ا#لعاشق و #الأميرة

حلقة 71_78

#بقلم_هاندا
71
👑👑👑
بقيت في سريري وهو رايح جاي عليا يسقسي فيا كش ميجيبلي وانا عقلي يخمم علاه رجع هكذا  لقيتو جا باسني من راسي قالي -ريحي متنوضيش دك نروح نجيب الغدا ونجي  وانا من حالتي والسطر لي فيا غفيت شوي  مبعد لقيتو ينوض فيا -أميرة نوضي كش متوكلي  تقعدت حسيت روحي مليحة شوي  لقيتو حطلي بلاطو فيه الغدا  ولا يوكل فيا ويبوس وانا نسيت شوي  كي كملت قالي -راكي مليحة -ايه شوية -مالا دك نجي نكملو  انا تشوكيت قتلو راك سيريو  راني تاعبة بزاااف -كيفاش تاعبة قتلو باديس  منقدرش والله  وهو زعف خرج وخبط الباب  بقيت حايرة فيه مش موالف ، ومن التعب لي كان حاكمني رقدت  حتى للعشوة وهو مكانش ، فالليل جا رحت بستو قتلو -زعفان مني -شوية ،خلاص باديس تعيش والله كنت تاعبة راك فورصيتني بزااف وانضريت قالي -اسمحيلي منيش نحس لروحي  ، وليت قلت معليش نساعفه وخلاص بلاك الدوا لي راه يهيج فيه هكذا ، لليل زاد عاودلي نفس الشيء واكثر  خلاص مقدرتش حتى دخت زوج مرات  مي هو محبش يحبس  وكي العادة يطلب السماح و  يقولي منيش نحس ومنفيقش  ...-هاندا ريفالدا للقصص- .... وهكذا فاتت ايام وهو نفس الشي يهلكني ليل ونهار معايا ميخرجش من الدار   غير فراش يحكمني يطلقني فابل  ولات فيه عادة   وانا خلاص مبقا فيا وش يحمل ضعفت  وزادلي السكر يهبطلي بزااف مقدرش جسمي يتحمل  ،وهو كل متنفحلو يقولي هيا  وكي  منحبش ساعات نكون ميتة يزعف مني وليت نديرلو رغباتو  كامل ومنكدبش بديت نتقلق من هاد الوضع  شهرين وانا على هاد الحال  يجيب كلشي من برا ميخرش يبقا مقابلني  وانا نفسيتي عادت مكان مكان حسيت روحي منعرف كيفاش وهو تان مشي نفس العبد الرزين لي نعرفو ...-هاندا ريفالدا للقصص- .. وحد النهار كنت غفيت بعد مدار عملتو فيا  فطنت على صوت تاع واحد يبكي قلت راني نتخيل مي كي وقفت لبست بيجامتي  بديت نتبع منين جاي الصوت رحت للصالو  شفت المنضر عمري ننساه لقيتو  يصلي ويبكي بالصوت شغل واحد بزاااف مجروح  محبيتش ندير حس بقيت متكية للحيط ونسمعلو  حتى كي كمل سلم بقى يدعي ويشهق ربي يرزقو بطفل  وانا دموعي ينزلو غاضني وانا نشوف فيه ف هاد الحالة راجل طول وعرض في أضعف حالاتو نزلت للأرض ونبكي بالساكت حاطة يدي على فمي هنا عرفت علاه  كان قاسي وعنيف معايا  ف العلاقة  هو كان حب يخليني نرفد بأي طريقة حاب يثبت روحو بيسك تقاس في رجولتو   وهنا زدت فهمت علاه كان يزعف بزااف  هاد الفترة كي نكون ب( لي را ڤل )هذا وين توضح كلشي   مسحت دموعي ورحت وقفت عند راسو كي شافني بقا يمسح ف دموعو قالي -علاه نضتي راكي تاعبة هبطت عندو -علاه راك مخبي شي هذا علاه محكيتليش هو هبط راسو شديتلو يديه قتلو راسك متزيدش تهبطو بيسك انت سيد الرجال مام ربي مرزقناش مهيش نهاية العالم  لاه راك دير هكذا ياك انت انسان مومن  ولا قالي -راني نتعذب كل منشوف طفل برا علابالك بلي نحب الأولاد بزااف  قد مشديت روحي لقيت دموعي هبطو من هاد الكلمة قتلو ربي رحيم  وراح يرزقنا وزيد  راك تتعالج مزال الوقت   قالي بالعياط -رانا في شهرين وداخلين الثالث ومكان والو   خلعني قتلو -باديس عيشك مديرش هكذا متجهلش مزال الحال ويجيو   ، راك غير كما بديت العلاج تاعك#بقلم_هاندا
72
👑👑👑
