حياة كامله اراها في عينيكِ

البارت 9

بعد مرور اسبوع
أريج: تم الحكم على والدي بسجن لمدة 25 سنة  كلش هواي انقهرت وضجت عليه بس مع الاسف التهم الي جانت موجهه اله كلها حقيقية وجان يستحق العقاب علاقتي باحمد ابدا ما تغيرت ولا اسلوبي  تغير وياه و الحمدلله علاقتنا ماشيه
بس هل هيدوم هاذا الهدوء ما اعرف
-
-
-
-
-
-
يوم الجمعه الساعه9:00ص
أريج: حنت كاعدهه من وكت رغم انو هو جان يوم اجازتي بس علمود ارتب البيت واحمد جان عنده شغله ضروريا فطلع من وقت وبقيت وحدي بعد ما خلصت تنضيف وجنت داحضر نفسي علمود اروح للسوبر ماركت اتسوك شكم شغلة محتاجتها للبيت اندك الباب
أريج: منو ممكن يجي بهلوقت
رحت علمود افتح الباب وانصدمت يمن شفته زيد

زيد: اخو أريج الثاني مواليد 1999 جان عايش بتركيا طول هلمده بسبب دراسته  وجانت علاقتة بأريج كلش حلوه
أريج: زيد؟
زيد: اي زيد شبيج متعرفيتي
أريج: كلش فرحت يمن شفته ورحت حضنته لان جنت كلش مشتاقتله
أريج: كلش هواي اشتاقيتلك
زيد: واني هم
أريج: يلا يلا تعال ادخل
دخل زيد
زيد: زوجج مو هنا اليوم
أريج: لا خطية اليوم طلعله شغل
كعد بلصاله وهو جاي يستكشف المكان بعيونه
أريج:  اسويلك الكهوه الي تحبها
زيد: اكيد ليش اني اكدر اكول لا
أريج: تدلل
رحت علمود اسويله الكهوة لحكني للمطبخ
أريج: شوكت رجعت؟
زيد: البارحه بليل وجنت ميت من التعب اول مرجعت لفيت راسي  ونمت وكعدت كبل اجيت عليج
أريج: هلا بيك
زيد: اممم اكلج عادي تشوفيني صور زوجج هاذا الي خبصتينا بيه
أريج: ليش ما عندك حسابه
زيد: لا
أريج: تمام هاك.
فتحتله التلفون وكعد يكلب
زيد: ماشاء الله هم حلو وهم قوي
أريج: ضحكت على كلامه
زيد: امم مرتاحه انتي وياه
أريج: الحمدلله والشكر احمد كل يوميه يثبتلي انو اختياري صح
زيد: الحمدلله
أريج: يلا الكهوه خلصت جربها
زيد: عاشت ايدج كلش طيبه 
أريج: تسلم
باثناء ما جنا جاي نحجي فجاة دخل احمد
احمد: ها حبيبتي...
اجت عيني على رجال غريب كاعد بلبيت وجهة نضري على أريج
: منو هاذا
أريج: هاذا اخوي زيد الي جان يدرس بتركيا البارحه رجع من السفر واجه اليوم يطمأن عليه لان صارلي هواي مشايفته
احمد: اهاا اهلا واسهلا نورتنا
زيد: البيت منور باصحابه
كعدنا وبلشنا نتبادل اطارف الحديث سويه
زيد: يلا عن اذنكم
أريج: ليش بعد
زيد: لا حبيبتي غير وكت اجيج
أريج: تقرب ليمي وحضني وباسني من خدي وكلي
زيد: انتبهي على نفسج
وطلع باوعت على احمد لكيت عيونه بكصته
أريج: شكو احمد اكو شي
احمد: شلون يحضنج ويبوسج ها؟
أريج: شبيك احمد اخوي
احمد:  واذا اخوج
أريج: يا عزا هاي شبيك تغار من اخوي
احمدي: اي اغار
أريج: تمام مرة ثانيه اكول لاخوي لتلمسني لان زوجي ميرضى
احمد: اي عفيه
ضحكت على كلامه
أريج: اكولك صدك اني حنزل علمود اجيب مسواك من السوبر ماركت
احمد: تمام يلا امشي خلي نروح اني وياج.
