كنت قاعدة نضحك معاهم و اخيرا كلشي تسقم فاتو سمانتين و حاليا اجتمعنا كامل ، حتى حسيت بوجاع ، اوجاع مشي طبيعية و ماشي لي موالف تجيني عادة ، شاف فيا زاك ، بسك زيرت على يدو غير كي حسيت بوجاع زاك : واشبيك : شوية وجع دوك نرقد يروحلي عاوني طلعت لفوق و رميت روحي فوق فراش ، حسيت بحاجة تنزل من تحت ، ياربي و متكونش كيما راني نخمم مانيش واجدة كان ماء نزل ، معناها راح نولد ، بلعت ريقي بلاك ماشي ليوم بلاك راني غالطة ، كنت في بلاصتي و نرجف معرفتش واش ندير خفت نعيط ل زاك و مع تالي ميكونش كيما راني حاسبة ، بدا ألم يجيني و يروح كاين يجيني 3 دقائق و يروح و يعاود يولي ، مرة تالية الم بدا يزيد و يطول و هنا فهمت بلي مخاض راه يجي : زاااااااك عيطت بأعلى صوتي و مع الم لي كان يزير عليا ، كان هدا اقصى ألم قدرت نتحملو ، و أنا مزالي الم الولادة و ماشي ولادة وحدة راح نولد زوج دخل عليا زاك و موراه سما و ريتال ، : زااك زاااك راح نولد مع كلمة تالية بديت نعيط عاود ولا ليا مخاااض رفدني زاك و هبط بيا تحت و حطني في طنوبيل ، صوتي كان يتسمع ،الم و فترة مخاض راهي غير تزيد شفت في زاك كان أسوء مني ، يدو ترجف و معرفش يركب مفتاح : ياااا زااااك واش رااااك دير باغي تهبلنييييي ايييييي كي سمع هدرتي ، بلاصا مفتاح و رجع عقلو ل راسو و ديمارا ، ريتال و سما لحقونا بطنوبيل واحد أخرى ، زاك كان يجري بأقصى سرعة عندو و أنا نعيط من الم ، فترة الم تزيد ،و صلني و رفدني ل خر دخلوني ل بلوك الولادة : وين رااااه زاك طبيبة : مدااام لازم تولدي بديت نبكي و نعيط باه يعيطولو يدخل معايا ، مستحيل نولد بلا بيه دخل زاك و شدلي يدي زاك : هيا حبي ديري كوراج باسني في جبهتي و أنا بديييت نعيط و ندفع ، مكنتش نكمل طبيبة : ادفعي بكامل قوتك بديت ندفع و نعييط دموعي ، وجهي تخلط بالعرق و دموع زاك : حبيييي هيا دفعت حتى حسيت بنفسي تنقطع و كل ما نتفكر بلي راح نعاودها مرتين نفشل طبيبة : ادفعي متحبسيش ، حبل سري راح يلتف عليه غير سمعت واش قالت قلبي بغا يحبس ، قادر نخسر ولادي علا جال فشلة تاعي زيرت على يد زاك بكامل واش نقدر و دفععت حتى حسيت عمري خرجت صوت بكاء تعمر في شمبرة ، إبتسمت وسط دموعي ، باسني زاك في جبهتي زاك : هيا صوفيا مزال زاوج حاولي طبيبة : متحبسيش طفل ثاني مزال و المرة ثانية بداني ألم ، و هادي مرة بديت ندفع و ينقطع نفس ، حتى نحس روحي راح نختنق نرخي روحي اول ما سمعت بكاء المرة ثانية ، وليت نشوف ظلمة برك و فقدت وعي زاك : : واش صرالها طبيبة : ميسيو فقدت وعي برك ، راح نغسلولها و ندوها ل شمبرة تفطن : ولادي طبيبة : راهم ملاح ميسيو مبروك عندك زوج ذكور احساس انك تكون اب و تشوف مرتك تعاني و هيا تولد الخوف و كي تسمع صوت ولادك وهوما يبكو ل اول مرة و معاناة ولادة ، فهمت بلي عمري ماراح نكره والديا مخليتهمش يقربو ل صوفيا ، نحيتلها غوب تع سبيطار و مسحتلها عرقها و دم لبستلها غوب واسعة ، شراتها باه تلبسها كي تولد و