سٓقٓر (وادي هانوم)

part40

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____
اللهم صل على محمد وآل محمد

««نـورسيلين»»

فتحت عيوني صداع قوي ذاكرتي راحت لهذاك الموقف الي نخل گلبي نخل أذكر من كلت

نـور::- سـ سـقر اميـ أمير بلبيت..

ارعش واحجي بتكطع ارجف من الخوف دار وجهه للبيت ورجع باوعلي أبتسم وگـال

سـقر::- معناها احترك وي الذكريات البشعة..

حيلي انهد وجسمي رجف أحس رجلية بعد ما تعيني نزلن دموعي همست صوتي رايح .

نـور::-حريمة انت تكون أبو والله حريمة

ركضت للبيت المشتعل نار حضني من ورة مقيد حركتي ادفع بي وافرفح بين ادية طحت بلكاع وهو حاضني من ورة..

نـور::-اميررررررر يااااااارووووحي اميررررررر اخخخخخخ يمةةةةةة وخرررر الطفلللل راحححح يحتركككك اميررررررر تعاااال ماااااماااا وينككككككك يرووووحي لككك أميري تسمعنيييي...

ادفع واصيح وادفر برجلية دقايق أخذت حيلي مجرد اتخيل طفل بنار يصارع وأكيد هسه يصيحلي ويستنجد بية من الخوف والألم متتت والله متتت كمت ابجي بتفرفح وادك على رأسي شعلت شعري من الإنهيار
حضني على صدره همس

سـقر::-أشش أشش راحت روحج مو بلبيت طلعتة والله أمير واكف برة يم الحرس طلعتة ما ردت يشووف النار كااافي راح تتخربطين..

نـور::-جذاااااب جذااااااب يا مرررريض حرگت أبني كتلت الطفلللل لككككك ليششششششش..

سـقر::-والله مابي شي شووووفي شووو باعي هسة راح يجيج..

نـور::-وينه وينه الله يخليك خل اشوفه گلبي راح يوكف والله اخخخ يمةة

خابر على الحارس انفتح الباب گلبي تخربطت دگاتة امسح بدموعي اريد اشوفه بس الدمع والدخان خلن بصعوبة اشوفة

شهكت من أعماق گلبي من اجة حضني  لفيتة بحضني ما مصدكة صوتي انبح من الصياح همست واني أباوع بعيون سقر

نـور::-تعبتني والله تعبتني شكول عليك..

استسلمت لعالم النوم مغمي علية أحس من شالني وخلاني على جربايتي بس ماكو طاقة احجي..

اكعد على ألم بطني وأرجع أنام وافز مخترعة من الموقف اسمعه من خابره اهلة أو يحاجي أهلي بس لساني ثكيل ماعندي حيل حتى احجي وأرجع أنام..

كعدت على فتحتة الباب طب متخصر
سـقر::-يلة صحصحي شبيج ما تتحملين شقة.

نـور::-وين أمير؟؟