الله يكرم القاريء)
رهف:من غيرها السل..قه الهنوف اخخخ تقهر ولا تتلسق ب أحمد تقهرررر
ريم وهي تضحك:لا ذي شكلها تركض ورا رجالنا
رهف لفت لها وهي تقول:كيف يعني؟!
ريم قالت لها كل شي ضحكت رهف
رهف:ماعندها ذي كرامه شكلها
ريم:شكلها تحسب انتي أنا
رهف:ههههههه صدق بس انتي و بهاج حبيبين صدق!
ريم وهي تلعب بخصلة شعرها:يمكن
رهف قامت وهي تددغها وتضحك:يمكن اجل هاه
ريم وهي تضحك:خلاص ههههه خلاص قومي قومي
دخلت لين وهي تتحلطم و معصبه
رهف و ريم لفت لها:وش فيس بعد!
لين:نوف قالت ل امي اني سبيتها و ضربتها و امي هاوشتيني علشانها
رهف:اسمعن ذولي لازم نلعن جدفهن
لين:من؟!
ريم:من غير نوف و الهنوف يعععع
ملك وهي داخله و تركض و ل ريم بصوت الأطفال:ديم(ريم بس بنطق الأطفال) ديم جدتي تناديس
ريم:يالله بنات شكله جو المعازيم
شالت ريم ملك و نزلن و رهف لبست و نزلت اما لين راحت غرفتها تلبس اكسسواراتها جو المعازيم و هن يسلمن على الناس و غاليه و رهف يركضن و ريم ماسكه الأغاني و لين تهاوش البزران كل ذا وهن يركضن من مكان ل آخر جاء وقت أنهن يرقصن قامت لين و نوره يرقصن و يتمايلن و سحبن معهن ريم و رهف و كل وحده ترقص و تتمايل و كانت الهنوف تشمق لهن و رهف تقهرها و تردد ورا الاغنيه

: عزتي لمن هو ضايع في غرامي لين مات
وعزتي لنفسي اللي ودها و ما تعتدل
مالي طب ولا رجاوي غير ادعي بالصلاة
ولا قلبي من عرفته قاطعن فيه الأمل

صارت ريم تتمايل و رهف معاكستها و لين و نوره مثل الشي و الكل منبهرن من جمال الخوات وكيف رجعت علاقتهن الكل كان حاسدهن على ذي العلاقه
جلسو الجميع لمن اشتغلت الاغنيه و قالت ان ريم بالمايك تقطو ياحريم و نزلت ريما و فهد و هم متماسكين يدين بعض و وراهم ابو بهاج و ابو ريما و ابو فهد و ابو ريم و ابو ناصر و العيال وراهم
نزولو و مع الاغنيه وهي تقول

: قالها الله و انكتب للفرح اصدق وعد
وارتفع لليل الستار وأقبلت ياحياها
زفها النور ولفت بلبلها اما بعد
الف الصلاة و السلام عليك ياحبيب الله محمد
اسم الله الرحمن سمو عليها تقبل وكل النور منها و فيها
هذا ملاك الطيب ولحسن نوره من ينظر لنوره يسمي عليها لا اله إلا الله

زقرتن الحريم و التسفيق ملى القصر و الزقاريت و الضجه و الفرحه عمت العيله
صارو يتصورون و زفوهم و راحو بهم ل الفندق دخلو الفندق ريما و فهد تركها فهد وهو يقول
فهد:حبي خليك هنا بروح اجيب المفتاح حق الغرفه و أجي
راح فهد و ريما واقفه مكانها متوتره مره بس فيها شعور فرحه أخذت الي تحب و فاز حبهم على الكل
رجع لها فهد و مسك يدها و راحو ل الغرفه و دخلو رمى فهد بشته لف لها وهو يقول
فهد:أنا بطلع انتي غيري فستانك و انا بطلب العشاء
هزت رأسها ريما و طلع فهد و رما غيرت ملابسها و لبست فستان احمر ماسك على جسمها و حلو و رفعت شعرها و مسحت مكياجها دخل فهد وهو يشوفها نزل العشاء على الطاوله و قرب منها سحبها له وهو يبوسها من عنق
——————————-
لا احد يقول قصير ترا ذا البارت ٥ الف كلمه و لأول مره اكتب كذا
تفاعلو عدل لا تنسون النجمه و التعليق و نشر الروايه بكل مكان
تعالو انستا [ la126178 ] و التيك بعد لا تنسون تعلقون على آخر فديو 😢💗