جاء نايف
نايف:سلام عليكم
النسوان؛وعليكم السلام
ام نايف:ارحب يامي كيفك عساك طيب هاه كملت شغلك لان ورانا بكره كشته
نايف:بقيتي يبنت مشعل الحمدلله بخير طمنيني عنس ايه قالو لي العيال واشغالي الحمدلله كملت وعندي اجازه
ام نايف:الحمدلله
نايف:كيفس يعمه مناير
مناير بغرور:الحمدلله بخير
نايف:شعلومس ياحن واطيب قلب ام مشعل
منيره بحب:الحمدلله جعلك في خير يقلبي
وسال عن حال ام ديم وام سطام
نايف:الا يمه بسالس وين تباهي ابيها
ام نايف؛بغرفة غزيل
نايف؛احد عندها ابصعد عندها
منيره بطيب نيه لانها شافت ثنتين دخلو غرفتها :لا انا شفت غزيل راحت غرفة امها تتروش وبتنام هناك
وديم ونوف راحوا غرفتي م بيصعدون غرفة غزيل روح ماحد في الغرفه
نايف:اجل انا استاذن بروح عندها
الكل:الله معك
صعد واحتار وين الغرفه وراح شم رائحه مناكير قالت اكيد هذا الغرفه دق الباب ودخل
عند نوف كانت بروب الحمام وتدهن جسمها بالكريمات وتمشط شعرها وفتحت مناكير تدهن اظافيرها بها دق الباب ولا اهتمت قالت اكيد احد من البنات
دخل نايف:تباهي تغليتي علينا م جيتي تسلمين علي وانا جاي من اقصى المدينه
ولا من لاقى اصحابه نسي احبابه هاه
ويجي يضمها من ورا ويمسك شوشتها:كان ريحة شعرش تغيرت ولا اذا جيتي الديره صرتي تدهنين من نفس عودهم
نوف ترجف من الخوف وبعد الضمه هنا انهارت
نايف فكها من حضنه ولفها
نوف تبكيي من الخوف
نايف انصدم يوم شاف انها نوف مش اخته ؛اسف اسف افتكرتك تباهي طيب ليش تبكين
نوف تركض وتدخل غرفة التبديلل ونايف انحرج وطلع من الغرفه
ديم طلعت من الحمام تدندن ودخلت غرفة التبديل وتشوف العنود تبكيي راحت عندها؛العنود وش فيس ايش صار
العنود تبكي
ديم تحضن العنود وتهديها وهدت العنود؛الحين قولي لي وش فيس
العنود ببحه؛الفستان انحرق الي ابغاء بزواج فتون
ديم بصدمه وانهيار:يحيوانه هذا كله طيحتي قلبي عشان فستان وجع وقرصتها وقامت
العنود بضحك:بالله عليس وش بيصير وانتي علوم الديره م يخفى عليس شي
ديم طنشتها وشلت لها ملابس وراحت تبدل
نروح عند تباهي تروشت وبدلت ونزلت تتقهوى مع عماتها
وغزيل مثلها خلصت ونزلت
في البر العصر
كان جالس يشب النار وسعود يسوي القهوه
سعود؛وش فيك مانته بخير
سطام؛ولا فيني شي غير العافيه بس ضغوطات شغل
سعود؛ اسمع دام الجواء حلو وشبه وقهوه اعطنا قصيده من منطوقك
ناظره سطام بنرقزه:يخي من قال لك اني شاعر
سعود: انا اخوك واعرفك من وحنا بزران مع بعض
سطام يدري انه م بيسكت الا ببيت شعر قال بسجه؛عزت علي نفس ونفسي عزيزة
ماهي بترضى موقف الذل والهون
الله جعل فيني هالكرامه غريزة
ياكون فـ راس الهرم ولا ماكون
والعمر م يسوى بلا عز بيزه
حتى لو في البنك مليون ومليون
وترا الفخر مين الفتى م تحيزه
لا صار م يقدم وغيره يردونه
سعود يصفق:ايه كذا صح لسانك ي شاعرناا
ضحك سطام
سعود:ايه اضحك ويقول من قال لك اني شاعر اخخخخ بس
قام سعود يصب قهوه ويجددها
وسطام سج
بعد مده جاء سعود ومعه القهوه؛والله ياجواء البر فنانه فكيف مع الشتاء
سطام:الا صدق ترا بكره جايين نكشة لا تنسى تجي وجيب عزبتك معك عشان اذا نقص شي
سعود يأشر ع خشمه:ع ذا الخشم
سطام:عليه الطيب
سعود:قم قم باقي شويه وياذن المغرب انا بطفي النار وانت روح دخل الحلال للشبوك
قام سطام؛تمام
وراح وسعود يطفي النار ويرتب العزبه ويقفل الخيام ويركب السياره وجاء ساطم وركب سيارته بعد م تاكد من كل شي ومشواء
المغرب بعد الصلاة
نواف قام يصب القهوه لجده وعمانه
الجد: سطام ما ودك يجدك تفرح قلبي بشوفت عيالك قبل يفناء العمر
سطام؛بسم الله عليك ي ملفي وش ذا الحسي عمرك طويل وجعل يومي قبل يومك يجدي مالي ومال الزواج تكفى لا عاد تجيب طاريه
الجد:يجدي بيجي يوم تقول فيه ويني مبطي م جيت ذا الدرب
سطام بابتسامه؛لا من ذي الجهه تاكد مابا قول
الجد؛نشوف
التفت لعياله:الا م قلت لي ي محسن كيف الشغال معك انت وعيالك
محسن؛نحمدالله ي بو سلطان امورنا طيبه والعيال كلن بشغله
الجد؛الله يبارك لكم فيه
الا م قلت لي تباهي هذي اول سنه لها بالجامعه
محسن؛ايه ييبه ودخلت بمجال الطب
الجد:وش لها بذا المجال وانا اعرفها رهيف قلبها مالها وماله
محسن:هذي رغبتها ولا تقدر نمنعها من شي تبيه
الجد:اي والله صدق مير اعرف الطب يبي له قلب مو قلب تباهي الله يوفقها
محسن:امين
الجد:مير زهبوا كل شي الحين عشان م ننساء شي مانبي احد يعود ويروح اليوم بالخطوط
قام سطام وغمز لنواف ونايف وقاموا معه
