هذا حيصير بالعامي :)
عقب م اوتعى تشانيول من النوم قام يفكر ف حجي يورا..سمعها مو م سمعها..وقام يفكر ف اللي قالته عن الحرب..ف قام يقول ف داخله اييي اكيد نونا تمزح وماهي ماخذة الحرب بجدية..الحين هي يورا نونا طفلتي مستحيل تسويها..وقام غسل ويهه وجديها وطلع من الحجرة رايح المطبخ ف جافها تطالعه بخزرة..م اهتم وراح يشرب ماي..ويوم طلع من المطبخ راح قال لأمه:
تشانيول:اووماا..انا بروح بيت رفيقي اوكيه؟!
ف قالت ليه يورا:
يورا:ودني وياك..
طالعها باستغراب..بعدين تذكر انه ماقال اسم رفيقه!!
تشانيول:بروح بيت كاي..اليوم مسوين يمعه ربع ويبيني اجوف جمن واحد..خبري ابش ما تتوالمين وياه..
يورا:كاي يعني..خير..
ركب تشانيول يبدل وهيه طلعت تلفونها واتصلت لأحد..ومارد عليها اللي اتصلت له..ف اتصلت من جديد..وف المرة الثانيه قريب يصك الخط رد..
يورا:اوه يونغ ريم ليش ماتردين؟!
يونغ ريم:اوني مشغوله لقمة راسي..
يورا:حقويه؟!
يونغ ريم:جونغ إن صاد ربعه القدم ويمعهم..ف تعرفين لازم نعدل البيت وجدي ونطبخ..
يورا:اييي..على عمري..انزين شبقول..لين خلصت عفستكم تعالي..
يونغ ريم:ماقدر..عندي موعد اليوم..
خنفست يورا وقامت تتحرطم:
يورا:من صدقكم انتين وحبيبش؟!
يونغ ريم:اي من صدقنا..ليش م تحصلين لش واحد وتفكين عمرش؟!
يورا:افف من وين؟!يوم حصلت واحد قامت الوقعه!!تشانيول بعد يبيه!!
يونغ ريم:اي نسييت..تشانيول نفس كاي..تدرين كاي يواعد له؟!
يورا:حللفي؟!وييع..اخوش مادري حقويه ما اتوالم وياه اني..من الله..
يونغ ريم:افف سكتي..قصتهم عجبه..المشكله انش كفو تفكرين ف شي قدام اللي يحبه!!يسمع ف وش تفكرين!!
يورا سيدة تذكرت يوم يروحون بيت دي او وشلون سمع تشانيول وهو يفكر ف قالت بصوت رفيع:
يورا:دي او؟؟؟!
يونغ ريم:اي..شدراش؟!
يورا:اعرفه..المهم..هذا يشتغل وي الي نبيه اني وتشانيول ف نفس المكان!!
يونغ ريم:حلففففي..
يورا:صدقيني..المهم الحين تشانيول بيي بيتكم..
قاطعتها يونغ ريم بصراخ:
يونغ ريم:يالهبله يالنحيسه يالزفته انتين جدي قاعده تعطين اخوش فرصه يتقرب منه بالمجان..هو وكاي ربع!!!لا ترضين تخلينه ايي البيت!!نصيحه!!
يورا:ليش توش تتحجين يالبقرة!!!
صكته ف ويهها يوم جافت تشانيول بيطلع من البيت ف راحت تعلقت فيه وقالت له:
يورا:تشاننن عاااااد..ودني ودني ودني..
استغرب تشانيول من الوضع..من شوي تخزر ومادري جيف تعامله والحين تتوسل فيه وتترجى؟!
تشانيول:نونا..م اقدر اييبش وياي..اصلا تدرين ان هذا بيت كاي..وكلنا بنصير صبيان..وين تقعدين؟!
يورا:بقعد وي يونغ ريم..
تشانيول:تهرين على من نونا؟!يونغ ريم عندها موعد..
بهت ويهها وقالت له بغباء:
يورا:شدراك؟!
تشانيول:كاي قال..
ف قامت قعدت ع الأرض صوب رجايله وتجتفت وحرنت:
يورا:ماااااني..الا تاخذني وياك..يعني ي الشغل ي البيت؟!مدمورة ف البيت؟!
تشانيول:عندش سيارتش..وما اتوقع امي بتقولش لا حتى لو قلتين لها بروح للهان..
يورا:عاااااااد تشان..يرضيك طفلتك الصغيرة تترجاك جديها؟!
تنهد بقوة وقام يطالعها بنظرات ويفكر..بعدين قال باستسلام:
تشانيول:قومي بدلي..بتروحين بتركسوت؟!
شقت الحلق وركضت لحجرتها تبدل بينما ابتسم تشانيول ف مخه وهمس لروحه:
تشانيول:اسف نونا..وايد تأخرتين..
وطلع من البيت وركب السياره ومشى عنها..باختصار؟!سوى فيها حركه نذاله..
____________________________
تمللت واني اكتب عامي :)
اني م احب اكتب عامي ترى..بس علشان هالجم بنية قالوا يبون :)
المهم ان البارت اللي بالفصحى بيكون اطول وااايد من هذا ونفس الأحداث في البدايه لكن احتمال بعض الجمل تتغير..
الزبدة..اتمنى م تسحبون عليه لأنه عامي بس وانتظروني بالفصحى :)
![](https://img.wattpad.com/cover/43156724-288-k239619.jpg)
KAMU SEDANG MEMBACA
كعب عال لو سمحت؟!
Fiksi Penggemarبدأ الأمر بشراء حذاء ذو كعب عال.. ولكن يبدو ان آل بارك لن يمرروا الأمر بسلام.. قد تقوم حرب شعواء بينهم.. فما السبب؟!