#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.
-أني تغيرت مو بيدي مجبورة شفت گلوبهم محد هواني چنت أتمنى واحد يسأل شبيچ والله لوحدي ضليت اعاني البگلبة حچي وينام مكسور من يگعد يصير إنسان ثاني.
❐❐❐
"مـلك"
تدفق قلبي ينبض ببطئ عيوني تغوش بسبب الدموع الحال مأساوي وداخل قلبي وجع لدرجة حسيت راح أتقيئ قلبي من شدة التعب لزمت سور النافذة بقوة أتشبث بي وعيوني يدمعن بتنهيدات حزينة همست..
-شنــو ذنبهـا!
بلعت غصتي وخنگتني العبرة، بقيت أگح وأيدي على ثُغري سيسيليا بوقت تحتاج أم صارت أم بهذا العُمر الصغير والمفروض تعيشة حالها حال أي بنت طبيعية..
بَس نكتب عليها التعب، بهذا اليوم ولدت سيسيليا طفل مثل القمر صح هسة جابتة بَس أبيض دبدوب مثلها وأحس ينطيها شبة صح ما مبينة ملامحة كُلش والطفل بهيچ أيام يكون مورم بَس حسيتة نسخة من سيسيليا!
تنهدت بحزن ولزمت صدري بخوف، شلون راح يعيشون حياتهم بعد هذا اليوم هِيَّ طفلة شلون راح تگدر تربي طفل بوقت عياطها من جاي تولد حسيت شراين بقلبي تتقطع من شدة الآلم عليها..
بين تخبط أفكاري وتشوشهن وتفكيري المُستمر بسيسيليا وأبنها الرضيع صارت عيني على مُكان خلف بيتنا يبعد عنا مسافة مُظلم وفارغ مساحة كبيرة ما بيها شي وحتى ضوء ما بيها والسواد الحالك منتشر بالمُكان وحدة القمر ينير هاي البُقعة المُظلمة
رمشت أكثر من مرة أريد أعرف الجاي أشوفة حقيقة لو أوهام داشوف ثنين باللون الاسود يتحركون ما أعرف بشر لو شنو، نساء أو رجال ما مبين غير هيئة سودة تمشي بالأرض بلعت ريقي بخوف وفركت عيوني بقبضات أيدية
-ملك: شنو ديصير هناك!!
عضيت شفتي وفتحت عيوني علمود أركز وعيوني تشوف بوضوح شصار هناك بَس ما شفت شي بهل لحظة، نفتح ضوء بأيد بنية عدها أظافر طويلة ضيقت عيوني لكن جحضتهن بسرعة وأرتديت للخلف كم خطوة بصدمة من نحط الضوء على وجها سـوزان!!!!
رمشت أكثر من مرة وأضطربت أنفاسي بخوف، حسيت قلبي يدق مثل الطبول الضوء يتحرك على وجها سوزان وبعدها صار على وجها نورهان!!
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