أريج: لا لا ماكو داعي اني اروح لوحدي محاجه اتعبك وياي
احمد: لا حبيبتي ميصير خلي اجي وياج
أريج: داكولك ماكو داعي اني روح وحدي
احمد: تمام براحتح بس لا تأخرين
أريج: نزلت من البيت ورحت علمود اركب سيارتي يمن ركبت فجاة حسيت بشخص من المقعد الخلفي حط قطعة قماش على وجهي حاولت ادافع عن نفسي بس فقدت الوعي.
-
-
-
-
-
-
احمد: بعد ما طلعت أريج دخلت اخذت شاور وبدلت ملابس وكعدت على ارتاح شوي واخذتلي قيلولة وره 3 ساعات كعدت ولكيت البيت هادى كلت معقولة أريج لحد هسه مرجعت بلعادة هيه متتأخر دورت عليه بلشقه ماكو اتصلت عليها متجاوب حسيت اكو شي غلط بلموضوع بدلت ملابسي على السريع ونزلت للكراج علمود اخذ سيارتي والحكها والصدمة يمن شفت سيارة أريج بمكانها وجانت البيبان مفتوحه هنا الا استوعبت انو صارلها شي كبل صعدت للسيارة واتصلت على والدي
احمد: الو ها يابه انت وين
ابو احمد: ها شكو شبيك ابني صاير شي
احمد: بويه أريج نزلت علود تجيب شكم شغلة من السوبر ماركت.......   حجيتله الي صار
وهسه جاي ادور عليها ماكو
ابو احمد: تمام تمام لتخاف هسه اني ابلغ الشرطه  يدورن عليها بكل مكان
احمد: تمام
سديت الاتصال وكبل اجه بالي زيد كلت معقوله هو خطفها
جبت تلفون أريج الي جان واكع بسيارتها
دورت على رقم زيد واتصلت عليه
زيد: الو منو وياي
احمد: اني احمد
زيد: اها اي عرفتك تفضل محتاج شي
احمد: باع لك اقسم بالله العلي العظيم اذا طلعت انت الي ماخذ أريج اشرب من دمك
زيد: ليش وين أريج ومنو. اخذها؟
احمد: ما اعرف أريج نزلت وراك بربع ساعه علمود تروح للسوبر ماركت وانخطفت
زيد: صدك تحجي تمام تمام هسه جايك
زيد: سديت الاتصال ويه احمد  واني مصدوم معقوله حسين نفذ تهديده لا لا مستحيل
نرجع شوي ليوره
اليلة الي اجه ببها زيد
زيد: اول ما دخلت ملكييت احد بعدين اجت ام حسن سلمت عليه واجه حسين سلمت عليه وسلمت على والدتي
حسين: زيد الحكني للغرفه عندي حجي وياك
زيد: تمام رحت لحكته للغرفه واول مدخلت بلش يحجي
حسين: باع زيد اختك الادبسزز راحت وتزوج احمد غصبنا ما علينا وفواكها ابو زوجها هو الي فضح ابوك وسجنه ويمن ابوي راحلها وحاول يقنعها انو تقنع ابو احمد يتنازل رفضت وفضلت زوجها الهتلي علينا احنا اهلها
زيد: اهلها؟ حسين انت على منو جاي تضحك ترى اني زيد اخوك ومنكم وبيكم متمشي علي هاي سوالف اعرف كلش زين شلون حنتوا تعاملونها واعرف هم ليش وكفت مع احمد ضدكم وبرأي الي سوته هوه الصحيح  خلضت من عدكم كلكم
حسين: وثار ابوك مراح تاخذه
زيد: يا ثار غير هو غلط وجاي يتعاقب نتيجة غلطه بلسجن وبلقانون
حسين: لك ابن القندرة شنو من بشر انت اكلك هوه ابو زربه الي سجن ابوك بس والله العظيم اذا ما اندمهم ما اطلع اني ابن ابوي وانت العار ضل لوحدك
زيد: مهتميت لكلامه كمت وطلعت من الغرفه ورحت لغرفتي ونمت
نرجع للحاضر

