﷽
الگاتبــــــــة
" روان الشمـــري "
- قبل ماتبلشون تصويت للبارت بنجمة ضروري قلبي ⭐
- علقو بين الفقرات أريد أشوف ارأكم بكُل شيء وبحماس
- مُتابعة حساباتي مُهـم كُل شي بيهن:-
wattpad: Rawan_alshammari
Instagram: rawa. alshammr
Telegram: rawalshammr
Tik tok: r_sh.18
نبـــدأ بذكــــر الله ⚜️....
_____________
ودگت الساعة 12
ومَرني الخراب
اعمى ويشوف بصـور
تارسها التــراب
- روان الشمـري
______________
شاهيـنا
لحظات مو مفهمومة مثل الخيط من ينچر وياك وانتَ تمشي ماتعرف شنو سبب تعلقة بيك ولا تعرف شلون تتخلص منة، باوعت لروڤانا تعاين إلي بأستغراب رجعت راسي بتعب غمضت عيوني مو طايقة أسمع صوتة ولا اشوفة يمكن تكولون بالغتي برد فعلج لكن حرفيًا شي يكسر الخاطر من تحتمون بشخص وانتوا ماعدكم سند وأهل وهل شخص ينگلب عليكم ويصيير هوَّ والحياة ضدكم هيج چان شعوري
فززني من سرحاني همسان روڤانا
روڤانا : شاهينا هذا راكان خايفة اني لا يأخذج هم
شاهينا : لو هو سبع يتقرب خطوة وحگ العباس أطكة
كلتها وصارت صدك، ماحسيت غير بي وهو يقترب من السيارة نزل ابو روڤانا وكف كدامة ومادري شحجو
بعد مُدة رجع ابو روڤانا اردف بهمس
حيـدر : تعالي بوية عندة كلام وياچ
نفخت بضچر نزلت وكفت على صفحة مكتفة أيدي أتقرب مني ملامح وجهه ماتتفسر كلها معتمة وفكة يرجف، وكف كدامي أيدة بجيوبة هزيت راسي بمعنى أحجي أردف بخنگة
راكان : تردين تسافرين شاهينا
ماريدت علية بقيت ساكتة وانظر بعينة بكُل قوة أبتسمت الة
- اي ليش ماتقبل؟
- نسيتي بعدچ على ذمتي؟
- لا للاسف مانسيت
- شنو اللي تردينة شاهينا
- طلگني ورجعني من وين ماچنت
- ترجعين لأهلچ؟ وينهم ! اكو كلب منهم دك بابچ
- صح محد منهم حارب اللي بس وضاح حارب صح مجنون لكن ثبتلي هو انقى منكم كلكم، وديني الة
ظل ساكت بس لسانة يتحرك بجوّف فمة، دار وجه استغفر
- جؤؤ ماترحين
- لا تقرب مني قرفانة منك تدري
فتح عيونة بصدمة أعتقد كلامي چان مثل الايعاز اللي ضرب براسة وچان هذا الشعور حقيقي مُجرد ما اباع علية أتذكر الي صارلي كُلة وتروح زيناتة من نظري، رجعت لوعيي من عاط
- كااافيي عاااد كافييي شسويت انه شسويتت
- حشاك من الغلط
- بعدچ ماتعرفين اللي صار ليش مو ذنبي لا تصيرين ضدي مثل حُجاز شاهينا عاشرتيني كم سنة مافهمتي أطباعي ماشفتي نظراتي ماشفتي خوفي عليج هسةة؟ هسة جايتني تصيحين أذيتج هسة؟
YOU ARE READING
إحتجاز العُقول
Horrorتحذيــــر❗.. هذه الرواية ليست لذوِ العُقول الضَعيفة والأذهان المُقيدة ! إستعد لرحلة مظلمة، ستغوص في أعماق لا يصلها إلا من يجرؤ على رؤية الحقيقة من زاوية أخرى... هَل تملك الجـرأة؟ هيا إقتـرب إذن .. ...... في مكان قَلوب يعَانقها السَواد استبـاحَ يم...
