اختبال طاهر

طاهر:-23

#اختبال طاهر

للكاتبة:- شهد الامين | جوانا

صوتوا للبارت قلبي و فرحوني كلش احب تفاعلكم ♥️🤏

___

سيـليـن :-

مرت ايام و ليالي من العمر ما تنسي او بـ اختصار كل عمرنا ما راح انسى الي عشته بحياتي

لا تهنيت بطفولتي و لا تهنيت بزواجي
و لا بخـوتي و شفت درب العمر مليان ذيابة

حتى بهلي ما تهنيت بيهم
دموعي تنزل بعد ما مرت ثلاث ايام بالضبط و احنه عقل ما ضل براسنه
طاهر من بعد مراسلتي وياه وراه ساعات فورا اجه للعراق و الولد رزلوني لان حجيته

بس صارت بعد طاهر ثلاث ايام ما داخل للبيت من بعد ما اجه من روسيا و طلع
ثلاث ايام لا راجع للبيت و لا نايم

هو و خالد و فاهر و المتعب اربعتهم طالعين و لا راجعين للبيت ابسل ما راح وياهم بقى يمنا لان عمي مسلم صارت عنده سفره خارج العراق .

كاعده بالحديقة لازمة كلادة الذهب ليرة مال امي و خلاله بالزنجيل المفتاح حتى لا يضيع ما اعرف شنو قصه هالمفتاح ابد

كعدت بصفي عفاف وهي تنهد و تفور
-عفاف:شبيج عمة

-يا عمة سيلين اختج فاقده عقلها تعرفين شنو فاقده نص عقلها يعني هسه اذا يحرگها راح تكيف مو تخاف

-اخخخ يا عمة لا توجعين گلبي ما انسى من خابرني المتعب يبجي و ينوح بنص المستشفى يكلي الدكتور يكول اختي فاقده نص عقلها

ربتت عمتي على فخدي
-الله يقوي اخوج والله هالولد كاسر ظهري واني افكر بي انحرم من شبابه و قضى سبع سنين بالغرفه لا طلعه لا ونسه لا شي انحرم من كلشي

-ليش و احنه شنو

-غير شكل يمه هذا زلمه وين اكو زلمه ينحبس سبع سنين بسرداب وين فهميني اكو انسان صاحي يبقى هلكد مو مثلنا احنه النسوان يختلف يمه هالشي

سكتت و ما عرفت شسوي نزلت دموعي من تذكرت مصطفى ابني باوعتلي بقهر
همست
-ابني هم انحرم من كلشي

شهگت شهگة شگت روحي
حضنت ايدي حيل ما اريد اتذكرة
اخاف اتذكرة تذكرته تاذيني

لزمت خدي عفاف و عيونها مدمعه
-اختبار الج بنيتي هذا صدكيني كله اختبار وكعتوا بقدر رافد والله راح يجي العوض راح ترتاحين و تنسين الماضي