مزية ريتال و سما كانو جابوها الأني متفكرت والو مشطتلها شعرها و ديتها ل شمبرة وحدها ، خرجت و خليتها ترقد ، طلبت من ايتام و رائف يروحو يشوفو ولادي كي يدوهم مخصنيش اي غلطة لقيت سام عند باب طار عليا و عنقني ، سام : مبررروك وليت أب : لعقوبة ليك ايتام تزوج و رائف راح يتزوج و أنت مزال ما بان والو سام : كون كانت عندك طفلة كون راني تزوجتها بصح كيما راك تشوف جبتلنا زوج ذكور : وين راهم سام : راهم واقفين عند راسهم يغسلولهم و يبدلوهم و يجو سمعت صوت من شمبرة دخلت نجري ، لقيت صوفيا نايضة تحوس تشرب ماء : ارجعي ل بلاصتك ، دوك نجيبلك فرغتلها كاس تع ماء صوفيا : شكون بدلي حوايجي : انا صوفيا : لي بيبي وين راهم علاه ماراهمش هنا : راهم يغسلولهم قربت منها بستها : جبتيلنا زوج ذكور عينيها تغرغرو بدموع ، اذا رفدتهم منعرف واش يصرالها شوية و جا إيتام و رائف باركولي دخلت ل بيبي عندها ، رفدت واحد و أنا رفدت واحد ، ريحتهم كانت تشبه ل ريحة صوفيا ، بستهم و أذنتلهم كانت تبكي حطيتهملها لزوج في حضنها : يشبهولك مسحت دموعها و ضحكت صوفيا : باينة راح يشبهولي انا لي تعذبت ، واش نسموهم : ماشي خيرتي أسماء صوفيا : خيرت ، ايدن و رايدن ، لي زاد لول ايدن و ثاني رايدن : كيما تبغي صوفيا : سمعنا طبطيب ، رفد لي بيبي حطهم في سرير كل واحد في جهة غطاني و سقملي فراش ، و فتح باب دخلو عندي سما و ريتال عنقوني : ييييي واش هدا حب سما : صوتك ونتي تعيطي مزال في وذني ابتسمت معاها : مور ما شفتهم نسيت الم ريتال : خلعتينا مديت واحد سما واحد ريتال سما : صغييير بزاف ريتال : دوك يكبرو و نخبرهم بلي خالتهم ريتال رفدتهم و نعلمهم كيفاه يخرجو برا فليل شفت فيها خزرة تع منيتك : مكلاه تعلمي ولادي طبايعك ، ريتال : كي شغل نتي معاونتيناش شفت في باب انفتح دخل سام ، يطل عليا ، كي شاف مكاش زاك دخل سام : مزية مراهش هنا : واش درت باه خايف منو ، مخلانيش نشوف ولادكم راحت سما عندو وراتلو واحد سما : هدا ايدن و لي عند ريتال رايدن رفد ايدن بين يديه و جا راح يرفد رايدن ريتال : بقى في بلاصتك مكلاه تديه سام : جيبي هنا ، هادو انا راح نعلمهم يتيرو بسلاح ريتال : انا نعلمهم سام : ولاد زاك و زاك صاحبي ريتال : ولاد صوفيا و صوفيا صاحبتي شحنة لي بيناتهم يضاربو على ولادي قدامي ، صوفيا : لا انتي لا انت راح تعلموهم ولادي يخرجو بعاد على سلاح و قتيلة و مافيا سام : تسما مكاش اكشن صوفيا : مع اسف لا دخل زاك و سام انخطف لونو زاك : شكون قالك دخل سام : علاه شوف كي صغار : حط ايدن سام : كيفاش عرفت بلي ايدن و بلاك رايدن زاك : ايدن يشبهلي ملامحو هادية و رايدن يشبه ل صوفيا يتحرك بزاف سام : شد شد ، ابوة صعيبة دخل ايتام و رائف باركولي و شافو لولاد و بعدها جاو عائلة زاك ياسمين : كيراكي ، جبتلك ماكلة : مشي لازم علاه عييتي روحك ياسمين : راكي والدة جديد لازملك تاكلي باه تقدري ترضعي ابتسمت معاها و باركولي ازار ومانيسا و اب زاك و جده ، كانو