علاه راك دير هكذا فيا عليها كنت تعنف فيا ف العلاقة جاوبني هبط راسو وقالي -كي نتفكر السيجي تاع الولاد نفقد السيطرة ومنقدرش نتحكم في روحي ،  استغفر وجبدني عندو حضني قالي -سمحيلي علابالي تعبتك معايا  قتلو باديس اوعدني بلي تحبس هاد التصرفات عيشك وكي تزعف ولي جي ليا واحكيلي ياك ديما تقولي انتي دوايا علاه مخبي الشيء هذا عليا  ، باسني من خدي قالي من وجاي نحكيلك ي بنتي  راني شوي مضغوط الفترة هادي اتحمليني ومتضغطيش عليا قتلو -ايه من عيوني منيش رايحة نزيد عليك ، رفدني قالي هيا نرقدو ودارني في حضنو وزير عليا قتلو -نحبك -وانا نموت على بنتي ، رقدت وكل منفطن نحس بيه فاطن بيسك يتحرك بزاااف  ....الصباح نضت ملقيتوش  تعجبت مش موالف يخرج وميقليش  نضت غسلت وجهي وعيطتلو رفد عليا -صباح الخير بنتي -صباح نور باديس وين راك -راني ف الخدمة -وعلاه منوضتنيش نديراك تفطر -والله  ي بنتي شفتك راقدة محبيتش نتعبك قتلو متزيدش تعاود هاد الهدرة  انا نوض معاك الوقت لي تحب قالي ياعمري ع الحنينة تاعي   قتلو اسكو جي تتغدا قالي منجيش مبعد قالي وجدي روحك للطهارة تاع ولد سارة راهي عرضتني غير قالي هكذا تعجبت بيسك انا مسمعتش  ولا معرضتنيش هو هاد بنها مريض كي نزاد  وقيل سبقتلو طهارة بش يرتاح   ، صراحة زعفت بيسك واحد مقالي  وليت قتلو -باديس انا منروحش -علاه متروحيش  - بيسك معرضتنيش وانا آخر من يسمع  ومنيش موجدة روحي  قالي -والله عرضتني ي أميرة انا لي نسيت بش نقولك كنت مقلق ومنيش لاتي  وزيد عيب منروحوش  وجدي روحك منا للعشية بش نديك ياخي يكفيك الوقت  قتلو نخمم ونردلك قالي بلا متخمي ا عمري دك نجي ونديك ..-هاندا ريفالدا للقصص-   وليت نضت دوشت وعطرت روحي مليح خيرت قفطان ف البلو هدا يهبل جامي لبستو جاي خفيف شوي وانيق يليق لهاد المناسبة  لبستو وزدت خمار معاه ف الأبيض كنت شريتو من قبل  هما اصلا مدينين ملازمش يبان شعرك نوجد في روحي وغايضتني منها كي مخبرتنيش انا شخصيا   كي كملت عيطتلو نسقسي اسكو يماه تروح معانا ولا قالي هي راهي تم   اصلا تهنيت منها هاد الفترة عدت منشوفها متشوفني من نهار هذاك لي تهاوش معاها ولات جبدت شوي ، بقيت نستنى فيه يجي  ، كنت واقفة مع المرايا تاع خزانتي شفتو كي دخل شافني ف الانعكاس تاع مرايا لقيتو ديراكتومون جا حضني  قالي -حبيتي جيبي العين لروحك  راكي فتنة  -اممم عيشك عينيك لباهيين  بقا يشوف ويثبت فيا وفي رقبتي كش ميبان قتلو -صاي راني مستورة ، لبست من فوق ودرت نقابي وخرجنا  ، طول طول الطريق وهو -احكمي بلاصة وحدة ومتخالطيش  ومنا منا وانا غير ايه ايه  كي وصلناةحطني قالي روحي ا عمري وكي تخلصي عيطيلي ....دخلت عندهم لاقاتني ختو سارة لحق تاع ربي فرحت بيا بزاااف قاتلي -عاش من شافك  داتني شربت قهوة ودخلتني لشمبرتها  نحيت قشي  ورحت معاها للصالو  لقيتهم كامل ثم بديت نسلم عليهم كامل كي وصلت لعجوزي دورت عليا وجها حشمتني دارتلي جاست قدامهم  ملقيت وين نحط وجهي  بلعتها وسكتت ،-هاندا ريفالدا للقصص-  شوية وجابتلي سارة بنها  يهبل عجبني ريحت غير نبوس فيه  حتى سمعتها عجوزت الجهل نطقت من هيه قاتلها -ا سارة اقرأي لبنك شوي قرآن  عرفتها تمعني عليا بلي نعاينه حرام عليها الشي لي راني نعيش فيه وزادتلي بهاد لي جاست تاع اليوم  تغرغرو عينيا رايحة نبكي#بقلم_هاندا
73
👑👑👑
