ذبحتني عيونها وصقرها الي ع يمينها

8

سلام عليكم الله حبايبي
نجمه وكومنت حلو تقديرا لجهودي 🤎.

‏-سبحان الله🌿.
- الحمدلله🌿.
- لا إله إلا الله🌿.
-الله أكبر 🌿.

______________________

نرجع من مكان وقفنا

دخلت البيت وهي تجري وانفها محمر من البكي ومسكتها جواهر من يدها ولاهي فاهمه وش صاير وقالت: غرام وش فيتس
انهارت بحضن امها وبس تردد" يمه والله ماسويت شي "
جواهر مسحت ع شعرها وجت أشواق وريم جنبها ونطقت اشواق بخوف: وش صاير
جواهر هزت راسها بمعنا.مادري.
وماهي إلا لحظات ودخل مطلق وريم اول مشافته دخلت بقرب غرفه
مطلق مسك شعر غرام وقال: انا اعرف ربيك ياكلبه خليتك ع راحتك لين دفنتي راسي بتراب
جواهر بعدت يده لاكن ماقدرت وجرها لاقرب غرفه ولانحكي لكم الضرب الي كان جنوني موضرب صاحي وجواهر تدق الباب بكل حيلها وقلبها تقطع من شهقات بنتها الي تدريجين أختفت واشواق راحت جري لاعند جدها
أشواق بخوف تملكها: جدي ابوي جالس يضرب غرام
عوضه بصوت مرعب: خليه يقتلها
أشواق بصدمه: جدي وش هاذ الكلام
عوضه: هاذ الي عندي وطسي بوجهتس قبل ادفنك معها
أشواق ماخلت جدها يكمل كلامه وطلعت تتدور لا طارق او ياسر
______________________
بيت ال غازي

تيم جالس يقول لا ابوه كل شي من الألف إلى الياء وضاري وتركي وتيهان واصيل وثامر يهزو روسهم على كلامه بمعنا.صح.
ابو تركي بغضب: ياحيف ياحيف بس على تربيتي الفشاله
تيم: يبه تكفى صدقني والله بس كنت بشوف خيلي
ابو تركي رماه بنعاله ومسكه ضاري قبل يقوم من على الكرسي وقال: صل على النبي انت تعرف مستحيل تيم يسوي كذا
ابو تركي: انا اعرف بس العالم وش يعرفون
ثامر: ياخالي اهد لا يرتفع ضغطك وبنلاقي حل
اصيل: الحل انه يتزوجها
ضاري ضربه برجله عشان يسكت وجلس ابو تركي ساكت وكنه يفكر بكلام اصيل وتيم يهدد اصيل بنظراته
تيهان بهمس لا اصيل: انت علامك كذا والله اني لا اقتلك عشان يطلع لك مخ تفكر فيه قبل تتكلم
اصيل: تيهان اقصـ
وقاطعه ابو تركي بقوله: قومو قدامي
تيم: لويين
ابو تركي: نرجع كرامتنا الي مسحت فيها
وكان بينطق وسكته ابوه بقوله امش قدامي
ومشو وراه لين دخلو مجلس ال عوضه وكان نص يعرف بسالفه ونص غافل عنها
ونطق ابو تركي: ابوك وجدك وينهم
ياسر ناظر وجيهم ومكانت تبشر بلخير وقال: شوي وناديهم
ابو تركي: طيب انتظرهم بس بكلمهم على إنفراد
ياسر: تفضل معي
تيم مسك كتف ابوه وهمس له: يبه تكفى لا
ابو تركي مارد ومشى مع ياسر وتيم كان فاهم وش بيسوي ابوه وجا غازي الي كان للحين بلمجلس وسيف يلهيه لا يدري بسالفه
غازي: وش العلم يرجال
تيهان وثامر حاوطوه ولهوه بسوالف وضاري مسك تيم يطلعو واصيل فهم ان ماله مكان معهم ودكا جنب سيف وتركي من لقافته لحق ابوه