الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
چگاره بچفك اشعلني امووت ابين اصابيعك
----⚜️----
اصف
فزيت الصبح مخروع من نفتح باب غرفتي بقوة نهضت من فراشي مفزوع وصوت عمو محمد يصيح رج البيت رج
محمد ::- تحررررم قشمرررررر
مسحت عيوني مضروب براسي الليل كُله مانمت چنا نتعلل احنا الولد شنو الي صار ماعرف
محمد ::- لاتصفن بوجهي گوووووم
اصف ::- شبيك لخاطر الله شصايررر
سحب الغطه عني وفتح الكنتور يطلع ملابسي وشمرهن بوجهي واني بعدني ممستوعب أصلاً كلمة افهمها وكلمة لا
محمد ::- كوم بدلل ماريد اشوف وجهك ها بسرعة تحرك ولككككك
صاح بيا خلاني اكمز من فراشي لبست ملابسي وهو يطلع من باب الغرفة يصيح
محمد ::- حيااااان كعد لو بعد سيليييين
وسيلين من جوا تصيح
-كعد عموو هاي ديغسل
محمد ::- خلي يعوف الصخام ويولي بسرعةةةة
حيان ::- افتهمناااا لاتخليني احلف يمين ماروح
الاشوس ::- حياااان
شفت الهوسة والكل معصب بدلت واني ساكت باوعلي عمو محمد مكمل
محمد ::- تولي بسرعة بوجهك لبيت المزرعة بسيارتك تروح
اصف ::- شصاير
محمد ::- متعرف شصاير مو!!
اصف ::- غير تفهمني انتَ جاي من الصبح تصيح فوك روسنا كلشي مافهمت
محمد ::- احمد راح يقدم شكوى علييييكم هسه اجاني للبيت لو تدزون روز لو يشتكي عليكم
اصف ::- روز وينها!!!!
محمد ::- الاشوس ميقبل ينطيها راح تاخذوها وتروحون ماريد اشوف وجه واحد بيكم
اصف ::- يعني ننهزم!
جرني من ايدي بقوة طلعني برا الغرفة
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
