بسم اللة الرحمن الرحيم
﴿إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ ﴾.
الكاتبة : دعاء محي
الحجر الأسود
لاتنسون التصويت + التعليق بين الفقرات 🦅
متابعة حسابي 😍
أيليا : كتبتلة أوك تمام ماشي وسديت التلفون ورحت كعدت يم رونيم وترف ،
وترف رأسا انتبهت علية تحجي بصوت ناصي ماينسمع بس أني أسمعهة شتحجي علمود ماتحسس رونيم أكو شي صاير وياي كالتلي
ترف : شبيج وجهج أصفر مايكصة السيف مو على بعضج
أيليا : رديتلها ، لاهيج كلشي مابية وضلت تخزر بية وتلح وتريد تعرف شصاير وكتلها أياز يريد نلتقي باجر بالمطعم بخصوص الشغل.
ترف : ماقبلت تحجيلي ألة خزرتهة ولحيت عليهة تحجيلي ياللة حجت ، وكتلها ديربالج يمعودة لايكتلج ويطلع بعصابات المافيا وأجي والكاج مكتولة يمعودة وضلت تضحك وتستهزء بكلامي
أيليا : طبعا ترف ماينظم عليها شي كبل تلكف الشخص إذا جان ضام شي وضليت أضحك على كلامهة وكتلهة لوبس تبطلين تخيلاتج وتفكيرج مثل الأفلام أني بخير
ترف : يمعودة ياأفلام أكص أيدي أذا ماطلع وية عصابات المافيا وتعاي واجهيني وكولي أي كلامج صح ترف
أيليا : المهم ماأدري باجر أروح ويا للمطعم نتفاهم علمود الشغل وأبدي أشتغل ويا بالشركة وأروح ويا للبيت علمود أمة
ترف : ياللة أني هم أسترخص منج أيليا أكوم أروح للبيت كاعدة تتصل علية أمي كل شوية وأذا تحتاجين شي أتصلي بية
أيليا : تمام حبيبتي ، ودعت ترف وسلمت عليهة وراحت ورجعت كعدت يم رونيم .
رونيم : أيليا هذا منو الرجال إلي وصلنة ؟
أيليا : هذا إلي تبرعلج بالدم
رونيم : أهاا
أيليا : بعدني ماحجيت لرونيم كلشي ماتعرف هذا الشخص إلي تبرعلها دم شرط علية شروط ياللة تبرعلها لأن ماأعرف شنو راح تكون ردة فعلهة
رونيم : مبين محترم وأبن عالم ويعرف الاصول ماكو أحد بهل وقت يتبرع لشخص غريب ومايعرفة ولا وكل هذا يوصلنة للبيت
أيليا : التفتت عليهة وكلتلها اي صح ماكو ، وعفتهة ورحت صبيت الاكل علمود تأخذ علاجها وتنام وجبت الاكل وأني وكاعدة على الاكل أتصل بية المدير جاوبتة وبعدين مو حاجية كلمة وحدة كالي أنتي مطرودة من الشغل أيليا سد التلفون بوجهي
أويلي من تجي مصيبةلازم توكع المصايب كلهن ويجا وحدة ورة الثانية ومن العصبية رحت أخذت التلفون أريد أتصل على ترف و بالغلط واتصلت على فكيت عيوني من شفت نفسي متصلة على أياز رد رأسا علية وسديتة بوجهة شكد عيب عزة بعيني شكد صلفة هسة شيكول علية هاي شبيهة خفيفة وشمرتة على القنفة ورجع يتصل ماجاوبتة من شافني ماجاوبتة دز رسالة وانتبهت عليهة بدون ماأفوت على الرسالة كاتب
