و ليتك تعلم

الجزء السابع

استيقضت في الصباح على صوت هاتفي يرن
جنى بصوت ناعس:الووو
جمال:فديت هالصوت الحلووو
جنى:منو انت
جمال:واحد انعجب بيج من اول نظرة يا ام بدلة خضرة
جنى:جمال
جمال:اي
جنى:شتريد
جمال:اريدج تبدلين ملابسج وتنزلين لغرفة الاستقبال
جنى:انت موجود ابيتنه
جمال:يلة بدلي بسرعه لتتأخرين
جنى:ماشي
جمال:مو ترجعين تنامين تره اجي الغرفتج
جنى:ماشي ماشي كعدت
@zahraa362
التقطت الفستان الذي اختارته لي ميس قبل ان تذهب كانت قد حضرت ملابسي لي قمت بارتدائها ثم نزلت الدرج بحذر دخلت غرفة الجلوس احسست بيده تمسك يدي جلست بجانبه بينما خرجت الجده
جنى:اممم ليش جاي من الصبح
جمال:اكو وحده تكول الزوجهه المستقبلي هيج
جنى:اي لان كعدتني من نومتي
جمال:شسوي اشتاقيتلج
جنى:تشتاقلك العافية
جمال:ترة عندج جفاف عاطفي ومتعرفين تردين المفروض تكولين اني هم مشتاقتلك
جنى:ليش اجذب
جمال:المهم جيت حتى اطلعج وياي
جنى:وين
جمال:مكان
@zahraa362
ركبت السيارة معه وبعد ربع ساعة توقفت السيارة
امسك يدي وانزلني
جنى:الهوا نقي وريحة الورد بكل مكان واسمع صوت اوراق الشجر المتحركه بسبب الهوا وصوت اطفال يلعبون واكو صوت ضحكات اعتقد احنه بحديقة عامه
جمال:صحيح
جلست على العشب الاخضر شعرت به يجلس امامي
تناولنا المثلجات وتحدثنا كثيرا
اصبحنا نخرج معا مرات عديده بدأت مشاعري نحوه تزداد يوما بعد يوم شعرت معه انني مبصرة انني في امان و احببته دون ان اشعر مرت 6اشهر على خطوبتنا كانت اجمل اشهر عشتها بحياتي عرفت فيها جمال جيدا واحببت كل شيء فيه
جنى:جمال انت شلون صاير شكلك
جمال:اجكم حيييل وما اتباوع استحمدي ربج انت متشوفيني جان شردتي مني
جنى:معقولة اجكم خليني اتاكد بنفسي
@zahraa362
تحسست وجهه بيدي عيناه الواسعتان انف مستدق ذقنه الخشن يبدو ان لديه لحية خفيفه شعره الكثيف وضعت يدي على شفتاه فقبل يدي
جمال:ترة استحي انت اول بنيه هيج تلزم وجهي
جنى:غير ارد اعرف شكلك بس شو ما مبين اجكم
جمال: القرد بايد امه غزال
اخر ايام جمال في الجامعه اقترب تخرجه
لقاءاته بمي قلت بحجة التخرج لكن الحقيقة شعور الذنب يقتله انه يخونها ويخون ثقتها به وحبها له ذلك الحب الذي صمد طويلا بينهما
جاء يوم التخرج كنت اريد الذهاب معه لكنه رفض وتحجج بان الحفل لن يعجبني
مي:شنو هاي طالع صاك يمه فديت حبيبي
جمال:شكرا انت الاحلى
مي:وليش تكولهه من ورة خشمك
جمال:مي خو ما وافقتي على هذا الولد الكلتيلي خطبج
@zahraa362
مي:شجاب هذا الموضوع بالنص
جمال:جاوبيني
مي:اكيد رفضته
جمال:الحمد لله
مي:جمال انت متغير كولش احسك صاير غريب جمال:شهرين وارجع مثل ما جنت وتصيرين الي وعد مني الج
مي:ان شاء الله يتحقق هالشي
بعد تخرج جمال باسبوع بدأنا التحضيرات لزواجي ملابس واثاث الغرفه والكثير من الامور
في ذلك اليوم ارتدؤت فستاني والفرحه تملءني وكان لي جناحان وساطير امسك جمال يدي ورقص معي كنت اشعر باني احلق على غيمه لا اريد شيء من الدنيا فحبيبي جمال معي لن اطلب المزيد
