يا عاذلين الهواء والمحبه مسكين من قد بلي بلغرام🤍🌷.

البارت 11

خالد،، لا لا بشوف انا اذا مفاد نروح له
بهاج ،،، الي تشوفه يا ولد العم
خالد،،، رهيف تبي نرجع البيت بس ترا امي بتزعل والله رهيف تكفين لا تحرقي قلبي زياده
...... . .... .......
بدأت تحس رهيف بلي حولها وتخرج من الحاله الي هي فيها..
صارت تطلع صوت بكها خالد،،، ابكي ايطلعي الي بقلبك لا تحبسيه وانا منيب تتركك لحالك
حطت راسها على كتفه وملأت المكان بصوت شهقاتها وبكها مقدر يسكتها وهو حاس فيها مبيده إلا أنه يمسح راسها ويهديها بكلامه
خالد ،،، رهيفه يلا قومي نرجع البيت
قامت وهو مسكها من يدها يمشيها معه ويسولف لها عشان يغير جوها
وبهاج وترف يمشون وراهم
وهم طالعين من المستشفى كان فيه كوفي جنبه
خالد،،، نشتري لكم قهوه.
رهيف،، لا
خالد،،، افا خابرك تحبيها كنك
رهيف،،، مالي نفس فيها الحين
بهاج،،، خلودي رح رح جب لي قهوه انا نفسي فيهاااا
خالد،،، لا يشيخ وين ارجولك متروح لنفسك
ترف،،، اخلصو علينا انتو فاضين
خالد،،، منيب رايح الا ورهيفي معي لازم تأخذين لك الي تبين
رهيف ،،، بس مبي شي
خالد،،، نزل من السياره فتح الباب الي جنب أخته
انزلي يلا
رهيف،، لا حول تمام بس ترا منيب ماخذه شي
وبعدين ليش متخلينا نطلب واحنا في لسياره

خالد ،،،،ابي امسي معتس شويه
رهيف،،، جعلني فدوه لعيونك يلا خل نروح للبيت
اخذها الكوفي وكان يخذ ويعطي معها وفعلا رجعت طبيعيه وتحسنت
ورجع لبهاج وترف وجابو لهم القهوه
خالد ،،، ترا مخذي اربعه اكواب اثنين بارده واثنين حاره
بهاج،،، مالي دخل تعرفني احب البارده
خالد،،، تخسي والله هاذي حقي
رهيف ،،، انا جايبه لي بارده من البدايه وانتو شفو حل لكم
ترف،،، انا عادي اي وحده بس دام في مصارعه ع البارده فباخذ الحاره و انتو شفو حل لكم
بهاج،،، خلاص تخلو اخذ الي يبون معندهم رحمه ذولا
خالد،،، ههههه كل واحد يشرب زي أخته وبس
ولا اقول لكم خلاص رهيف هي صاحبه القرار من الي بيخذ القهوه البارده
رهيف ،،، وانا وش دخلني بينكم
خالد،، تخلصي وانا اخوك
ترف،،، همست لها تكفين قولي لبهاج ولا والله بزعل منتس
رهيف،،، بس اخوي يحيوانه
ترف،،، مالي دخل تعرفيني ازعل منك
رهيف،،، اااا يخذها ب ببهاج
خالد،،، اعقبب وليس وانا اخوك
بهاج،،، مسكين مسكين.
رهيف ،،، خلودي ترا كلها كوب قهوه
طبعن خالد مزعل منها لان كل همه وقتها أنه يمسح الحزن عن وجهها حتى ولوبالشي البسيط
-------------------------------------
عند الرجال.....
متعب،،، وينهم ذولا للحين
غيث،،، ترا جدي سمح لهم يروحون زياره لعمامي
متعب،،، والله انهم انذال وليس وخذوني معهم طيب طيب
وصلو العيال ودخلو للمجلس والبنات دخلو للبيت
بهاج ،،، السلام عليكم
متعب،، وعليكم السلام هلا والله بلخونه
خالد،،، اخسسس ليسس
متعب،، أجل ماخذي خواتكم وتدرون أن ودي بلروحه ولا خذيتوني معاكم لكن معليه
بهاج،،، يا الله والله مدري كيف رحت عن البال والله إنه بسبت ها البنات طيرو عقولنا وقلوبنا
خالد،،، اعذرنا يمتعب والله مقصدنا نسحب عليك لاكن مدري وش نقول
الجد،،، تعالو يا الاثنين واشر علئ خالد وبهاج ..
