إقامة جبرية
من مذكرات مريم
الجزء السادس والستون ....
توني اغفي واندك الباب بقوة وصوت صياح
تعدلت عالمهل وشغلت الضو وفتحت الباب
دماغي راح يم خالد ..خفت ليكون بي شي
بس فتحت الباب وجان نور تسحبني
حضنتني ...دحكي يولي مابعد تنهزمين مني
ادحك نايل واكف بصفحة شايل الجهال
وام سليمان واكفة
اشكوو....؟؟.
ام سليمان ... مريومة اليوم ليلة عيد حبيبه
ميصير تظلين هيج حابسة روحج
نايل ... اجيتج بشغله تعالي احجي وياج
ادحكله محتار شلون يشيل جهاله مبهذلهم
صفنت بيهم وابتسمت ...احبهم مو بيدي
نور مخليه ايدها بيدي
وطلعنا للصاله كعدت ....
نور...شلون صرتي ...
...على الله
نايل....والله يمريم انتي الي تواسينه مو نحن عالايمانج وقوة صبرج
نور.... الدنيا مخلصت مريومة وبعد كل عمرج 20 سنة خايبة الي بكدج بعده ممتزوج
نايل ... الله يعوض . ..
ادحك لنور نطت اشاره لنايل ...
نايل ... مريم خيتي ولدي هما ولدج بعد انتي عمتهم ..واله من قلب ورب الي تردي اخذي
ام سليمان ...يمه الله يرضى عليكم
الله يسعد كلوبكم ويديم هالمحنه الله ليحرمكم من بعض الهي
نور... والله مريومة من صدك اخذي واحد ربيه انتي
وشحلات تصيرين امه وحتى خالد من عمت عيوني عليكم
شكد رحب بالفكرة وكال مريم متكول لا.. شكلتي
نايل ...ذب الجهال عالتخم لان انخبص بيهم وكمل كلامه وياي
من صدك تعالي لشوف ليش غالقة الجهاز
....مااغيد افتحو
...يول عمي نحن متردين تشوفين شكولنا عادي براحتج بس خالد شذنبه ....؟ .
..ماغيد اتصل بأحد
....يول دحكيلي تدرين شسويتي بي بهذا موقفج ..؟؟؟
والله العظيم يكولي نايل ضغطي مينزل يكول الليل ماانامه استراحتي ماانام اتصل بيا فيديو يول عيونه خابط لونهم احمر الله يرضاها
يول زلمة شعرض جتوفه والله يبجي يكول منو الها
...اخوي نايل من ايدددو ...قلي اسبوع لو شهر
ضحك علييييي ويعغف الوضع ويعغف اهلووو لا تزعل مني انا مابعد ضلت لييي نفس بشي
عافني وووغاح ايش ذنبب اناااا احتاجوو يسندني
معنويايي صفررر اتمنى المووووت
وين اطفالي وين زوجي واهلي وين اخووووي
وين بيتي ومكاني ايش اتحمل انا اشذنبي قدمووووت وهو همو يحرررر ويسند واناااا يعتبرني وحدي من الي الله غاضب عليهم بتلني اخووووك نايل قتلني بعملتووو
..ام سليمان...يولي ياززي عااد لاتبجين مفروض تفتخرين بي بنيتي
هذا الي عندو غيرة على كاعو عيشي وياه عمر ومتنظلمين ولاتخافين منوو ادعي الله يرده سالم
نايل ...ميخالف خيتي
انه ليش ميعز عليا هيج كعدة الكاعدها ..؟؟
يول والله الدنيا متسوى بعيني قيد راس نملة
جنت اتمنى التحق الي ديروح مو احسن مني
وشحلاتها استشهد وانه ادافع عن كاعي وعرضي وشرفي
كولي يالله كافي تبجين.. وارحمي بحالو لهالمكرود
