The Thoughts Of You

Chapter 5.2

"May nahanap ka na ba?" Bulong ni Venice kay Dale Andrew ng mapagsolo sila. Laking pasasalamat niya ng tantanan siya ng mga magulang ng kaibigan kaya nang makakuha siya ng pagkakataon para makausap si Dale Andrew ay hindi na niya pinalampas.

"Venice, ang hirap ng pinapagawa mo. Puwede bang humingi ka na lang sa akin ng kahit na anong pabor dahil walang matinong babae ang papayag sa gusto mong arrangement." Nagpapaunawang turan ni Dale Andrew.

Wala silang kaalam alam na di kalayuan ay pinagmamasdan sila ni Issha. Nang ikwento sa kanya ng kanyang kuya Xin ang nangyari sa hospital ay doon na nagsimulang nabuhay ang pagkainis nito kay Venice kahit hindi pa niya personal na nakikilala. Ngayong nakilala na niya ito ay lalo siyang naiinis dito lalo na at nakikita niyang masyado itong close kay Dale Andrew. Parang hindi niya kayang tanggapin ang isang iresponsableng doktor na gaya ni Venice Almonte ay mapapabilang sa pamilya nila.

"Kuya Andrew, I have something to consult to you." Malambing na nilapitan ni Issha ang pinsan, hindi man lang niya tinapunan ng sulyap si Venice.

"It's about business at gusto ko sana na tayong dalawa lang." Binigyan niya ng diin ang huling salitang binitawan.

Agad namang naunawaan ni Venice ang gustong mangyari ni Issha. "Dale Andrew, I'll go ahead, pakisabi na lang kina tito at tita." Paalam ni Venice.

"Venice, it's too early halos kadarating mo lang." Protesta ni Andrew.

"Kailangan kong dumaan sa hospital may mga aasikasuhin pa ako." Naiilang din si Venice ay mapanuring tingin ni Issha. Nagiging palaisipan sa kanya kung bakit ganito ang pakikitungo sa kanya ng dalaga.

Pagak ang pinakawalang tawa ni Andrew. "You should enjoy your life. Lagi ka na lang nssa hospital, sige ikaw rin baka paggising mo isang umaga ay matanda ka na."

Nagkibit balikat na lang si Venice bago nito binalingan ang supladang pinsan ni Andrew. "Issha, mauna na ako." Tipid na nginitian niya ito.

Nang makalayo si Venice ay agad na hinarap ni Issha ang pinsan. "Kuya, nililigawan mo ba si Dra. Almonte?" Halata sa tinig niya ang pagkadisgusto kay Venice.

Hindi pinansin ni Andrew ang tanong ng pinsan bagkus ay kinompronta niya ito base sa mga naobserbahan niya. "Alam mo kanina ko pa napapansin na parang naiinis ka kay Venice. May nagawa bang kasalanan sa'yo yung tao?"

"I just don't like her." Prangkang tugon ni Issha.

Napapailing na lang si Andrew. Minsan talaga ay lumalabas ang pagkamaldita ng pinsan.

------------

Nang makarating si Venice sa hospital ay nasalubong niya si Dra. Rosbago, mukhang pauwi na ito.

"Dra. Almonte, ilang araw din tayong hindi nagkita." Nakangiti nitong bati kay Venice. Tumingin muna ito sa paligid para siguruhin na walang makakarinig sa kanila. "Anong nangyari nung isang araw?" Halos pabulong na tanong ng matandang doktor.

Napakunot ang noo ni Venice. "What do you mean?"

"Ang mabuti pa sa cafeteria tayo mag-usap." Sabay hila ni Dra. Rosbago sa kanang kamay ni Venice.

"Kumusta ang napag-usapan ninyo ni Mrs. Morel?" Curious na tanong ng may edad na doktor.

"Nagagalit siya sa akin, katulad ng asawa niya ako rin ang sinisisi niya sa pagkawala ng anak nila." Malungkot na tugon ni Venice.

"Ang hirap nilang makaintindi o talagang ayaw lang nilang intindihan ang sitwasyon." Nakasimangot na turan ni Dra. Rosbago.

"We'll just understand her, sa tingin ko matagal na nilang gustong magkaanak kaya lang talagang nahihirapan siya lalo na sa edad niya." Sa kabila ng lahat ay pilit pa ring inuunawa ni Venice ang nararamdaman ng mag-asawa kaya lamang itong si Mr. Dela Vega ay ginigipit siya ng husto.

"Ang sabihin mo naghahanap lang sila ng taong pagbubuntunan nila ng sisi at nagkataon naman ikaw ang nandiyan. Kung alam ko lang na ganito ang mangyayari hindi na sana kita tinawagan." Nakalabing sabi ni Dra. Rosbago.

"We couldn't turn back the time, the only thing I can do right now is to face this problem." Napabuntong hiningang turan ni Venice.

"Nahihirapan akong maghanap ng baby maker. Walang gustong pumayag sa set-up ni Mr. Dela Vega." Kitang-kita ang lungkot sa mukha ng doktora.

Magsasalita pa sana si Venice nang tumunog ang celphone niya. Agad niyang hinagilap ito sa kanyang purse para lamang mapasimangot ng makita ang numero ng tumatawag.

"The devil is calling me..." Usal niya kay Dra. Rosbago.

Natawa si Dra. Rosbago sa tawag ni Venice kay Xin Ellis Dela Vega. Bago sinagot ni Venice ang tawag ay nagpaalam na ang matandang doktor para bigyan ng privacy ito.

"What do you want?!" Singhal ni Venice ng sagutin nito ang tawag.

"Hindi ko alam na may katarayan ka palang itinatago Dra. Almonte." May halong pang-aasar ang tinig ni Ellis sa kabilang linya.

"Sabihin mo na kung ano ang kailangan mo Mr. Dela Vega marami pa akong dapat asikasuhin." Hindi pinatulan ni Venice ang pang-iinis nito.

"I just want to remind you Dra. Almonte ang tungkol sa ipinapagawa ko sa'yo." Biglang naging seryoso na ang tinig ni Ellis.

"Gusto ko ring ipaalam sa'yo Mr. Dela Vega na hindi pa tapos ang takdang araw na ibinigay mo sa akin."

"Venice Almonte, siguruhin mo lang na makakahanap ka dahil kung hindi ay kayang kaya kong pabagsakin ang isa sa mga negosyo ninyo na alam kong mahal na mahal ng mama mo." Pagbabanta ni Ellis sa dalaga.

"You're a jerk! Bakit kailangan masama ang negosyo ng mga magulang ko?" Nagpupuyos ang kalooban ni Venice.

"You should be thankful dahil ang negosyo puwedeng palitan hindi katulad ng ginawa mo anak ko." Naging mabalasik ang boses ni Ellis.

"Ilang beses ko bang sasabihin sa'yo na wala akong kasalanan sa nangyari sa anak mo hindi ko rin naman kagustuhan na mawala ang bata at..." Biglang natigilan si Venice. Pinindot na lamang niya ang end button dahil napagtanto niya na wala na rin namang saysay kahit anong paliwanag niya rito.

P)#qw