غاصتني بزااف وسارة قاتلي مديريش عليها وليت سكتت  هزت بنها وراحت ،تنطق وحد العجوز كانت قاعدة من هيه  قاتلي -ا بنتي كش مجايك في الطريق قتلها -مزال مكتبش ربي  بصح عجوزتي متراطيش الفرص هادو وكل فرصة تصحلها تهاجمني قاتلها -ا خاليصة علاه منين  تهز هادي ياخي جابها مريضة  ماليها طيشوها وابني تبلا بيها  ،  لي كانو تم كامل تشوكاو  وليت خزرت فيها قتلها -ميمة مشي كامل وقت الهدرة هاذي  انا قتلها برك هاد الكلمة وهي كانت متسببة عليا ولات فرجت فيا الصالو تعاير فيا وتقول  -مزية إبني لمك  يا المريضة  مبلية بالسكر وتزيدي تهدري عليها متقدريش جيبي ولاد  منعرف ابني علاه راه محملك  وهو سبع بعشر رجال والله غير يحرك صبعو برك نجيبلو لالاتك  ، -هاندا ريفالدا للقصص-  تعرفو قهرتني لوحد الدرجة بكلامها حسيتو مواس يدخلو فيا  قتلها -حسبي الله ونعم الوكيل فيك  وخرجت لحقتني ختو قتلها-اسمحيلي مكنتش حابة تصرا هكذا  قاتلي -معليش مصرا والو ماما كبيرة مديريش عليها  تقلقت صح قتلها -نتي تقبلي شي هذا على روحك سارة اهدري قاتلي منقبلوش  هزيت تلفوني عيطتلو نبكي قتلو -باديس عيشك ارواح اديني نروح قالي -هذا وين حطيتك ومزال متعشيتيش قتلو -قتلك ارواح  اديني من منيش قادرة نزيد نبقى دقيقة  ونشهق قالي -وشبيك بنتي دك نجي ، وختو بقات تحاول فيا قتلها سامحيني عطيتها سوارد الباروك  لبست وخرجت لقيتو توال الباب  ركبت ودرت ليه قالي -وشبيك بنتي خلعتيني كش مراه يوجع فيك وانا غير نبكي قالي -أميرة وشبيك لاه راكي تبكي  وانا مقدرتش نقولو فضلت نسكت بيسك نعرفو حساس من شي هذا ولا شدلي  يدي قالي صاي متبكيش  وقوليلي كشما دارولك  وانا زدت ف البكا ولا جبدني عندو يد دارها على كتفي وتكاني على صدرو ويد يسوق بيها  قالي دموعك غاليين ا بنتي متبكيش تعرفيني منحبكش تبكي  ...وصلني للدار طلع معايا لوفق انا ديراكت دخلت للدوش وسكرت على روحي قلت نحبس من البكا ونخرج بيسك منقدرش نزيد نشد روحي ، جا لحقني قالي -أميرة حلي قتلو -باديس روح حابة نبقى وحدي قالي -اخرجي متبكيش ف الدوش  وانا بقيت لداخل بقا يطبطب حتى حبس وحدو وانا نبكي لداخل  حسيت بلي حقرتني وانا وحدي تم وش دعيت عليها هذاك النهار  ربي يذوقها من مرضي ،-هاندا ريفالدا للقصص- ،،كي هديت خرجت ورحت للشمبرة لقيتو قاعد على السرير  وقف جبدني ليه وتحضني قالي -طيحتي مني النص وشبيك غير قبيل شوي كنتي فرحانة  قتلو منيش حابة نحكي (هو هنا فهمها حاجة خلاف شغل تحسست كي شفت ولد سارة ) قالي معليش ارواحي تكسلي ، حطيت راسي على صدرو وهو يمسح على ضهري ويلعب بشعري حتى غفيت  مفطنتش حتى سمعتو يهدر بالصوت مع ختو ويقولها -كيفاش قدرت دير الشيء هذا  فيها  عرفت بلي عرف بالحكاية عاودت غمضت عيوني وتفكرت  لقيتو جا يبوس فيا من عيوني قالي نوضي بدلي قشك  وليت نضت بدلت قشي ومغمضة  ورحت لبلاصتي  ولا جا يهدر معايا غمضت عيوني جا  ساماني زيرني ليه ورقد  زدت شوي ورقدت حتى انا ....#بقلم_هاندا
74
👑👑👑
الصباح نضت ملقيتهش  ونفسيتي كانت زيروووو  رحت غسلت وجهي  راسي ثقيل من البكا عينيا منفخين  لي يشوفني يقول بايت يضرب فيها   رحت لبست بيجامة ميش نافحتلي نفطر ولا نوكل حتى حاجة تخمامي بعيييد حتى مامبا معيطتلوش  جيت ف السرير قاعدة وعقلي سارح حتى دخل عليا قرب باسني  -صباح الخير -صباح نور  قالي -اكي مليحة -ايه مليحة  وهو بقا يشوف معايا عارف بلي منيش مليحة  ولا قالي البسي حاجة مستورة وهيا نهبطو لتحت شفت معاه -لاه-دك نهبطو تفهمي قتلو منيش حابة نهبط تم قرب حط جبهتو على جبهتي  قالي-بنتي هيا البسي متعاندينيش منيش مليح ، وليت نضت لبست محبيتش نضغط عليه وهبطنا لتحت شادة في يدو ونقولو -علاه جبتني هنا ولا جبدني ليه وقالي دك تعرفي ،،دخلنا للصالو لقيتو معمر  جمعهم كامل باباه ويماه خياتو في ثلاثة وخوه ومرتو  بقيت نشوف فيهم وحايرة وش كاين بصح وجوهم مكنتش