ظلام اليالي

بارت (8)

{ بســـم الله الرحمن الرحيم}

بقلمـي: شهد آل ابراهيم

Sh9hd_96

لا تنسون التصويت
والتعليق بيت الفراغات
بدعمكم نستمر وبعون الله ♥
----------------------------------------------
يمه دعيلي وضعي اليوم مو زيـن
أول مرة هلگد گلبي يتعـب.
هاي المرة كلهن صارن ويـاي..
استوعب، وانكسر، واتفارگ، وحب.
انا بحرب يمه ومحد ويـاي..
ياهب ريح حت الريح ماهـب.
لتگليلي سولف والله متروس..
ندم والروح بيها نار تلهـب.

ـــــــــــــــــــــــــــــــــــــــــــــــــــــــــ༻

﷽

غـزال:-

بعد ما خابرت على ليال ضل بالي يمها البراسها تسوي گالت احجي وياه وحچت بس ادعي يارب تكون تسهلت الها الشغلة بس هاذا وين ولا يم تفكيرها واللي بتفكيرة يريدة وطبعا اللي يريدة هية ليال بس لو شما يصير مستحيل ابوي ينطيها اله لان حقير ويعرف كل سوالفة المكسرة وحدة وحدة ف لهيچ ماخذ حذر انو لازم ما يتگربلنة طول ما هوة حي ويارب الله يطول بعمرة ويحفضة النا.

گمت من بعد دوامت تفكير وقلق رحت حت اسبح وايدي بعد بيها الاجبار ف لفيتها بچيس لايلون حت ما يصلها مي سبحت وطلعت بلكوة لان بيد وحدة والمهم عندي ما اضل وصخة لبست ملابسي بصعوبة حيل وكلو بيد واحدة ومشطت وتعطرت وگعدت كلشي ما عندي حت مدرسة وما خذة اجازة ومالي خلگ هسه اخابر من صديقاتي على الواجب ويرفعن بخشمهن علية عود مسويات مانية واصلا طبهن مرض

جبت حلويات وهاي هية گعدت اكل صاحت امي وهية شافتني اكل لان كل ما اضوج فتحت الثلاجة

فاطمه: ولجج انتِ ما تبطلين اكل مو جاي اسوي غدة

غـزال: عادي يمة حت من غداچ اكله كلشي من ايدج طيب حبيبتي ولا يهمج.

ضلت تضحك ضحكت على ضحكتها احب اشوفها دائما هيج فرحانة بس سرعان ما انطفت هل فرحة....

بزعت رحت على غرفتي وسديت الباب ولبست السماعات وگعدت اسمع اغاني ومندمجة والصوت عالي من البس السماعات مرات احس احد يصيحلي واوخرهن ويطلع ماكو احد
وانا اسمع ومندمجة حسيت صارت طبة او ضربة قوية فزيت رميت السماعات وگمت مستعجلة ومن اتحرك سريع صفحتي توجعني حيل بس ما اهتميت المهم اعرف شصار شنو هل صوت مال احد وگع على الگاع بس صوت اقوة ضربت رصاص؟!