اختلفت بنا الاصوات وجمعتنا الاقدار

بارت3

ابو جابر:ولقيتها في الكمرات بعد؟
منصور يضحك:اي اساسا يوم شفتها عرفت انها هي وقعدت اضحك ماتوقعت هي تسوي كذا والي عندي مقهور بشكل توقعت الي نرفزته ادميه غير بس يوم الكمرات الا اشوف بنت صغيره وملامحها بريئه وشفت كيف تكلمت معه ضحكت
جنى تدق ابوها:مين ذا وش صاير وكمرات وش
ابو جابر:ابو الادمي الي صدمتيه قبل شافك وعرف انك بنتنا وجاي مره وحده يسولف
جنى:طيب وش دخلني
ابو جابر:ابد صدمتي ولده
جنى تكتف يدينها وتطالع ابوها:هو الي صدمني مو انا الي صدمته
منصور:اي في النهايه ولدي الي غلط بس جيت اقول شكرا انك ماوصلتي الي صار لي الشرطه وتصير بعدين سالفه لان في الاخير ولدي عصب عليها واعرف اذا عصب مايشوف احد شيء ويضرب بس هي قالت وش بتضرب ترا فيه كمرات ورح تخرب سمعتك مع انها ماتعرفه بس نصحته عشان السمعه وجاي اشكر تربيتك لو غيرها دقت على الشرطه وسوت حال
ابو جابر يطالع في جنى بأستغراب وجنى تطالع وتبي مدح من ابوها:بنتي سوت كذا؟
منصور بأستغراب:اي ليه
ابو جابر:ابد بس مستغرب اعرف اذا صار موقف كذا رح تفصل على الادمي بس ماتوقعت ذا
جنى:شفت لازم تظن خير فيني الله يهديك
منصور:المهم اذا بغيتي اساعدك في شيء شغل اتصلوا بساعدكم اذا بغيتو والحين بروح يعطيك العافيه على استقبالي
ابو جابر:ابد يعطيك العافيه بس اجلس تقهوى
منصور: يعافيك وعندي شغل والله ونلتقي في اوقات احلى ان شاءالله
ابو جابر:ان شاءالله
عند الحريم:
عذاري:وش تتوقعون سوت
همس:مصيبه بس وش ماندري
ريتال:الحين تجيك ولا كان صار شيء بلهاء
عذاري:بس مره تأخرت اخاف اكلتها صدق
همس:ماتوقع خالي مارح يسوي لها شيء ذي المدلعه حقته
ريتال:اي يعطيها كلام يأنب الضمير وهي لا احساس ولا ضمير
جنى مبسوطه:بناتت شوفوا وش جبت لكممم
همس وعذاري:ماصار لك شيء!!!
جنى:ليه يصير شيء
عذاري:وخالي ليه ناداك؟؟
جنى:يحسب اني سويت مصيبه وطلعت ماسويت شيء وذي رضاوه
ريتال:دام ماصار شيء عطيني القهوه والحلا يلا من اليوم نفسي فيه
وهم يتقهون همس وعذاري يطالعون جنى بحده يبونها تنتبه عشان تهرج وش صار وهي مهي حولهم
ريتال:الله يسد نفسكم خلو الادميه وأساسا مهب حولكم ابد مفهيه ماتدري وش تبون ترا
جنى:وش فيه؟
ريتال:شفتم مهب حولكم مرره
همس:اقول اسكتي الحين ياجنى ماصار شيء؟
جنى تاكل:ممم لوء ماصار شيء
عذاري:ولاشيء؟؟؟
جنى:امم اي ولاشيء
لينا:اشبكم عليها دامه مافي شيء وجابت قهوه الأمور في السليم
ريتال:صدق انتم الي تدورون حرش
جنى:مدري وش السالفه بس صادقين
لينا:كملي كلي بالله ولاتدرين عن السالفه
همس:ابي اعرف كيف انتم الثنتين باردات كذا مايجيكم فضول وش صار
لينا:والله ياقلبي احنا مو ملاقيف زيكم
في شركه منصور:
يتلقى سطام مكالمات شركات الشحن والمكالمات الاخر مثل العاده لأن والده يعتمد عليه في الكثير من الأمور في الشركه
يطرق الباب:
سطام:ادخل
الموضف(خالد):سيد سلطان رح يكون عندك اجتماع بعد 10دقائق
سطام بأنفعال:كيف فيه اجتماع ومحد قلي!!!
