"بسم الله الرحمن الرحيم"
رِوايتنة الجَميلة: مُـرسال لـارس
بـِ قَـلمي أنا: روح
وگعت بالگاع مَن الصدمة ما أگدر أنطق
أباوع بالوجوه أريد يگولولي چذب ما بيها شي حط ءو الفقار إيدة على راسة هزيتة أريدة يگلي چذب گعد يمي حاضني يمسح على راسي
-الله يرحمها وهج صيري قوية راحت لأرحم الراحمين
وگفت بصعوبة أمشي دفعتهم منعوني أدخل جرني فقار صدرت مني عيطة حبست بلاعيمي تجرحت
-لكممممم عوفونييييييي فاااااطمممةةةةةة
ضربت على وجهي أريدهم يعوفوني باوعت
الفقار
-فدوة گلهم گلهم بس أشوفهة بنيتي هاي بنيتي جوا
-مايصير وهج بس باوعيلي والله ما يصير هسة يطلعوها
-لللچ فاطمةةةةةةةة عووووفني فقاررر
حضني يثبتني لا أوگع ويصيح على امير
-لكك احچي وياهممم راح تموووت
دفعتة وركضت دفعت الباب ركضت الها الدكاترة ملتمين عليها دفعت واحد سحبت الغطة من وجهة
وجه فطومتي مو نفسة شفايفها بيض ووجهة شااحب
أرفع براسها رادو يطلعوني چلبت بيها اعيط
-عوفووووني يمهاااا عوووفووووني
دفعتهم أشيلها بحضني أبوس بوجها أحاچيها بروح خاوية
-يلاا أميرتي يلاا أمي أگعدي أدري بيهم يچذبون عليَ مابيچ شي يلا فطومة سويتلچ كيكة مو مشتهيتها إنتِ
ابوس بأديها وبراسها
-لچ گومي يَ روح وهج گومي
تقدم واحد من يمهم راد يسحبها مني شددت حضنتي عليها خازرتة
-وخررر
دخل ذو الفقار من برا
-فقارر گلهم خلي يعوفوها
-وهج لازم ناخذها
-لاااا عوفوها شوية وتگعد نايمة عوفوهاااا
حاولو يسحبوها مني ضليت أصيح بيهم مچلبة بيها حيل لزمني ذو الفقار سحبوها مني أحس أخذو روحي تهسترت صوتي إنبح من العياط اريد يرجعوها إلية فقار لازمني حيل
-فاااطمةةةةةةةة بنتيييي رجعوهاااا
عيوني غوشت عَم الظلام صرت ما احس بشي.
فتحت عيوني بمكان جميل بمعنى الكلمة أبيض والورد بكل مكان ريحة عطر كلش حلو تمشيت بالمكان مبتسمة صوت ضحك أطفال
توجهت لمصدر الصوت شفتهاا أميرتي لابسة فستان أبيض تركض ويا أطفال كأنهم ملاك
تضحك وتلعب وياهم
تقدمت عليها مبتسمة أصيح باسمها ما منتبهتلي تقربت عليها احضنها دارت وجها علية تحضني بستها بخدودها عافتني وراحت تركض صحت وراها أريدها ترجع ألتفتت عليَ
لوحتلي بيدها تودعني
إختفت ابتسامتي اريد امشي وراها تقيدت ما أگدرج
بعدت عن أنظاري عيطت أريدها ترجع وگعت بالگاع دموعي تنزل.
فزيت أسحب النفس مختنگة أدور عليها بعيوني ليش عافتني شفت نفسي بغرفة مستشفى
معلگيلي مغذي گلبي ينغزني
سحبت المغذي من إيدي بسرعة ما هتميت للوجع گمت أستند على السدية دموعي
تنزل وگعت بالگاع
زحفت لحد موصلت للباب سندت نفسي على الحايط فتحتة صار گدامي فقار لزمني بسرعة يسندني علية حچذيت صوتي كوة يطلع
-فاطمةة وين
دنگ راسة يتنهد هزيت ايدة
-فاطمةة ووين
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
