#ثــــــار_الغبارُ
بقلمي:فاطمة الثقيفي
لطفاً لتنسون التصويت + التعليق بين الفقرات + متابعة لحسابي 😍.
چا يَمتى يعوف الحِزن دربـي ؟
هَلي عَصرة هِدم مَعصور گلبـي
_______,,_______
"نرجس"
فزيت على حيلي مختنكة من كابوس مخيف اسمع بكل مكان واحد يصيح تربعت وصرت اخذ نفس شهيق وزفير لحد ما صحيت واستوعبت فعلاً دا اسمع شخص يصيح ركزت اكثر وسمعته هذا صوت همام...
طلعت من الغرفة ومشيت نزلت للدرج وبسرعة جمدت بمكاني شفت عمو خليل نازل ضرب على همام ودمه يجري منا ومنا
دفع همام ابو وعاطط بصوت قوي :-
"وربك الي خلقك وخلقني مايصبح الصبح اله وهيّ يمي ".
خليل:تاكلل نعل كواد حيووان تسمع كلامي وتنجب وتكعد
للصبح ترجع مثل رحمة .
همام: ما اسمع كلامكك لو يجي الحمزة طالع ادورها ورايح للشرطة .
انصدمت على منو ديحجي وشبيها رحمة !
لزمه عمو خليل وضربه راشدي بس ماهتز همام ودفع ابو ومشى
وصل للباب ونطق خليل :- والله اذا تخطيت عتبت هل باب ورحت للشرطة بعد انت مو ابني .
ضحك همام ونطق :- ليش من شوكت تعتبرني ابنك ؟
خليل: همام الزممم نفسك لا متعرف شسوي.
همام: خل اروح وارجع وشتريد سووي .
تخطى همام عتبت الباب وطلع وهوا گله دم وبقى خليل يمسح بوجه
باوعت ليجوا شفت سرور واكفة وشايله ابنها كملت نزلتي ورحت ركض يمها ..
- شكو سرور شصاير؟!
سرور:وين جنتي عيني الدنيا احتركت وگامت وكعدت وانتي ماكو ؟
- جنت نايمة شصار احجي ؟
سرور: غير خديجة مخطوفة ورحمة هم .
- عزااا خديجة نوب هسه رحمة تعودنا عليها خديجة شون ؟
سرور:امداج ولج اختج هاي ثالث مرة تنخطف ومدنعرف شديصير ،وانتي تكولين تعودنا !
- شسوي لعد اكعد انوح وابجي يكتلني عقاب واني مابيه حيل للكتلة تعبت.
سرور: اي دسكتي لعد خنشوف همام شراح يسوي بلكي يطلعن ثنينهن بنفس المكان ويلكه ويا رحمة
- اكلج والله هنيالها خديجة على همام هسه شيصير لو احنه هم عدنه اخ مثله وهيج يگلب الدنيا على رحمة من تنخطف ويروح يدور عليها .
سرور: ياعيني جا غير انتن عدجن اخ ليش ما عدجن .
شهكت بصدمة من الي سمعته :- لا لتشاقين سرور منين النا اخ وينه اصلاً شهل الكلاوات .
YOU ARE READING
ثار الغبار
Mystery / Thrillerفي روايتي الأولى ثـار الغبار يوجد ذالك الفتى القوي المغوار يندفع ويثأر بثأرهُ ڪ الغبارُ يقوم بالانتقام منهم ڪ الجزارُ يقتل ، يخطف ، ليحرق اليابس والأخضرُ.. يظهرون أعدائهُ على شكل وجوه مزيفة تتخفى وراء الأقنعة نفوس ضعيفة وعارمة أراء متضاربة منا...