الموضف:الاجتماع صار مفاجئ والرئيس منصور اتصل علينا وقال خلي سطام يروح بداله لأنه مشغول وامكن يتأخر
سطام:وليه ما قال عبدالعزيز انا الحين مشغول!
الموضف(خالد):الاستاذ عبدالعزيز في الشغل الاساسي حقه ومحد فيه غيرك
سطام:ومين الي جاي؟؟
خالد:الشركه المنافسه
سطام:وليه؟
خالد:ماحددو السبب بس يبون يجتمعون معكم
سطام:طيب جهز غرفه الاجتماعات وابيها تكون زينه مو زي الأسبوع الي فات مفهوم؟!
خالد:تمام شيء ثاني؟
سطام:والقهوه بعد
خالد:طيب
يدق جوال سطام:هلا؟
عبدالعزيز:بدأ الاجتماع؟
سطام:لا تقريبا بيقي ٩ او ٨ دقايق
عبدالعزيز:اهم شيء انتبه هم المنافسين غلط واحد نروح فيها
سطام:ادري ادري بس ابوي وين غريبه مو في الشركه؟
عبدالعزيز:سمعت انه راح عند ابو جابر الي امس
سطام:وليه؟
عبدالعزيز:مدري عنه
سطام يبتسم:وش صار على العمليه ان شاءالله ناجحه يادكتورنا؟
عبدالعزيز:الحمدلله نجحت وأهل المريض مبسوطين ويقولون اشكرك
سطام:ابد ماسويت انا شيء
عبدالعزيز:كيف ماسويت وانت الي حققت على قضيتهم يامحققنا
سطام:عاد المحقق ذا بدل مايكون في شغله صار موضف عند ابوه ومن اول يدقون يبون اجي
عبدالعزيز:المفروض ابوي يخلي وليد يجي بدالك دام عندك شغل
سطام:انت تعرف وليد متهور من صفقه وحده تفلس الشركه تبيه يقعد محلي لا بالله خليني انا افضل الين يعقل وليد ويفهم
عبدالعزيز:امل تعقل ولا يعقل وليد
خالد:بقي ثلاث دقائق على الاجتماع سيد سطام
سطام:عاد اخليك الحين وراي اجتماع
عبدالعزيز:تمام بالتوفيق
غرفه الاجتماعات:
سطام:الشركه المنافسه والي بيجي اسمه احمد
خالد:اي بس انتبه تراه شخص مستفز لا تفلت اعصابك فجأه
سطام بحده:ومين قال ان اعصابي تفلت فجأه؟
خالد ياخذ الاوراق:ابد البنت الي استفزتك وبغيت تنفلت عليها
سطام بعصبيه:ومين قالل اني انفلت!
خالد:جو انتبه بس
سطام في نفسه:ينرفز كيف بارد اتكلم ولا يجاوب خير بس هين ياخالدوه
بعد خمس دقايق:
احمد:جينا نبي نقايض
سطام رفع حاجبه:مقايضه؟..على وش
احمد يتكي على الكرسي ويبتسم:اي نبي ناخذ احد الموضفين بمقابل الي تبونه
سطام بحده:وش شايف الموضفين سلع؟!
احمد يبتسم:محد قال إنهم سلع غيرك ماتكلمنا
سطام:ونفترض اني وافقت مين تبون؟
احمد:نبي الاستاذ خالد
سطام بحده:اعترض وماني موافق تماما
احمد:انا جاي مو عشان استشيرك انا جاي استشير الاستاذ خالد ومديره ان قبل العرض استاذ خالد يكون وقتها نعطيكم الي تبونه ف وش رايك يا استاذ خالد
سطام يضرب الطاوله:قلت لا يعني لا ماتفهم وأساسا خالد مو موافق تفهم وشركتنا تتعذرك يا احمد
احمد يوقف ويعطي خالد بطاقه ويبتسم:ذي بطاقه عملي وفيها رقمي إذا وافقت اتصل علي يلا مع السلامه
سطام:لايكون بتوافق هاه؟؟
خالد يحط الورقه في جيبه ويمشي:ماني رايح لهم ارتاح
يدخل منصور في المكتب:هاه وش صار وش يبون؟
سطام:تخيل انهم يبون موضف من عندنا ويعطونا اي شيء نباه وغير كذا يبون خالد!!!
