لأاستبيح القراءة بدون نجمه او النقل بأي شكل من الاشكال
لاتدع القراءة تلهيك عن الصلاة!
وصلو لبيتهم والتفت عليها وشافها نايمه بعمق
بعد راسها بشويش ونزل وفتح بابها وشالها وسكر الباب ودخل البيت وسكر الباب وراح لغرفتهم وحطها ع السرير
بس صحت بانزعاج وشافته قاعد يبعد لها اللحاف
سحاب بنعاس:شتسوي؟
انخرش منها يحسبها نايمه:بسم الله متى صحيتي
قامت سحاب من تذكرت انها زعلانه منه
وراحت للدولاب واخذت لها بجامة ودخلت الحمام(يكرم القارئ)
وطلعت بعد ماتروشت وراحت للتسريحه ومشطت شعرها ع السريع ورطبت بشرتها بكريم وقامت وتوجهت للاضاءة وخلتها خفيفه وشغلت المكيف بالرغم انها توها تروشت بس شغلته وتوجهت لسرير وانسدحت وبعد دقايق نامت
كان يناضرها وكيف كانت متجاهله وجوده عرف انها زعلانه منه وهو تعب من المشاكل الي تصير بينهم قام توضئ وصلى له ركعتين ودعاء له ولها وللي فبطنها
سلم وقام وحس انه ارتاح بدل ملابسه وتوجه للسرير وماطول كثير نام على طول لانه كان تعباان حييلل
بعد ثلاثة شهور مرت بحلوها ومرها وفي الثلاثة شهور هاذي ماجد خطب لمى وماباقي شي على زواج ترف وفارس
في بيت الجد:
ام كاسر:باقي اسبوع على زواجك يابنتي جهزتي؟
ترف بتوتر:اي يمه
ام كاسر:الله يوفقك يابنتي
في بيت أبطالنا
سحاب بتحلطم:يمه ماباقي شي ع زواج تروفه وخصري راح!!
كاسر بضحك:خلاص بتزوج عليتس ماصار عندك خصر
سحاب التفتت له وهي رافعه حاجبها:قلعه
كاسر:بتروحين ولا لا؟
:وين؟
:السوق تشترين فستان؟
:لا اصلا طلبت من متجر بالتيك توك
:طيب
سحاب:دامنا فاضيين شرايك نطلع؟
:بروح المركز ماسك التدريب حق العساكر
:اف طفششت!!
:تحملي
:طيب شرايك توديني معك ولما نخلص
نروح كوفي؟تكفى
كاسر وهو كان مروق:اجل يلا معتس خمس دقايق تجهزي فيها
على طول راحت سحاب ولبست عبايتها ونقابها
وكاسر راح ولبس بدلته والرتبه ورتب شعره وكان توه محدد دقنه وتعطر وكأن شقققق
نزل لتحت وشافها واقفه عند الباب تظبط نقابها التفتت عليه وشافت شكله
:ول شعندك كاشخ؟
:طول حياتي وانا كاشخ
ابتسمت ومسك يدها وطلعو وركبو السيارة وحركو للمركز
:شغلي لنا شي
:من عيوني
مدت يدها للمسجل وشغلت(ماهو صحيح القلب للقلب شاهد)
مسكت يده وبدأو يغنون مع بعض
(ماهو صحيح القلب للقلب شاهد
لو هو صحيح اصبحت مفتون فيني
بيني وبينك حبك من قلب واحد
ليته يجيك من الهوى مايجيني)
وصلو للمركز وقف السيارة ونزلو وكان يمشي قدامها وهي وراه بمسافة بسيطة
لف عليها ومسك يدها ودخل للمركز وكأن له حضور قوي
وأول مادخل الكل وقف يدق له التحية وكانو منصدمين من البنت الي معه
كاسر بصوت عالي:استرح ياعسكر
والكل رجع يكمل شغله وهم منصدمين يعني شلون العقيد كاسر يجيب بنت معاه
احد العساكر:ياعيال ذي زوجته؟
:اعتقد لانه متزوج
:طيب ليه يجيبها
:مدري
:يمكن متزوج الثانية؟
:خلاص اص مالنا دخل بالرجال
:صح