نطو له العيال سم يبه .
الجد،،، كيف وضع البنات
خالد،،، الحمد لله طيبين
بهاج،،، لا ابشرك ما شاء الله تعزمو وصبرو على الله
الجد،،، زين الله يجيب الخير
نطقو،،، امين
........................................................................بعدمرور اسبوع وكان الوضع كله زيارات
يوم الجمعه،،،
وبعد طلوع محمد من العنايه وباقي له كذا يوم ويطلع من المستشفى ،،،،
.....في بيت ابو مطلق .....
مطلق،،، يبه ابشرك محمد اخوي بيطلع بكره أن شاءالله
الجد،،، أن شاءالله والله يبسرنا بعد بخوك
مطلق،،، يارب .
الجد ،،،، يلا يلا يعيال وينكم الصلاه راحت
متعب،،، مشينا يبه مشينا.
مطلق،،، يلا مشينا
......... .......
عند الحريم 
كان الكل ساكت وماخذيته الهواجيس
غزيل:يمه أخذتي دواك
الجده:لا  يمه
نوره:ليش يعمه  الله يهديك
الجده:ودموع في عينها وش يسوي الدواء ودواي عافية عيالي
نوره:وش ذا الحكي ي عمه  استودعيهم الله و وان شاء الله أنهم بخير
ساره:اي ي عمه دعواتك لهم وان شاء الله أنهم بيقومون بسلامه
»نرجع عند العيال الي كانو في المسجد»
خلصوا صلاه الجمعه والخطبه
الجد،،، توكلنا على الله يعيالي
مطلق،،،، توكلنا يبه
وهم طالعين من المسجد اتصال يجي لبهاج من المستشفئ
تجاهله بهاج عشان جده موجود ولايبي يرد ميدري وش الخبر زين أو شين
بهاج،،، بتصريفه لجده وعمه .. يبه انا والعيال تابعينكم وانتو اسبقونا للبيت واحنا جايينكم بس نبي من البقاله اغراظ وشوي واحنا عندكم.. كان متلعثم في الكلام ميدري ليس اهو توتر فجاه
مطلق ،،، يولد وش من بقاله فاتحه لكم الحين
بهاج،،،، معليك يعمي في واحد خويي وعادي بيفتح لي ....
مطلق ،،،، أجل لا تتاخرون علينا والغداء اكيد جاهز وانا عمك
بهاج،،، ابشر ولا يهمك
الجد،،، لا تتاخرون هاه
ابشر ابشر يبه
سبقوهم الجد ومطلق للبيت...
الجد،،، الله يهديهم وش من بقاله فاتحه هلحين .
مطلق،،،، والله مدري يبه
وكملو طريقهم للبيت
....عند العيال....
متعب،،، وشو يبهاج انت صادق بسالفة البقاله
بهاج،،،، لا والله بس مافي حل الا اقول لهم كذا
خالد،،،، أجل وش السالفة
بهاج،،،، جاني اتصال من المستشفى ولا ابي ارد وجدي موجود مدري وش جاني مقدرت ارد وجدي موجود
سعود ،،،،، أجل وش الحين بتنتظر لين يتصل عليك الدكتور ولا كيف؟!
بهاج،،، لا الحين اتصل عليهم انا ...اتصل بهاج ..
.... الدكتور ،،، هلا..
بهاج،،،السلام عليكم
- عليكم السلام
-انا كنت مشغول وقت اتصالك قبل شوي
-معذور يخوي انا كنت ببلغكم ب ب ااا وسكت الدكتور شووي
-تبلغنا بوش عسئ مشر
- عمك عبد الرحمن انتقل إلى رحمة الله...
.....كان بهاج فاتح سبيكر( الجوال ).....
- عظم الله اجركم الله يرحمه
كانت ملامح بهاج وخالد كلها تعبر عن الصدمه الي جاتهم مقدر بهاج يكمل ويرد على الدكتور طاح الجوال من يده
وبدأ يناضر خالد ودموعه تنزل على خده
خالد،،،، وش يقول ذااا وش يقول
متعب ،، خالد استهدي بالله يخالد
....ولا اوصف لكم قوت الصرخه الي صرخها خالد ...