منصور:خيرر الناس يتحالفون يسون صفقات وذا يبي ياخذ من عندنا موضفين كأنه يشتري شيء من البقاله!
سطام:شايفف واعطى خالد بطاقته
منصور:ولا يكون خالد بيروح!
سطام:مدري بس يقول مانه رايح بس عاد امسكه زين
منصور يضحك:مره وحده اربطه في عامود الشركه
سطام يضحك:ايي يحرسها مره وحده ههههههههههههههه
عند البنات:
همس:جنى دوبي اتذكر
جنى قاعده على الجوال:وش تبين؟
همس:مو اذكر قبل قدمتي على كم وضيفه صح؟
جنى:اي ليه
همس:وش الي قدمتي عليها
جنى:قدمت على طب وتمريض وعلى ما أذكر قبل خمس اشهر قدمت في الشرطه
همس:في الشرطه؟
جنى:اي قلت اجرب حظي
همس:وما انقبلتي؟
جنى:امس ارسلوا لي ويبوني اجيهم عشان يجربوني ويشوفون ادائي
همس:وليه مارحتي!!!
عذاري:ايي كانت ذي أمنيتك
جنى:لازم اعرف استخدم السلاح وسواقتي بعد
عذاري:وليه السواقه؟
جنى:أمكن يخلوني اطارد على قولهم المجرمين
همس:ذي افلام الشرطه مو هنا ياقلبي
جنى:اي استغربت بس يقولون احيانا ينحاشون بالسيارات ولازم يلحقونهم وزي كذا
همس:سواقه طيب انتي فالحه فيها بس كيف مسدس؟؟
جنى:في مكان حق الرمايه والقنص اروح اشوف كيف ثقل المسدس وكيف اصوب وان قدرت لها وفلحت وقتها انقبل واصير ابدا اتدرب لي المسدس اكثر واكثر
عذاري:اجل يلا تم كلنا نروح مره وحده نتسلى وانتي تدربين
جنى:مدري يابنت فكرت ابطل اروح واستني التمريض انقبل ولا لا
عذاري:خيرر ليه؟!!
همس:صدق ليه تراك تعبتي و اخذتي شهادات كثيره والحين يوم جيتي تنقبلين بطلتي خير!
جنى:لاني ابي طب بس اما الشرطه وكذا حطيتها طقطقه بس
همس:لحول بلهاء انتي؟؟؟
جنى:اي مو شغلك
تدخل ام جابر:بنات بتروحون معنا؟؟
همس:وين؟
ام جابر:ام عبدالعزيز عندها عزيمه وعازمتنا
جنى تطالع في عذاري:ماني رايحه
البنات:خيررر
جنى:بعد الي صار نووو
ام جابر:انتي اول وحده تمشين بس
جنى:لييه
ام جابر:بس كذا مزاجي
همس:كفوو خالتو
ام جابر:ونروح بسيارتين البنات معك وخواتي مع جابر
جنى:نلبس فساتين؟؟
ام جابر:اكيد ناس اول مره ندخل بيتهم
جنى:ياوك يارب ماشوف وجهه النحس صدق
ام جابر:والله الي يجيب النحس انتي بس امشي
*بعد ماتجهزو ووصلوا الخالات بيتهم*
ام عبدالعزيز:ياهلا ياهلا تو مانور البيت
ام جابر تبتسم وتسلم:بنورك ياقلبي
ام عبدالعزيز:وين جنى والبنات؟
ام جابر:مع جنى جاين بالسياره بس خلي احد عند الباب لايضيعون
ام عبدالعزيز:بقول لي سطام
يتبع"
"نلقاكم في بارت اخر اعزائي"
                                                        الانستا:
"Java.1ll"