مليحة  وليت سلمت عليهم غير يماه محبيتش نقدم ليها  ولا نطق هو قالها -ما ديري وش قلتلك متخلينيش نقلب الدار  انا مزال نستوعبت وش هدر ومفهمتش مليح ولات ناضت جات ليا قاتلي -اسمحيلي على الكلام تاع البارح ماشي قصدي  وانا ديراكت خزرت فيه قالي متخافيش لاه راكي ترجفي  مبعد قالها -يما  وليت حكمتو من يدو قتلو -باديس هيا نطلعو خفت تتخلط هنا ويزيد يصرالو كما ديك المرة خفت عليه ولا قالي -اصبري نقول عفسة برك ونطلعو ،،،-هاندا ريفالدا للقصص-  قالها -ما انتي البارح هنتي مرتي قدام الناس وفرجتيهم فيها وفوق هذا جبدتيلها مرضها وعايرتيها بيه  وبلي مجيبش الأولاد  هو يهدر وانا زاد فكرني وليت نشوف فيها قدامي نوار  حكمتني قنطة منها وهي كي شافاتو هكداك خافت قاتلو -وليدي اسمحلي قالها -غلطاتك كثرو وراهم غير يزيدو  بصح وش درتيلها البارح منقدرش نتجاوزو  وحبيتكم كامل تعرفو حاجة اي شخص حاول يهينها راهو يهين فيا أنا  وانا مسؤول عليها هاد الإنسانة  يا ما لي راكي طيحي بقدرها هي نفسها لي راهي متحملتني بكل حالاتي وصابره عليا ومعايا نطقت هي قاتلو علاه انت وش خصك راجل وسيد الرجال تقارن روحك بيها قالها -خصوني حوايج بزاااف  هنا عرفتو بلي رايح يقولها شديتو من يدو قتلو متهدرش باديس عيشك  خزر فيا وقالهم -المشكل تاع الإنجاب فيا انا ومش فيها  حسيت بيه نطقها بالسيف عليه هو اصلا كان مجروح وهما كملو عليه ، بقيت نشوف ليهم كامل مشوكيين  قالهم -اي واحد يخمم يهدر على السوجي هذا راح يقيسني انا قبل مرتي  انا فشلت كي قالهم مكنتش حابة يعرفو بالشي هذا معليش فيا ولا فيه وعلابالي راهو واقف بالكوراج فيقتني يماه كي تلاحت عليا وقاتلي -هجالة عرفتي تلعبي عليه عمرتيه بش ميفضحكش وليتي تلعبي برجولتو حكمها هو وكان في قمة غضبو ولات تقولو هي المريضة بركا متخبي عليها  هي هي مشي انت انا وليدي كي السبع  شفتو غمض عينيه وقالها -يما انا لي مريض مشي هيا وانا العاجز مشي هي  الطفلة هاذي ملي دخلت للدار هاذي وهي تعاني منكم وسيرتو نتي يما طفلة مقاستك مدترتلك حتى عفسة عيانة ملي جات وهي تحوس على رضاك  وفوق هاد الشي قابلتلك ابنك كن جات وحدة أخرى راهي صدت وطلبت الطلاق  هاذي لي راكي ضللي تعايري فيها كنت رايح نعطيها سراحها بصح هي مرضاتش تخليني قعدت شادة فيا  وقاتلي قابلة بيك  هاااااا اهدري يما علاه ساكتة  بصح نقولك حاجة المرة هاذي كثرتي فيها بزاااف  الطفلة بارح مرقدتش ملي جات وهي تبكي جرحتيها قدام لي يسوى ولي ميسواش عند ناس برانية اول مرة تدخل دارهم وانتي لي زعما كبيرة وفاهمة ورزينة طحتي عليها تم تعايري وترخسي فيها بحاجة مفيهاش وصلت بيك لهنا مقلتي هاذي أمانة تاع إبني بعتها تفرح مع ختو  مقلتي هاذي كنتي ومرت إبني قيمتها من قيمة إبني بصح لهنا وخلاص#بقلم_هاندا
75
👑👑👑
أنا رايح نهز مرتي ونروح منا ،انا غير قال هكذا معرفت نفرح ولا نحزن على حالتنا وين وصلت  بقيت شادتلو يدو  بيسك كان يهدر ويرجف خايفة عليه  نطق باباه- انت هبلت كيفاش تروح وتخلي دارك  قالو -الدار لي مفيهاش احترام ليا و لمرتي منريحش فيها وهي ناضت تبكي وتقولو -وين تروح وتخلينا علاه انا وش هدرت ياخي قلت هدرة صح هي لي فيها العيب مشي انت وبركا متغطي عليها  وليدي مشي مريض وتتحضن فيه وهو بقا جامد قالها -ما صاي الهدرة هدرتها ومنعاودهاش  مرتي عانات بزااف في هاد الدار ولازم نقوم بواجبي معاها  ونحافظ عليها انا نهار خرجتها من دار باباها قالي راهي أمانة عندك ،،  تالمو تأثرت بكلامو عدت  نبكي كي شافني قالي -روحي أميرة اطلعي لفوق دك نجي  ، طلعت وخليت يماه دايرة مندبة لتحت  وغاضني باديس بزاااف ليوم مكنتش حابة انو يحكي هاد الشيء قدام عايلتو  مهما يكون هو راجل ومشي ساهلة عليه  ..