المعجزة

الجزء 16

سبيطار 18:30
تقوى رجعات مصدومة من كلام حكيم مفهمتش والو  وحايرة بين انها تبقى حتى لغدا وتمشي وبين انها تمشي مع 20:00  قررات تشاور مع وفاء
وفاء:اويلي حكيم هدا عترف ليك
تقوى:ههه مالو عترف بحبو ليا ههههه راه غير اعجاب وانا اصلا مدخلش ليا هادشي راسي
وفاء:ايو الله كيعطي لفول لي معندو ضراس
تقوى:كيفاش مفهمتش
وفاء:دابا شنو غاتمشي تعشاي معاه
تقوى:معرفت حارت ليا وجيت زعما تفكري معايا انا صراحة  بغيت نشوف بابا وكان غير اجل هد لعشاء
وفاء:هههه تقوى راه كنظن حكيم غير فبالو شي حاجة ردي بالك منو مهم انا قلت سيري المغرب
تقوى: ياك حتى انا هادشي لي قلت
وفاء: هههه صافي  سخيتي بيا
تقوى: راه غرجع غير شي يوماين ونرجع حيث مخصنيش نرجع بلابيك لمغرب مهم نمشي نطمئن عل. بابا
وفاء:وخى لالة شوفي شوفي شكون جاي امين
تقوى:صبحنا على الله اوف كي لصقة ياك دابا امور تقادات شغلو لاش كل مرة غادي جاي
امين وقف عليهم
امين:سلام لبنات لباس عليكم
تقوى: وعليكم سلام
وفاء: اهلا اهلا مهم نمشي لحمام نغسل وجهي
تقوى:وفاء نمشي معاك (خنزرات فيها حيث عرفتها دارتها بلاعني باش تبقى مع امين)
وفاء:(مشات بلا متجاوب)
امين:مالك تقوى تتهربي مني انا اشنو درت ليك انا
تقوى:امين ماشي قتو دابا
امين :وايمتا توحشتك عطني فرصة راه والله حتى ندمت والله كنبغيك
تقوى:امين كلمة كنبغيك كيعرفو ليها غير رجال تاع بصح ماشي براهش
أمين:مقبولة منك ولكن اناباغي نصلح غلطي معاك
انا كسرت ليك قلبك وجرحتك  ودابا كنعتدر
تقوى:امين الحاجة فاش تتكسر تتعاود تجمع لا عمرها تتعاود تجمع وحتى ايلا حاولنا نجمعوها متترجعش كيفما كانت
امين:(حدر راسو وسكت)
تقوى ؛امين بغيتي مسامحك  انا ولكن باش نرجع ليك مستحيل والله صافي مبقى بيناتنا ميتقال مهم ليوم غادي نسافر
امين:(شاف فيها معجب)علاش فين غادة خسرتي لي بلاني ليوم
تقوى؛اشمن بلان انا غادي نمشي نشوف بابا ونرجع لهنا تاني حيث اصلا منقدرش نسمح وفاء هنا بوحدها  فهمتي
امين :خسارة كنت باغي ليوم نخرج معاك
تقوى:(وقفات طالع ليها دم )امين وامين وفهم خلاص لي بيناتنا سالى من نهار سمحتي فيا انا صافي نسيت كلشي ونساني حتى نتا عفاك صافي باركة عيت وفهم راسك خلاص وعطني بتيساع واش فهمتي بأشمن صفة نخرج معاك دوي حترم راسك هادي اخر مرة تقول ليا هكا بسلامة عليك ايلا جات وفاء قول لها مشات توجد راسها باش تمشي بسلامة
تقوى تحركات وامين واقف ومراضيش بهادشي اول مرة شي وحدة دير ليه هكا امين من نوع لي حاس براسو ونرجسي وشخص نرجسي ديما خصو يكون هو ضحية فكلشي وخى يكون هو سبب فشي حاجة كيحاول ديما يرد راسو ضحية قدام كلشي وانه مغلطش ابدا

19:30
تقوى وجدات كلشي وشدات طريق لمطر وصلات ونازلة من بعد مخلصات طاكسي  وهي داخلة غادي تسمع كلاكسون منوراها ديال طموبيل  واسم ديالها
حكيم :تقوى
تقوى :(دارت )حكيم اش جاي كدير هنا
حكيم : ركبي ندوي معاك
تقوى :كيفاش راه خص نمشي
حكيم :تركبي ندوي معاك وسيري
تقوى ركبات :نعم حكيم مالك 
حكيم : غاتمشي بلى متودعني
تقوى:لا زعما يعني ملقيتش كيفاش مهم
حكيم :فيدي ليا نمرتك فتلفون (مد ليها تلفون )
تقوى:(كتقيدها) هاهيا ولكن علاش
حكيم :هكاك باش نبقاو على تواصل
تقوى:وخى بسلامة عليك غنتعطل باي باي
حكيم :(تنهد ) وكان غير بقيتي حتى لغدا
زعتقوى:راه دوينا فهادشي زعما بلاما نبقاو نهضرو عليه كل مرة
حكيم : وشنو جاتك عادية نعرض عليك وتمشي درتيها بلعاني واقيلة
تقوى:حكيم اش تتخربق عليا دابا (بغات تنزل )
حكيم :(شدها من يديها )انا مكنخربقش فهمتي دابا  ولالا
تقوى:وطلق مني دابا مالك (بلغوات)وحيد
حكيم :(كيغوت )متغوتيش عليا تتفهمي ولالا (طلق ليها من يديها )
تقوى هبطات وسلطات بابا طموبيل
حكيم : غير بشوية
تقوى دخلات مطار طالع ليها دم من بعد مقادات مسائل ديالها جلسات تتسنى شوية عاد تحرك غادي بجيها مساج من حكيم (مهم كنعتدر وانا مزال حدى مطار ايلا بدلتي رأيك زعما حتى لغدا وسيري)
تقوى قرات ومجاوباتش شوية غادي يجيها اتصال من ام ديالها
تقوى:الو ماما
م.ت:بنتي بخير غادي تجي ليوم
تقوى :ويه غنجي
م.ت: بغيت نقول ليك زعما باباك راه رجع لدار ولى لباس مكاين لاش تعدبي
تقوى:وخى هكاك بالي معاه
م.ت:مهم بنتي غير مبغيتكش تعدبي حيث اصلا تجي يوماين وتمشي
تقوى:ماكين عداب ماما
م.ت:مهم بنتي على خاطرك بسلامة عليك
(قطع اتصال )فجهة مقابلة حكيم طلع ليه دم انها قرات ومجاوباتش وقرر يتحرك فحالو وعاد شاف لقاها 19:50دقيقة يعني غاتكون ركبات باش تحرك حكيم شغل طموبيل وتحرك وهي تخرج ليه تقوى من قدام طموبيل
حكيم :اش كديري نتي
تقوى ركبات : صافي مبقيتش غادة حتى لغدا بابا مزيان وقلت نزيد ليوم هههه
حكيم :(كيضحك) الله يستر ههه مهم احسن حاجة درتي
(بقاو كيشوف فبعضياتهم مبتسمين)
نهاية جزء