السردار

بالنسبة للبارت

السلام عليكم اللهم صلِ على محمد وآل محمد

مرحبااااا متابعيني طبعاً اعتذر جداً من المنتظريني

وفدوة للي ظل بالهم عليَّ🥺❤️

تعرفون المدرسة الاحد فرحت قضيت حاجات المدرسة عندي 3 اطفال دوام ورأسن رحت بيت اهلي بعد هاي اخر زيارة قبل المدارس مانكدر نطلع 🥹💔

هناك رحت نت اهلي عطلان مايعرفون شبي ماخلوا شي ماسوه وماصار لايفتح واتباد ولا اي برنامج بس الواتساب ومايتصل ولا يرسل بصمات

فبقيت هيج معلكة بدون نت ماهماني اصلاً بس علمودكم بقيتوا تنتظرون ماكدرت انزللكم رسالة

وبالنسبة للبارت اني من نوع ماندمج ولا ارتاح ولا اعرف اجمع افكاري بالهوسة واهلي ماشاء الله كل خواتي وجهالهم 💃💃💃📢📢📢

اريد اندمج بكلمتين على بعض ماكدرت افكاري تبعثرت حتى احداث القصة شبشت بيها 😭 كلما اختلي بنفسي بغرفة اخوي عالأساس اكتب يجوني يصيحوني ليش تعوفينه وياخذون سماعاتي وفوني خواتي 🤣

هسة رجعت لبيتي الحمدلله ورجعت افكاري صفت 😍 وراح اعوضكم ببارت طويل مو تقرونه وتكولون مملل وطويل 🤫🤫🤫 ونكمل النشر حتى لو مدراس لمن نختمها 🥹

بالنسبة للبعض الي يظن بيَّ السوء ويكول تقلدين رواية اطلس ورواية ابناء الحسوم ومدري شنو من رواية

اني هالروايات حتى ماباحثة اسماءهن بالبحث حتى اقتراحات مطالعاتلي وماطابة عليهن ومقارية ولا حرف منهن ولا اعرف محتواهن سمعت عنهن من اسو اييي بس ماقرأ اني للمعلومة وخلوها ابالكم لا اقرأ علمود اطور ذاتي ولا اقرأ علمود اقوي سردي اني روايات ماقراهن امل بسرعة من اول سطر من الرواية

فأذا اكو تشابه برواياتي ويه اي رواية وداعة ام الحسن الزهراء صدفة حتى لو اقرأ روايات ماقلد احد احب عالمي الصنعته وخيالي الخصب الصقلته بس مو معناها اروح اقلد احداث روايات احد

من قبل معروفة كاتبة قديمة وافكاري بالقصص جانت مختلفة شوي ودائماً روايات مابالغ بيهن واحب اكتب الواقع مو الي يجذب القراء لا سواء عجبكم او لا اني اكتب واقع مجتمعنا وما ازين الغلط واجمله

خصوص الامراض النفسية الي صاير الهن تبرير مو طبيعي وتجميل خاص من قبل الكاتبات من ضمنهن الهوس حسب كلام اسو ان هواي روايات جاي اتجمل الهوس وهو ترا مرض نفسي خطير لا عبالكم شي حلو ويتباهى به

وماحب ابالغ بالاحداث والشخصيات مؤمن اكتبه هيج ملطلط اكتبه ملطلط 🤣

وسالفة الخ منتشرة بالروايات البطلة تحب مغتصبها 🙂 هاي وين صايرة والله العظيم جذب والحسين جذب مستحييييييييييييييل امرأة تنهان وتحب الشخص الاهانها جنسياً وجسدياً

المرأة من تعنيف تكره مو انوب اغتصاب وتحب مغتصبها كولو تعايش كولوا مضطرة بس حب ماصدك لو شما تحلف وتكول حبيته اصلاً هاي تخدع عقلها الباطني حتى تتعايش

اني احجيها الكم كأمرأة وعن نفسي بعد الباقيات مادري الا هاي مازوخية 🥹💔

ماكول اني مثالية وانسانة قمة الثقافة بس اني انسانة واعية واعرف هواي امور وعمري العشته والعبر والدروس المرت عليّ خلتني ايقن كل هاي

ودائماً احب اكون محضر خير برواياتي ماصير خراب لبعض البنات او الشباب

الله وكيلكم واحلف بالعباس وانتم ما محلفيني اني مادور شهرة احب استمتع بكتاباتي وياكم وبس ومن اكلكم نشروها حتى نستمتع اكثر من يصير ويانه متابعينها هواي

وبس تحياتي للأحبهم ❤️

انتظروا البارت اخلصه وانشره هسة بلشت كتابته يجوز الخميس او الجمعة انشره

التميمية