فرحانين ب ولادنا بعدما بريت و رجعت صحتي رجعت ل دار و بدا شوط ثاني مع تربية كنت نجري في دار مبقاش فيا مخ نسكت واحد ينطلق ثاني ،انا و زاك موليناش نرقدو ، حتى انو طلب مني يجيب مربية و انا نريح ، بصح رفضت ، لازم انا نعاني و نوض و نتعب ، مكنتش باغية نكون نوع امهات لي يخلي كلشي على مربيات ، و بعد معاناة بداو يكبرو ولادنا و صح خرج رايدن عنده نفس تصرفاتي يبكي بزاف و يعيط و يتحرك يعني كان مشاغب و ايدن مكانش يبكي بزاف و كان هادئ ، اختلاف هذا لي خلاني نبغيهم اكثر انهم يحملو صفاتي انا و زاك كنت قاعدة في كوزينة نطيب في فطور ليهم و مخليتهم في كراساهم و كي العادة ايدن قاعد و رايدن يحوس ينوض و يهبط للرض انيا : عمو سام مزال ما يجي كان سام واعد انيا يديها ل ماناج و حماس لي فيها جامي شفتو ، مازالت انيا اختي صغيرة و حاجة لي ريحتني انها مغارتش من ايدن و رايدن ، كانت كيما اخت بالنسبة ليهم ، سمعت باب ينفتح : زاااك هدا انت جا دخل ل كوزينة ، باسني في خدي زاك : توحشتك هبط سلم على انيا و رفد رايدن بيد و ايدن بيد و باسهم زاك : معياوكش : كي العادة رايدن ملي رحت صباح مسكتش ، متعلق بيك بزاف و ايدن غير حضنتو رقد زاك : باينة شكون راح يديلي بلاصتي : تغير من وليدك زاك : دايمن يرقد عندك : و انت رايدن نسيت بلي يبقى لاصق فيك سمعنا طبطيب رحت نفتح لقيتو سام : مزية جيت من صباح تستنا فيك سام : راجلك خلا عليا كامل خدمة راح نبكي ابتسمت معاه و خليتو يفوت ، مسكين سام دايمن حاصلة في راسو سام : برانساااااس جيييت جات تجري انيا عندو ، رفدها و دخل ل داخل سلم على لولاد و لعب معاهم او بلأصح لعب مع رايدن لي كان يضحك و يتفاعل اما ايدن كان يبقى ساكت خطرات نحس زاك بهيئة صغيرة بست انيا و مديتلها لانش بوكس فيه خضرة و فاكية علابالي بلي سام راح يوكلها بيتزا و يشربها ڨاز ، درت حسابي و وصيتو على ماكلتها : ابقاي مع عمو سام متبعديش عليه انيا : اوكييي سام : خلي برانساس تاعي قتلتيها بتوصيات و دعتهم و راحو زاك : بقينا وحدنا : لولاد مزال ما فطرتهم زاك : فطرتهم ساع و رقدتهم جبدني من وسطي و حط شفاهو على تاعي ، لفيت رقبتي عليه و بعدها صوت بكاء ايدن ولا في كامل شمبرة زاك : تسما هدا قاع ميبكيش كي شافني معاك بكى دار شنوفة و راح رفدو و يسكت فيه : متزعفش مزال كاين ليل غمزلي و كمل يسكت فيه و بعدها انطلق رايدن مور ما سمع خوه يبكي زاد رفدو زاك ابتسمت عليهم و حكمت تلفون درت سالفي معاهم
Oops! This image does not follow our content guidelines. To continue publishing, please remove it or upload a different image.
twin
Oops! This image does not follow our content guidelines. To continue publishing, please remove it or upload a different image.
Sofia and Zack, Pregnancy period 🩷
Oops! This image does not follow our content guidelines. To continue publishing, please remove it or upload a different image.
