خيوط ألذهب

بارت 44

مدري وين تسافر عيوني بضحكتج

----

قراءة ممتعة
لا تنسون التصويت بنجمة أسفل البارت
ويسعدنا انضمامكم لقناتنا على التلكرام
((zoshaa93))
وكروبنا على الفيسبوك
(( فستقات الكاتبة زينب السعدي ))

قراءة ممتعة يا حلوين

----

من شفت الفديو شهگت ..
خالة نجوى وديلان انتبهوا عليه بسرعه لان ردة فعلي قوية ...
غمضت عيني وشمرت الموبايل ..صوت نزار وماهر يغلطون ويمثلون بجثتة ..يضربون وجهه برجلهم ..يدوسون على ايدة ورجله ..يغلطون عليه بأستمرار ويضحكون ...

خالة رفعت الموبايل وشافت الفديو ..
فتحت عينها وضربت على وجهه ..
اخذت الموبايل من ايدها بسرعه .. كل جسمي يرجف ماشايفة بحياتي هيج منظر ..منظر الدم وشلون فاتح حلكة ...حاوطني احساس الرعب .
توترت مااعرف شنو اسوي احس شي يصعد لراسي رحت للحمام ركض .. منظر الدم مرعب ..

اجتي خالتي وراية ...تبسبس بصوت كلش ناصي حتى لا احد يسمعها ..

نجوى .... ولج كولي يمة سولفيلي شجابهم على الجلب هذا ..احجيلي

قمر ... مااعرف مااعرف خالة كلشي مااعرف ..(( اهفي بأيدي على وجهي اريد اتنفس .. بقيت بالحمام احس اريد اتقيأ من اتذكر المنظر .... دققيقة وطلعت لان اختنكت ماكو هوى ..رجعت للغرفة ...ديلان بأيدها الموبايل وتبجي ..خالتي ورايه وتسأل بيه تريد تعرف شنو الصار ..شافت ماهر شلون يدوس على راس ابو نمر ...خالتي من حقها يصير عدها فضول وتعرف شنو الصار حتى يقتلوا بهاي الطريقة ..

ديلان ..... ماهر ( الابتسامة على وجهه ودموعها تنزل عشره عشره ...اخذت الموبايل منها وبعدت ايدها ..مسحت دموعها ورفعت راسها عليه وكالت  ..

ديلان ...بس اشوف الفديو مااسوي شي ..

نجوى ...غير اعرف شصار ولج احجيلي قمر ليش ساكتة

قمر .... خالة نزار وماهر عرفوا ..(( حجت ديلان وقاطعتني ..عينها بالموبابل وتضحك ..تمسح بدموعها وماتلحك عليهن ))

ديلان ..... مثل ما عرفتة مايسمح لاحد يلمسني مثل ما عرفته رجال ويسوي المستحيل علمودي ..حبيبي والله ...

نجوى .... يعني عرف ..عرف بالصار

ديلان .... ايي اييي عرف اسمعي شيكول اسمعي صوته ..حبيبي فدوة لصوتك فدوة لوجهك ..(( قبلت شاشة الموبايل ..مسحت دموعها بعكس ايدها ..رجعت الفديو من البداية ... اني ماباوعت بس اسمع الصوت ..

نزار ..اييي كلب رجلك بالكبر وينك وين هاي السوالف

ماهر ....تفووو عليك يا خايس تحط عينك على مرتي تتوقع ماكو احد وراها