طلعت قعدت نستنى فيه حتى جا رحت تحضنتو  -علاه حكيت باديس علاه كنت تخليها تهدر راني موالفتها   نهدر وهو ساكت باين عليه مقلق فوق اللازم ، زيرت عليه قتلو -متقلقش روحك صاي مصرا والو  بصح هو بقا ساكت وشاربه يرجف باين عليه ف الطوب ، شاف فيا وقالي -متزيديش تبكي فهمتي دمعتك منزيدش نشوفها تهبط  باسني من راسي -نوعدك ا بنتي ننسيك في كلشي ونعوضك  بستو قالي -انا نخرج دك وكي نولي نلقاك لميتي  كامل القش تاعنا ونروحو منا قتلو -باديس صح نروحو -ايه ومالا حابة تبقاي ف الدار لي تهنتي فيها  قتلو -صاي متقلقش روحك دك انا نلم كامل قشنا باسني وخرج وانا درت نلم  بصح معرفتش اكزاكت وش ندي وش نخلي هنا وليت كتبتلو ف ماسنجر اسكو ندي مواعين قالي -لالا متدي والو  لمي غير قشنا برك ،-هاندا ريفالدا للقصص- ، لميت القش ف فاليزات عييت بزاف دوشت ولبست بيجامة وبقيت نستنى فيه  وزاد طول شوي بش جا  ديراكت تحضني قالي -واجدة ايه لايمت كلشي   بصح مقتليش وين رايحين قالي منبعد تعرفي ،وليت لبست حجابي وهو  قالي نهبط كلشي لطمبيل  وجا خرجني كي عدنا لتحت جا باباه  سلمت على راسو قتلو اسمحلي  قالي انتي لي اسمحيلنا وربي يهنيك  ، طلعت معاه للطمبيل وهو غير ساكت باين عليه مقلق بزاااف وانا سكتت محبيتش نهدر لي فيه يكفيه  مشينا وحد  عشرين دقيقة ولا حبس توال باطيمات هبطنا وطلع بيا لطروازيام ايطاج  فتح الباب  كانت دار تهبل صغيرة ومخدومة تسخف  وفيها القش استغربت قتلو باديس دار من هاذي قالي -تاعي خزرت فيه قتلو وقتاش شريتها قالي كنت كاريها  لناس واليوم وين خرجو بيسك كنت زايدلهم شهر من عندي  قتلو تهبل قالي عجباتك  بنتي-  ايه بزااف -خلاص راهي ولات دارك ومنا وجاي نعيشو فيها  ... نحيت قشي هو قالي نروح نجيب العشا  وانا سيقت ورتبت القش كامل  كي كملت لبست روب مريحة وبقيت نستنى فيه حتى دخل لقاني توال الباب قالي -ي الوردة توحشتني كامل هكذا-ايه وأكثر  ، قالي نروحو  للشمبرة  حاب نهدر معاك  قتلو بكل سرور -هاندا ريفالدا للقصص-  ،رفدت عليه القضيان ورحت تبعتو للشمبرة ديراكتومون رفدني لطرفو كما طفلة صغيرة قاي حاب نهدر معاك وانتي اسمعيني حتى للخر ياك -ايه - ياخي انا نهار جبتك عندي جبتك بيسك حبيتك وعشقتك ووعدت روحي نسعدك صح صراو بزاف  مشاكل بيناتنا بصح خلاو علاقتنا تقوى ونعرف مليح شحال تحبيني مي أنا مقدرتش نوفرلك حاجة نتي راكي محروقة عليها شفت فيه وغرغرو عينيا قالي -منيش رايح نقدر نخليك تحملي -باديس علاه راك تحكي هكذا  لوقتاش نبقى نقولك بلي انا نحبك انت وقانعة بيك بكل حالاتك  وزيد هذا وين بديت العلاج وبلاك تصرا معجزة من عند ربي  سكت شوي مبعد قالي -اميرة دوكا راكي حابة تكملي معايا ونبقاو نعيشو انا وياك  ونديرك أميرتي قتلو -وأنا شحال عندي من ديسو بش نروح ونخليه  راني قابلة نبقى معاك للأخير قالي -مي ف المستقبل متلومينيش على حاجة معطاهاش ربي#بقلم_هاندا
76
👑👑👑
قتلو وأنا اصلا منيش رايحة نزيد نجبدلك على هاد سيجي نهائيا راني قانعة بواش كتبنا ربي ونديرك انت هو وليدي ، ضحك وحكمي من أنفي -صح   ، ولا رفدني بين يديه قالي نروحو نتعشاو ومبعد نديسر بيك ، تعشينا وفوتنا ليلة رومنسية نساني ف كامل ليالي صعاب  لي عشتهم  ف فترة الأخيرة معاه .....
