- مُـنـقِـذي مَِـيـم .

البَارت 58 " .

مُجتبىٰ يكول..

- أقاتِل لمن أهواه، ومن أهواه يُقاتلنِي ..

_ مُنقِذي مَيِم.

_ صوتوا وعلقوا بين الفقرات لُطفاً 🦋.

its_fado
llbeno
حبيباتي 🤍🤍🤍.
«»«»«»«»«»«»«»«»«»«»«»«»«»«»«».

انداريت بكُل جسمي لعمو يحيىٰ اللي جان منزل راسه!! باوعت عليهُم كُلهم منتظرة أحد يكلي چذب او الموضوع خطأ، بس مع الاسف محد سوه هذا الشيء .. كُلهم كانو منزلين رؤوسهم ، باوعت لمحِمد اللي صدمتة كانت لا تقَل عن صدمتي

بالموضوع، رجع باوعلي وبلع ريگة ، حچة،

- بويه لأ، انه عندي مرة ماريد اتزوج عليها وانه أصلاً بعدني ما خاطب

- يابعد أبوك الموضوع شغلة شهر شهرين وتخلص من السالفة

نطق بحّدية شوي..

- بويه لأ ،تكدر تشوف الولد

- يابعد أبوك انتَ ما اثق بالولد انه أثق بيك، لخاطري أبو علي

- بويه وراية العباس ماكدر لا تضغط عليَّ أغديلك فدوة

- بس محِمد ..

حجة مُجتبىٰ والتَردُد بصوتة يصيح يا أمير المؤمنين ..

- أنه اتزوجها محِمد خاطب لا تخربون فرحتة

باوعت لـ لَـذة اللي ملامحها بهتت ونزلت راسها تلعب بأصابعها ، باوعلها مُجتبىٰ من شاف كُل الأنظار تحولت عليها .. قاطع صفنتنا صوت أبو محِمد،

- لا لا مُجتبىٰ مُستحيل

رفعت مُلاذ راسها تباوع لعمو اللي نظراتة جانت مُركزة عليها كأنما يعاتبها،

- ليش مُستحيل؟

- لأ ما اشوف مُجتبىٰ مال زواج

سكت الكُل نطق حيدر" أبن عمي"

- يابة اني اعقد عليها شبيكم متوترين وذابينها براس مُجتبى الميت على طول بت فقار لو محِمد مسودن برُقية

كاموا اثيناتهُم عليَّ كمط العافية من شاف عيون محِمد تجدح شرار

- **** لا تذكر اسمها على لسسسسسسانك لا اششششرررب من ددممممممممكككك

لزمة

- خليني **** يا **** دتعالللل تعاااااااال عووووووفنييييييييييييييي

صاح بخبال كأنُ أنجن، كام عمو يحيىٰ جر محِمد ومُجتبىٰ اللي كأنهُم وحوش انقضوا على حيدر .. انجروا بأيدة بكُل سهوله كعدو ومبين الغضب على ملامح عمو يحيىٰ حجة بكلمات مُتقطعة

- أنا .. شكم .. مرة .. كلتلكم .. لا .. تسوون تصرفات همجية .

سكتوا اثنيناتهُم ينتظرون شنو يكول عمو يحيىٰ