بسم الله الرحمن الرحيم ❗️
•
•
طلعت متوجهه للغرفه ترتبها زفرت بضيق وتوجهت تجلس مع العنود
العنود وهي تحس بشعور اختها:جود شوفي م سال عنك لاتتضايقي عشانه.واذا هو رجال ويحبك بيجي ويتزوجك غصب عنهم
جود بغصه:تكفين والله مو قادره انساه طيفه م يروح من بالي احبه كيف تبيني انساه بالسهوله هذي
العنود هزت راسها بنفي:مو بنات عبدالله اللي يضعفون ارفعي راسك وهو بيجي اذا يحبك صدق
جود بسخريه:ابوك اللي ضعفني بوقت كنت احتاجه صدق الفيد ولا صدقني م يدري يمكن لاعبين بالفيديو
العنود:مهما كان هذا ابوي الحنون بس اعماه الفيديو طيب وش شعورك اذا شفتي زياد مع وحده بالفيد اكيد بتعصبي حطي مكانك بمكان ابوي . ابوي يدور اي شي يسعدنا شفتي نظراته لك وقت جيتي سلمتي عليهم ابعدتي ٤ اشهر م جيتي فقدناك صح وهو اللي من وجهه باين انه ندمان شوفي وقت قالوا جت جود فز وكانك لك سنين عنه بس مثل البرود قدامك عشان م تشوفي شوقه وندمه والان بقول لك روحي لهم واجلسي وسولفي وانسي كل شي وهذي ملاحظه مني لك مهما تحبينه وهو يحبك حب صادق بيجي يوم من الايام ويخطبك غصب عن الكل ودام م جا ولا خطبك اعرفي انه لعب عليك مو حب فيك حب تسليه بس ويلا تعالي نطلع معهم اكيد فقدونا..
طلعت العنود تجلس معهم وتفكر بجود
عند جود اللي تفكر بكلام العنود معقول م يحبها نفت كل الافكار من راسها وتوجهت تجلس عندهم
زيدان ابتسم من شافهم كلهم حوله:عقاب
عقاب:سم
زيدان:دام م عندكم شي بالمدينه شرايكم تجون تسكنون هنا
عقاب حك موخره راسه:الشور شور جدتي
التفت زيدان ل سلمى:هاه ي ام نواف وش شورك
سلمى:نور دكتوره بالمدينه كيف بجي عنهم
زيدان هز راسه:شوفي سلطان دكتور ويجي وقت م عند قاطعته
نور اللي توها داخله:انا قدمت استقالتي
وسعت عيونها سلمى:ليش يابنتي
نور زفرت تجلس:في احد بس يقدم علي شكاوي عند المدير وفصلوني وقلت خلاص بصير بالبيت
سلمى هزت راسها بحسره:دام كذا ي بنتي شرايكم نستقر هنا
وجهه نظره عقاب ل شهد اللي ع الجوال زفر يصد يلتفت لهم يسولفون
سلمى ابتسمت:دامكم كلكم موافقين بنستقر هنا
زيدان يقاطعها:وبتسكنون هنا البيت وسيع وبه غرف فاضيه م بها احد
سلمى هزت راسها بنفي:لا قاطعها زيدان
بلزوم:انا قلت كلمتي تكسري كلمتي
سلمى:م عاش من يكسرها بس م نبي نثقل عليكم
زيدان:مابه شي ثقيل انتم بحسبه احفادي نفسهم نفسكم
هزت راسها سلمى:زين بكره جيبوا كل الاغراض بالبيت
هزووا روووسهم العيال بتفهم
زيدان التفت لاحفاده:وانتم عاونوهم
سعود:ابشر
زيدان بنص عين:اشوفك م تشتغل
سعود ابتسم بورطه:لام عليك انا اول واحد عندهم اساعدهم
زيدان:اشوف بكرا
سعود:لا م عليك بتشوفني بكرا معهم
احمد هز راسه:كانك مو متزوج وش عقل الاطفال هذا
سعود شرق بالشاي:يبه وش تقول
احمد:قوموا ع النوم يلا
توجهوا الكل ينام بالغرفه
عند جود ولحن اللي جالسات
جود بحزن وبغصه وهي تفكر بكلام العنود
"كذاب م حبني حب يتسلى بي
وانا على نيتي صدقت وحبيته