فاتت شهور واحنا في هاذيك  الدار ودخلت نقرا عامي الثالث  كنت نقرا غير 3 جور ف السمانة يديني الصباح ويرجعني لعشية وحتى الغدا يجيبلي نتغدا داخل طمبيل  ، من حيث قرايتي مكنش جتى مشاكل حمد لله كنت جابدة ع الناس وحتى البنات منداصرش خلاص   ، علاقتنا انا وياه تحسنت معادش يغنفني كما كان ف السابق  هو حنين بزاااف معايا بصح موضوع الأولاد بقى عائق بالنسبة ليه هو انا  نسبت كامل على الموضوع ولا نقول تناسيت ورضيت بالشي تاع ربي مي هو عاد شوي يتحسس كي يشوف الأولاد نعرفو بلي ملهوف عليهم وحاب يكون اب مثل أي راجل  ..-هاندا ريفالدا للقصص- ..وحد النهار في يامات الشتا  كان نهار هذاك ليبر منقراش فيه و  باديس خرج يخدم  سمعت الباب يصوني تعجبت قلت باديس مش موالف يصوني وملي جينا هنا واحد ميزورنا يعني ساعات باباه برك وختو الصغيرة وهما كي يكونو جاين يعيطولنا  رحت فتحت لقيتهم  خويا ومرتو وش فرحت بيهم داك النهار حسبت الدنيا ضحكتلي وهما تان جابو معاهم ولد خويا وهو يسخف يقولي أميلا أميلا  عيطت لباديس خبرتو قالي دك شوي ونجي ، رحت  وجدتلهم الغدا وبقينا نشايخو حتى دخل باديس وليت ديت مرت خويا للشمبرة اخرى بيسك ممنوع المخالطة وهو ريح مع خويا ف الصالو يشايخو ويقصرو نسمع فيه يهدر مع أيمن (إسم ولد خويا)  لقيت روحي ف باب الصالو نشوف فيه كيفاش يلعب معاه ومبعد هزو ويسلم عليه كلاه ماكلة لوهلة قريب طاحو دموعي مبعد حكمتهم استغفرت ورحت للكوزينة لحقتني مرت خويا قاتلي نعاونك  بقينا انا وهي نتعاونو كي خلصنا  انا حطيتلهم ف الصالو بتغداو وانا ومرت خويا تغدينا ف الكوزبنة  ...كي عادو مروحين لصق فيا طفل وانا هزبتو نسلم عليه -وشي ايمونة تاعي حاب يبقى مع عمتو  وهو يضحك وبقا لاصق فيا  وليت قتلهم بعفوية خلوه هنا ليوم حاب يبقى مع عمتو  خويا قالي -راهو يشيطك مش موالف يبعد قتلو -خليه برك  مبعد قالي معيش خليه هنا لليل نجي ليه  ،-هاندا ريفالدا للقصص-  راحو خرجو وبقا الطفل عندي  باديس مقال والو خرج وراهم وانا قعدت نلعب معاه  شعلتلو لاتيلي مديتلو تليفوني  يلعب بيه كي وصل المغرب  شفتو بدا يحوس على يماه وليت عيطت لخويا جا ليه  ... لليل دخل باديس رحت ليه عنقتو هكدا نديرلو دايما نتعنقش فيه ونقولو  ايها الضخم  لقيتو شاف من ومن قالي وين راه الطفل قتلو جا ليه باباه  سكتت قالي نبدل قشي وش درتيلنا عشا قتلو درتلك قراتان  ،، رحت سخنت وحطيت العشا تعشينا وفوتنا سهرة تهبل مع بعض ،،،،،#بقلم_هاندا
77
👑👑👑
فاتو يامات وبقا ولد خويا يطلب عليا  دايما تعيطلي يماه ف تلفون تقولي راهو يبكي ويقولي  اميلا اميلا  وانا نهار نكون منقراش يجيبولي خويا ونبقا معاه لليل بش يروح  وباديس ف الاول كان عاجبو الحال حتى هو كان يلعب معاه ويحبو الحق يشريلو الحلوى والالعاب جتى لوحد النهار  كان طفل عندي وقاسني بوحد العفسة تاع لي جو  جات في عيني بقيت نحك فيها وحمارت وانا عيوني حساسة بزااف يولو يدمعو  وفي هاديك اللحظة دخل باديس في وقت العصر لقا عينيا مدمعين فهم حاجة أخرى بلي كنت نبكي وسيرتو مين زاد شاف الطفل معايا لقيتو حكمني من يدي وجبدني للشمبرة قالي -علاه راكي تبكي  ولا سخفتي على طفل كما هو قولي أميرة راكي تبكي بيسك مقدرتش نخليك تهزي ياك هو يهدر وانا مشوكية معرفتش نبرر بيسك فهامتو غالطة وهو بدا يتقلق ويرجف وليت نهدي فيه ونقولو -باديس والله عيني تقاست برك مكنتش نبكي ووش هاد الهدرة ياك سكرنا على هاد سيجي ولا  مبعد جاوبني بالعياط -انتي انتي أميرة علاه حابة تتعلقي بيه هكذا  علاه جيبي فيه كل يوم هنا حتى عدتي تتحسسي -باديس متعيطش طفل يخلع اصبر نفهمك برك وهو لالا حاط حاجة في راسو وفهمها كما حب هو لقيتو راح للطفل هزو قالي لمي كامل العابو  منزيدش نشوفو هنا معاك....