KALOKOHAN 31
Kung may isang tuwang-tuwa sa pagkakaroon ng amnesia ni Candys, yun ay walang iba kung hindi si Prince Sipe. Malabo kasi ang nangyari sa kanila bago nasagasan si Candys. Technically hindi pa sila nagkakabalikan, kaya nakita nya ito bilang isang napakagandang oportunidad para magka-ayos na sila. At hindi lang para maging sila ulit, kung hindi para i-level up ang relasyon nilang dalawa. Ganerns!
#Oportunista
Tadhana na ang gumawa ng paraan.
Hindi na sya nag-aksaya pa ng panahon, pagkaalis na pagkaalis ni Shashall sa ospital, pumwesto agad sya sa may gilid ng kama saka hinawakan ang mga kamay ng medj naguguluhang si Candys.
"Candys Bilab ang pangalan mo, at ako naman si Prince Sipe. Alam kong mahirap ang pinagdaraanan mo ngayon, at naguguluhan ka pa sa mga nangyayari. Huwag kang mag-alala tutulungan kitang maalala ang lahat. Hindi kita papabayaan."S abi pa nya. Ngumiti si Candys sa kanya.
"Ok lang. Nakapag-adjust na agad ako. Tanggap ko na. Hindi naman siguro importante kung anong mga nakalimutan ko. Sabi nga nila, past is past, by gones be by gones, forgive and forget, let go and move on. " masayang sabi ni Candys.
"Mabuti kung ganon. Hindi kana mahihirapan magsimula ulit. Hindi na tayo mahihirapan magsimula ulit."
Napakunot naman ng noo si Candys.
"Anong ibig mong sabihin? Don't tell me, naging tayo?!" tumango lang si Prince.
"WHAT THE FVCK?! Seryoso ka ba? Pinatulan kita?" hindi makapaniwalang sabi ni Candys.
"Oo! Ang lakas kaya ng tama mo sakin." Alma naman ni Prince at bakas sa mukha nya na nasaktan ito sa sinabi ni Candys.
"Shet! Ganyan kababa ang standards ko noon? Buti na lang pala at nagka-amnesia ako!"
"Wow! Nakakahiya naman sayo! Kung makikita mo lang yung itsura mo noon, gugustuhin mong mabulag na lang. Tibay mo naman, ikaw pa lugi?"
Nawala ang pagiging gentleman ni Prince Sipe dahil sa reaksyon ni Candys. Kahit sya nabigla sa reaksyon ni Candys. Hindi nya matanggap ang pang-iinsulto sa kanya nito. Samantalang dati-rati naman, sya ang hinahabol ng dalaga. Biglang nagbago ang ihip ng hangin, nagka-amnesia lang at diring-diri na ito sa kanya.
"Buti na lang pala at nagka-amnesia ako, hindi ko na maalala yung kapangitang sinasabi mo. Nae-enjoy ko na talaga 'tong sakit ko. Hashtagnakakahappy!" pumapalakpak pang sabi ni Candys.
"Ewan ko sayo." Pagsusuplyado ni Prince at naglakad palabas ng kwarto ni Candys.
"Uy, ang dali mo namang mag-give up." Habol ni Candys sa kanya.
"Ang bilis mo din kasing makalimot." Pagtatampo naman nya.
"Ay hashtaghugot!"hirit pa ni Candys. At dahil dun ay tuluyan na ngang umalis si Prince sa ospital at sa buhay ni Candys.
***