في ذلك اليوم كانت جنى تبدو كالملاك بفستانها الابيض كانت في قمة جمالها كان كل شي مثالي
وصلنا الى غرفتنا في منزل الجده التي تم تجهيزها وترتيبها من قبل والدة جمال
كنت اجلس على السرير جلس جمال بجانبي
جمال:انتهى كلشي
جنى:شتقصد
جمال:يعني اكدر هسه اتوقف عن التمثيلية
جنى:يا تمثيليه جمال شداتحجي
جمال:شوفي اني مجبور اتزوجج اني ما احبج احب مي وراح اضل احبهه ومراح احب غيرهه وزواجي منج جان علمود احصل المنصب بالشركه لان والدي راح يحرمني من الشغل بالشركه اذا ازوجت مي لا مو بس هيج ويطردني ويبعدني عنه
@zahraa362
كنت في حالة صدمه حبست دموعي بصعوبه
جنى:واني شنو ذنبي وذيج الاشهر الكضيتها وياي وخليتني احبك كله جان جذب
جمال:جنت مضطر اسوي هيج حتى متبطلين من زواجنه وتستمرين وياي لحد ما ازوجج واحصل الشغل بالشركه وتسوين العمليه وترجعين تشوفين وراهه تحاجين ابويه وتكليله انو انت تردين تطلكين وره طلاقنا اتزوج مي البنيه الاحبه ومثل ما وعدتها وره شهرين من تخرجي اتزوجهه بعدين لتطلعين نفسج البريئه انت راح تستفادين من هذا الزواج راح يتحقق حلمج وتكومين تشوفين
جنى:بس اني حبيتك لك انت جنت النور بحياتي النور الغاب عني سنين بنيت عليك امال و اتعلقت بيك
جمال:كافي انت ما حبيتيني ويله وخري من هنا نامي بغير مكان وحسج عينج احد يحس بشي احنه كدامهم نتصرف كاي زوجين سعيدين بحياتهم
جنى:وشراح تسوي اذا ما نفذت التريده
جمال:راح نتطلك ومراح تسوين العملية وخلنشوف منو يعبرج ويخطب وحده عميه ضلي للموت عميه
@zahraa362
جنى:انت عار عالرياجيل انت مو رجال وما عندك ذرة احساس
شعرت بكفه على خدي لقد قام بصفعي بقوة حتى سال الدم من فمي فازداد بكائي بينما هو تركني سمعت باب الحمام يغلق بكيت حتى شعرت بالصداع في رأسي
جمال:ارد انام ابجي بهدوء
وضعت يدي على فمي لاكتم شهقاتي بسبب بكائي،
اي قلب قاس يملك هذا الرجل كيف استطاع اللعب بمشاعري جعلني احبه عيشني باحلام لم اكن اتصور
انها ستتحقق يوما بقيت ابكي حتى غفوت على الكنبه في الصباح استيقضت كنت لا ازال ارتدي ثوب الزفاف ولم افتح تسريحه شعري سمعت طرق الباب فتحتها دخلت ميس مصدومه
ميس:شنو السالفه
قمت اخبارها بكل شيء وانا ابكي
ميس:كلي الاهلي على كلشي حتى خوش يربوا
جنى:لا ما اكولهم لان اني اريد ارجع اشوف ووراهه اتطلك
@zahraa362
ميس:بس جمال ممكن ياذيج هو اكيد يكرهج لان بنظره انت السبب بعدم زواجه من مي
جنى:ميكدر يسوي شي لتخافين
ميس:زين براحتج بس تعاي خلاساعدج تبدلين ملابسج وبعدين وجهج صاير خريطه من البجي وبعدين هذا خدج شبي
جنى:ضربني راجدي لان غلطت علي
ميس:انكسرت ايده ان شاء الله
جنى:لتدعين علي
ميس:لج بعد كل السواه وبعدج تدافعين عنه وتحبي
جنى:اي احبه بعدين هو معذور لان بعدوا عن البنيه اليحبهه
ميس:اوووف والله امركم غريب
@zahraa362