زيد: رحت لاحمد لكيته هوه وابوه
زيد: باع احمد اني اعرف منو اخذ أريج
احمد: منو؟ احجي
زيد: حسين هو الي اخذها هو البارحه هددني وكلي.......... وحجيتلهم كلشي. صار
احمد: اني اعلمه هاذا السا*ق*ط
ابو احمد: زين متعرف مكان ممكن ياخذها اله
زيد: اي اتوقع اخذها للمزرعه مالتنا
ابو احمد: كوم على السريع انطني العنوان
زيد: تمام يلا

-
-
-
-
أريج: رجعت لوعي باوعت على المكان الي اني بيه جان مخزن  كله اشياء قديمه حاولت اتحرك بس جانت رجلي وايدي مربوطة فجأه بطني كامت توجعني بشكل مو طبيعي حسيت مصارينني حاي تتكطع شويه ودخل شخص عليه يمن باوعتله انصدمت معقوله الحقد وصل بيه لهاي الدرجه
حسين: واخيرا كعدتي
أريج: حسين مو وقت كلامك هاذا رجاءا فك الحبل بطني حاي تأذيني بعد ما اكدر
حسين: يا كلام ليش هوه انتي بعدج سمعتي شي بعدنا بلبدايه
انتي شنو هلصلافه الي شايلتها ها اكو بنيه تسجن ابوها
أريج: اني ما سجنته الي سجنه سوء افعاله (كلتها بالم)
حسين: وليش منو سجنه غير حبيب كلبج؟
صدك على طاريه شلون رضيتي يضربني ها؟ اني مو اخوج الجبير لو انتي بعد ماكو احد بعينج
أريج: الله يخليك شسويت بي ليش بطني جاي تأذيني هيج
حسين: والله وطلعت شكوكي بمحلها
أريج: مفهمت؟
حسين: شكيت كلت يجوز انتي حامل فضربتج على بطنج علمود اتأكد يمن تكعدين وهسه تأكدت
أريج: حسين شجاي تحجي تخبلت منو كلك اني حامل؟
حسين: باعي لنفسج جاي تنزفين يا حرام طفلج
راح
أريج: باوعت على نفسي لكيت روحي دانزف واستوعب انو دافقد طفلي
: حسين شسويت انت بعقلك لو لا اكو واحد هيج يسوي باخته (بانهيار)
حسين: بعدنا بلبدايه
رفعت ايدي وشفت الساعه
حسين: هسه اكيد همه جلين بلطريق يلا خلي نبلش
أريج: بقيت اراقبه راح لصندوك وطلع من عنده شي بس انصدمت يمن شفته

أريج: حسين شبيك تخبلت شنو هايييي
حسين: قمبلة شبيج مسويه روح متعرفينها
أريج: شراح تسوي بيها ها؟
حسين: عيب عليج تسئلين سؤال تعرفين جوابه
أريج: لا لا مستحيل
لف القمبلة داير ما دايري وشدها
وباوع لساعته وكال
حسين: يلا هسه نبلش العد التنازلي. شغل القمبلة
منا لبعد نص ساعه اذا ما لحكو عليج سامحيني عود وغمز وراح وقفل الباب وراه

-
-
-
-
-
-
-
بس انتهى البارت
اكتبولي رأيكم بيه
تجاهلوا الاخطاء الاملائيه
1242 كلمه
بس حاب اكلكم هاذا البارت ما قبل الاخير
فانتضروني بلبارت الاخير
بس باي 🫶🏼🫶🏼💖.