خرج وداه  كي رجع عاودلي نفس الكلام  -علاه جيبي فيه وياك قلتي انا هو وليدك ورجع يدير كما الصغار  وعرفتو رجع حساس بزااف   مي انا  حاولت بكل الطرق نحتويه بش ميحسش بهاداك النقص  كل ميكون مقلق ولا مزعف نعرفو بلي نفس موضوع راهو يدور في راسو   ساعات يتقلق بزاااف  وهكذا فاتت فترة شوي حساسة عاود رجعنا للموضوع بعد منسيناه انا كي يكون في ديك الحالة نفضل السكوت معدتش نضغط عليه   وقررت اني نولي نجبد على اي حاجة تخليه يتحسس حتى ماما خبرتها وقتلها بلي متزيدوش تبعتولي الطفل وتفهموني اكيد  -هاندا ريفالدا للقصص- ... اليوم مبكرة الصباح نقرأ  هابطة معاه شادلي يدي خرجت جارتنا هادو رحلو جدد وعندهم وحد الطفلة مشاء الله قمر  جي في 5سنين ولا سبقتنا ف الدروج وتلعب  رايحة تقرا واحنا وراها وتشوف لينا وتضحك وهو يموت عل البنات بصح محبش يشوف معاها لقيتو زيرلي يدي وهبطني نجري فهمتو علاش  ركبني ووصلني للجامعة ...للعشوة واحنا  راجعين لقيناها تلعب برا  ضحكت معايا وانا حشمت نصدها طابست وسلمت عليها سمعتو يتمتم ورايا قتلها وش اسمك قاتلي -ماريا -اييي اسم شباب كما نتي  بصح هي قاتلي -طاطا عندك بنات يلعبو معايا  كنت نبتسم ولات تخفات ابتسامتي قتلها -مزال  وهو من هاد الهدرة لقيتو لضلي على جنبي وجبدني دمعة حبست ف الشفر  غير دخلنا جيت نهدر بيسك وجعني منبعد سكتت قلت عندو الحق انا لي وش داني  هديك العشوة  مهدرش معايا خلاص ريح ساكت ويبان مقلق وليت رحت ليه حاولت نجبدو من تخمامو بالشوي بش تكالما وكي العادة حط يدو على جنبي قالي -وجعتك -لالا محسيتش كامل باسني من راسي وقالي سمحيلي بنتي وحضني وانا زدت زيرت عليه ،......و من هداك النهار ديك طفلة دايما تلعب توال بابنا بحكم يسكنو اونفاص لينا وانا كي يعود  هو مكانش راح للخدمة نستغل الفرصة ونبقى نهدر معاها وساعات ندخلها عندي الله غالب هاذي الطفلة حركت فيا مشاعر الامومة قد منقول نجبد عليها نلقا روحي نبقى نستنى فيها وقتاش تخرج  ونشوفها ..-هاندا ريفالدا للقصص-  وحد النهار دخلتها عندي هو كان قالي رايح نطول شوي  بصح في زهري رجع  ولقاها  عندي  ملقيت وش نهدر وليت قتلها روحي عند ماماك  وهو بدا يعرشلي -أميرة انا وش هدرتلك اااا وش قتلك ولا هدرتي معدتيش دايرتيلها حساب  -باديس خلاص متعيطش مفيها والو ماماها بعتتها عندي قاتلي فهميها ف وحد التمارين برك قالي -علاه راكي ديري هكذا في روحك وفيا ولا كرهتي مني وليت كبير ومنخليكش تجيبي الأولاد  بقا يهدر بزااف وانا ساكتة  سمطلي العشا واحد متعشا فينا جيت ف الشمبرة وحاطة راسي  نريفيزي مع قرايتي حتى لقيتو جا تحضني من لور ويبوس فيا -اسمحيلي بنتي عيطت عليك سمحيلي انا منجيبش الأولاد ونزيد نعيط عليك   غمضت عينيا  وليت  نبادل فيه  بالاحضان هذا وش لازم اصلا رانا في زوج محطوطين في المحك لا نقدر نعاتبو ولا يقدر يعاتبني كل واحد فينا عايش بش يرضي ويسعد الآخر ..#بقلم_هاندا
78
👑👑👑
