بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
لُجين
مستحيل احد يكدر يفهمك وهو ما عايش
العشته انتَ، باوعت لنغم وغيث نايمين مسحت
دموعي وكمت على كيف شفت روحي بالمراية
عيوني متفوخه وداخله جوه وجهي مورم
اخذت عبايتي من البارحة ضلت بمكانها وطلعت،
باب غرفة ضي مسدود يعني بعدهم نايمين
عصرت التليفون بيدي وتوكلت على الله،
غلط بس مجبورة البنات شنو ذنبهم يتعايرون
من وراي؟
طلعت باب الحوش سديته على كيف باوعت
لسيارة أسير ومشيت بسرعه، الجو الصبح
ابرد من بليل امشي ومادري وين ماخذتني
رجليه أتلفت وراي اتخيل احد يراقبني
دخلت الافرع ابجي صار ثاني مره اطلع لوحدي
بلا سند ولا احد وياي، اني الجنت باب الحوش
ماطلعه لوحدي هسه امشي بيت البيوت عادي،
سلكت اخر فرع بالشارع متردده وامشي سريع
رفعت رأسي للبيت والمتسلق يلي بيه انتظرت
كبال الباب، شفت التليفون الساعه ب6 و57
دقيقه هو يطلع بسبعه ونص علمود نغم بس
اليوم ب8 لان هي ماكو، وكفت وره السيارة
اتانيه اسناني صارت اطكطك ووجهي ماحس بيه،
انفتح الباب سمعت صوته يحجي
- توكلنا على الله
- عمو
التفت عليه مستغرب انصدم من شافني، تقرب
مني يريد يلزمني رجعت وره
- ليشش وحدج؟ شبيهن عيونج لُجين؟
- تستقبلني عندك؟
حاولت ماابجي بس نبرة صوتي غدرتني،
هز رأسه اي يباوع على الشارع ودخلني للبيت
سد الباب باوعلي يحتار شنو يسوي؟
- بس كليلي شجابج من الصبح؟
- لا دكللهم اني هنا... اذا ماتكدر هسه اطلع
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
