شَجَن

جَرَاءَة

هلا حبايييييبي.

ملاحظه : عشان طولت بالغيبه عن همام و شجن قررت اغير طريقة التنزيل مؤقتا بيصير بارت لـ شجن و بارت لـ همام اذا اعجبني النظام بكمل عليه ما اعجبني برجع للقديم،
للحين ما اشتريت جوال بس حاليا في جوال بقدر اكتب عليه انتوا بس بيضوا وجهي بالتفاعل عشان يرجع لي الحماس و الشغف بالكتابه،

الشروط : ( ٧٠٠٠ كومنت و ٧٠٠ فوت )

أحبكم😘😘😘😘
.
.
.
.
.

مهند صف سيارته بعيد عن الفيلا ورفع جواله يتصل ع ملاذ للمرة الثالثه من وقت صحى و هو يتصل عليه بس ملاذ ما كان يرد بأول اتصال وثاني اتصال كان جواله طافي و الحين يرجع يتصل احتمال فتح جواله، المفروض يروحون مع بعض لشقه يقضون اليوم مع بعض زي ما اتفقوا بس ما قدر يتواصل معاه ع الجوال قرر يجيه ع الفيلا،
بقى واقف فتره ينتظره يطلع او يفتح جواله بس لما فقد الأمل حرك سيارته لقدام الفيلا و اشار ع السيكورتي اللي صار متدرب بمقر المصارعه و اللي تقدم منه بخطوات مستعجله ينحني بجسمه قدام شباك السيارة و مهند نزل القزاز،.

"هلا خوي،"
_نطق السيكورتي بإبتسامه خفيفه ماسك الشباك بكفه،

"هلا..... الاستاذ موجود،"
_نطق مهند بنبرة جاده شويه بسبب مزاجه الخربان من الصبح بسبب ملاذ،

"مدري دقيقه اسأل الشباب،"
_نطق السيكورتي بنبرة هاديه و استقام بطوله يبتعد و مهند يراقبه مجعد ملامحه و شاف نظرات اللي معاه و هم يلتفتون عليه لحظات ورجع السيكورتي يتقدم منه،

"ايه موجود من أمس،"
_نطق السيكورتي بنبرة هاديه و مهند ضغط ع فكه،

"طيب ممكن تقله آسير ينتظرك برا... اتصلت عليه و جواله طافي،"
_نطق مهند يتصنع الهدوء و السيكورتي رفع حاجبه من الإسم لانه اللي يعرفه اسمه مهند، بس ما علق لانه ماله علاقه بإسمه،
هز راسه ورجع يبتعد عنه و شافه دخل للفيلا،
مهند ضغط ع الدركسون و إلتفت يناظر قدامه منتبه لهمسات السيكورتي و هم يراقبونه،

نزل بصره لجواله ورجع يتصل ع ملاذ و للحين يعطيه الجوال طافي كان يحاول يلاقي له عذر يمكن ابوه نشب له او يمكن للحين نايم أو خلص شحن جواله بدون ما ينتبه،
فجأة تذكر الموقف اللي صار أمس وهو يكلمه فيديو كول كشر ملامحه مو مصدق أنه احتمال تجاهل ملاذ بسبب اللي صار،
قطع أفكاره صوت السيكورتي اللي رجع ينحني ماسك الشباك،

"الاستاذ يقول أنه مشغول الحين بس يفضى بيتصل عليك،"
_عقد مهند حواجبه بس سمع كلامه و تغيرت ملامحه للحده بشكل واضح بدون كتم او تصنع،.