تجمعو العيال كلهم صارو يبكون ويهدون خالد
خالد،،، لاااااااااالااااااا ليشششش ييبببهه
متعب،،، خالد خالد استهدي بالله يخالد انت وراك ام واخ واخت الحين انت سندهم وقوتهم بعد الله لا تكسرهم كذا ترا ميصلح الي انت مسويه الحين
خالد،،،، وانا من بيكون سندي الحين وهو خلاني
بهاج،،، وهو يضمه ويطبطب على ظهره والله انا سندك وانا معك مهما كانت الظروف ووالله اني لك قبل لا تناديني وانا اخوك ليش ذا كله يخالد اقو وقو اهلك معك
خالد يمسح وجهه بعد متذكر أمه واخته وسعد الصغير الي يشوفه له أب
متعب،،، والله انك كفو يخالد وحنا لك واخونك في كل وقت وترا حزننا واحد والله يعمي عبد الرحمن إنه بمقام ابوي مطلق
بهاج وهو يمسح وجهه ويخفي دموعه وعيونه صارو حمرررر من كثر البكي
يلا يعيال جدي بيعصب علينا
دخلو للمجلس...
الجد ،،، نعن ابو داركم كم ساعات لكم في البقاله ذي
كلهم كانو ساكتين
تقدم لجده لين وصل لرجوله ووقف عنده
الجد،،، وش بلاك يولد
مطلق،، علامكم كذا وش فيكم
مقدر خالد يمسك دمعته  وهو يشوف جده

نزلت دموعه والغصه صارت ماليه حلقه
الجد،،،، ابو مطلق وشفيه خالد
مطلق،،، علامكم متتكلمون وش السالفة .
بهاج،،، مقدر يتكلم من الغصه الي مقطعه قلبه وذا نطق حرف واحد بدأ صياحه
خالد،،،، طاح بحضن جده يصيح ويقول ابوي ابوي يبه
الجد،،، صار يرجف وش وشفيه عبد الرحمن
مطلق،،، عبد الرحمن عبد الرحمن وش وش فيه
بهاج،،، عمي عبد الرحمن عطاكم عمره ونزل راسه وبدأ يبكي ويمسح دموعه
...عوض كان مو موجود بلبيت طلع لشغله وكان راجع ع الغداء عشان أبوه بس وهو داخل سمع بهاج وقتها وش يقول. ...
الجد،،،لا حول ولا قوه الا بالله إنا لله وإنا إليه راجعون لا حول ولا قوه الا بالله وكان يمسح وجهه ويخفي دموعه وهو ميحب يبين أنه ضعيف بس وش يسوي اليوم لازم تطيح عزومه وولده توفئ
مطلق،،، لا حول ولا قوه الا بالله وبدو يهدون خالد الي كان طايح يصيح بينهم
عوض،،، لا لا ياربي للاااااا يربي لا حول ولا قوه الا بالله وحاله كان زي حالهم كلهم
ومع الأسف كان صراخ خالد  وصل لين  لعند الحريم
....
رهيف،،، يمه يبنات والله إنه صوت خالد
ترف،،، رهيف روحي انتي وش تقولي لا مستحيل ليس يصارخ أجل
رهيف،،، مدري مدريييي .
سلمئ،،، يلا تعالو ننزل نشوف وس العلم
ونزلو الا وذيك تصيح هناك والثانيه بحقره تصيح
وجدتهم تتحسر على ولدها
رهيف وهي تشوف امها تبكي
لا يمه لالا لا يمه لا لا يييممههه لا لاااااااااالااااااا
تجي ساره ونوره يمسكونها يهدونها
نوره،،، يبنيتي قولي لا حول ولا قوه الا بالله يبنيتي
كان الكل يصيح بدون استثناء....
رهيف،،،، ييمههه فكينيييي يمههه فكينيي اااااه اااااه
ساره،،، رهيف امي انتي وين افكك وين تبين
رهيف،،،، يمه خالددد يمه تكفين فكيني
كانت تصارخ بشكل هستيري وكل شوي تزيد
وكان صراخ رهيف واصل للمجلس
وكان مقطع قولبهم كلهم
يحاول خالد يتخطا انه يسمعها لاانه والله لو يشوفها الحين يمكن اهو يموت من قهره عليها
لين بدأت رهيف تصارخ باسمه
رهيف،،، خااااالددد خاااالللددد تكفئ يخالد
فز خالد للببيه يروح خالد وعيونه وكان يمسح دموعه ويتعزم عشان لما يقابلها وأمه يكون بين لهم قوي ....