كابوس العشائر

بارت 37

                    بسمٌ اَْلّلّهً اَْلّرحًمٌنَ اَْلّرحًيِمٌ

                   اَْلّگٍاَْتٍبهً هًيِاَْمٌ حًسيِنَ ★★

   
                  روايتي _كابوس العشائر

                         <' أحلام  '>

لازم أنفذ البالي لو بقيت ساكته انفضح وراح يذبحوني وأطلع أني الغلطانه. مو خضر

هزيت براسي لشذرة ماعرفت شگلهه وطلعت من يمهه وين أروح لازم أحد يساعدني ماگدر أخطي هيج خطوه بوحدي

مشت أيام وخضر مستمر بتهديداته اليه وتفاجأت بيوم گاعدين العصر وأجه وظاح

وظاح : بسرعه ماي وحضرن جاي وين عمي سمير

خاجيه.  : خير يمه شصابك وهيج تركض

وظاح. : لاماكو شي بس عتاب أبن خنجر جايب مشيه كلش جبيره وجاي

أحلام.  : يحجي ونضراته عليه كلهه شك فرحت بداخلي أكو أحد يحبني ومستقتل عليه جاي يسوي المستحيل حته أصير مرته بس شلفايده أكو هواي عراقيل بدربنه أولهه سالفتي والثاني أبوي وأعمامي ماراضين ومحد يعرف ليش

خاجيه. : عمك سمير طلع للكاع يشوف الزرع

وظاح. : خلي عباس يروح يصيحله رايح أضيف العالم حضرو الجاي

- حظرت الجاي وكثرت الستكايت أكيد هواي

دخل أبوي أول ماسمع بجيتهم  تعصب وخزرني أني ختلت وره أمي

سمير. : شعنده هلفرخ هاذه كل يومين وثاني وجايبنه ذيج الزلم ومحول عدنه شدگول علينه العالم هسا هاا أكو غير يكوولون رايد البت وكليوم مشيه جايب

خاجيه. : عله كيفك ويه روحك هسا الولد شبي ورافضينه وأمه وأبوه خوش أوادم وهمه أهلنه بعد

سمير. : أسكتي أنتي مالج غرض أحلام بويه تعااي وراي للغرفه

أحلام:  رغم أني ماعندي شي ويه عتااب بس من الخوف لزمتني رجفه وگلبي أحسه يدگ بطني هوه هاي أني خوافه من گلشي. نوب أبوي يشك بيه ومنا ضغط خضر ونضرات تشرينه راح أتخبل وأهج بختهم كلهم

سمير. : بويه أحلام أنتي رايده عتاب ليش يتردد علينه وهلشهر ثلث مشايت جاب وگبله مره شدكول علينه الوادم بويه أكو غير يكولون عاشگ بتهم ومايطونه. اله ويجيب مشيات علينه

أحلام. : بويه هوه أني ماريده مو ماريده خوش ولد راضيهه بي أي بويه أريده

سمير. : شنهي ولج بكل عين صلفه دگولينه شلوون تحجين هيج وياي يعني عدكم شي أااااحلام أطم عااررج أذبحج ومايرفلي جفن عليج

أحلام. : بويه وروح الحسين ماعندي شي ويا تربايتك أني ماسوي الموزينه بس دام هوه شاريني وهيج يريد بس يناسبكم أني راضيه بي وهوه خوش ولد وأهله زينين.