.فاتت هاد السمانة في هدوء وانا جبدت على ديك الطفلة ومام كي نلقاها نفوت عليها،  باديس كان عندو الحق كي يقولي لازم تبعدي بش متضعفيش وطبقت كلامو  هو الصراحة مكنش بيناتنا مشاكل نهائيا  حتى دارهم ملي بعدنا عليهم ارتاحنا  منهم خواتاته يعيطولي تقريبا كل وقت ويطمنو علينا ولا يماه مزال ميهدرش معاها  مرة برك عيطتلي قاتلي اهدري معاه بش يجي عندي راهو قلبي محروق ملقيت وش نردلها اصلا قلبي طايب منها وليت قتلها -ان شاء الله بصح خفت نقولو يزيد يولي عليا  .... جات العطلة تاع الربيع قتلو نروح لدارنا  توحشتهم محبش يخليني قالي وانا لمن تخليني وليت سكتت مهم يرضى هو برك  بصح كان كل يوم  يخرجني سيرتو مين يكون الجو مليح عاود داني لديك الفيرمة تاع عام عام وتفكرت كلامو والأمنيات تاعو هنا بصح كتمتها وعارفة هو تان تفكر،  كي رجعنا للدار حطني وهو عاود خرج  .-هاندا ريفالدا للقصص- ....طبطب الباب كنت نحسب فيها ماريا قلت كن نلقاها هي منحلش عليها بصح شفت عجوزة هازة في يدها برمة  حليت عليها سلمت عليا قاتلي هادا باروك نتاع بنتي زيدت البارح  هي ف  الحق  انا منعرفهاش بصح حكمت عليها قتلها -يكثر خيركم ومبروك مزاد عندكم ، راحت هي وانا شفت وش كاين ف البرمة لقيتو عيش واحنا هنا عاداتنا كي وحدة تزيد يديرولها العيش  كان سخون يسخف حطيتو ف الكوزينة ورحت للشمبرة  منكدبش تأثرت بزاااف حبيت نعيش هاد الشعور مشي حسدتها ولا مي تمنيت نكون كما هي  وزيد اصلا حوالي مقلبين من الصباح كي رحنا للفيرمة البلاصة لي قالي فيها عالى الأمنية تاعو بلي حاب طفلة  زادت تخلطت عليا لقيت روحي نبكي بالشهقة الله غالب هاذي مشاعر اي مرا في حالتي قد متقول نصبر ونحاول نبقى صامدة جي لحظة كما هاذي تهدمها وانا هذا لي صرالي ليوم  بكيت بكا تاع حرقة   ، كي سمعت الباب تحل فقت مع روحي مسحت عينيا بصح بقيت مكشوفة بلي نبكي دخل عليا بيسك موالف يلقاني توال الباب نستنى فيه بالاحضان  ، كي شاف مع عينيا  قدم عندي قالي -وشبيك بنتي كشما صرا هذا وين كنتي مليحة كش ميوجع فيك وانا ساكتة ملقيت وش نجاوبو  قد.محاول يفهم بصح مهدرتش معاه خفت نضعف وكش منقول  خليتو هدر هدر مبعد خرج خلاني في راحتي  ،-هاندا ريفالدا للقصص-  راح دخل للكوزبنة شوية وسمعت حاجة تخبطت في لرض نضت مخلوعة لحقتو لقيت ديك البرمة سايحة في الأرض و   بدا ديراكت يكسر  الكوزبنة حطها لرض  يهز ويكسر لي يلقاه قدامو   ويعيط  قالي -انا السبة انا السبة قتلك  رايح نضلمك معايا  علاه علاه ي أميرة علاه مهم دار حالة حتى جاو الجيران يطبطبو علينا  مي هو بقا هكداك يكسر يخبط ويعيط وانا بقيت جامدة كرشي وجعتني خفت جيه ديك الخنقة وانا منعرفش كيفاش نسعفو   وليت رحت قربت ليه بالشوي حتى حكمتو وحضنتو حاولته يحبس بش تهدن شوي وقعد في الأرض  ويبكي وانا في هاد اللحظة غاضني  بزااف  ولا قالي -كي شفتي العيش عليها بكيتي ياك كنتي تبكي بيسك سخفتي تكوني كيفها  انا سكتت وش رايحة نقولو اصلا ريحت متحضناتو  وهو مزال يبكي وليت قتلو باديس مديرش في روحك هكدا  جبدني عليه وقف وراح خرج  خلاني نادمة  لي خليتو يشوفني بهاد الحالة كن مشافش دموعي كن مصرا هاد الشي انا هي السبة علاه منخبيش داك العيش كيفاش خليتو يزيد يعيش لحظات كما هادو ..مسحت دموعي ونضت للكوزبنة وش نقي وش نخلي فيها ردها بوبال لنص الليل بش كملتها وهو مزال مدخلش ، تحيرت عليه وعيطتلو كوبا عليا  ومحبيتش نزيد نضغط عليه أكثر  ورحت تكسلت في بلاصتي حتى غفيت ،  الصباح لقيتو مكانش بصح  قشو كان هنا يعني جا البارح وانا محسيتش بيه  ، فات نهار هذا  سامط خلاص بيسك مهدرش معايا ومحبش يوكل  وزاد بقا 4ايام على هاد الحال ميهدر ميوكل ماكلتي  وانا من حالتو هاذي رجعت منوكلش تاني  وتحيرت حتى هبطلي السكر وهو مكانش معايا  كي طحت جا راسي على الحاشية تاع  طابلة زجاج  واستغميت كي فطنت لقيت روحي مزلت على نفس الوضعية لي طحت فيها والدم داير حالة  عاودت دخت للمرة الثانية والثالثة  حتى جا هو كي شافني هكذاك خلع وهزني للسببطار....