ملك كانت بنت عاديه.. متلها متل غيرها, كانت متل الفراشه الحلوه المبسوطه بالورود ولا الربيع كانت عايشه حياة حلوه. كانت تتشارك فرحتها مع اصحابها واحبابها.. وكان الها اصحاب ورفقات كتار ..ملك كانت شقيه تحب المغامرات بحياتها لدرجة انها تعمل اشيا غريبه ومع هيك ما هملت دراستها و كانت تجيب علامات جيده كمان ^^
ملك كانت هيك... ما يهمها شي.. عايشه حياتها متل الطير الحر يلي طاير بالسما.. بس هاد الطير.. للاسف بيوم من الايام وهو عم يطير وقع!! وقع لانو واجه رياح قويه كتييير...و هاي الرياح خليتو ينكسر... :'(
بتعرفو شو.. خلوني بلش احكيلكو من اول نظره... :)
كانت سنه جديده بلشت فيا الدراسه.. وملك كانت راح تدرس بصف جديد وكان معا رفقاتها بس مو كلون..
لانو كان في طلاب جداد كمان بالصف... المهم * بلشت لدروس والحصص وكل يوم كانت تروح لتدرس., وكان في شب اسمو عمر بيدرس معها بنفس الصف واحيانا الاستاذ كان يغيب عن الحصص ولهيك الطلاب بيلاقو كتييير وقت ليقعدو ويحكو مع بعض ويتسايروا وغيرو... وفي مره قعد عمر بطاوله ملك كانت قاعده فيها مع رفقاتها وكانوا عم يحكو ويضحكو وهيك... انو عمر لما شافها وطلع فيها لاحظ انها كتيييير ضحوكه ومجنونه بحكيها ووقتها تعرف عليها وعلا رفقاتها وصاروا رفقه... ومع مرور الايام ومتل ما بيقولو نظره فابتسامه... اعجبوا ببعض.. وصارو كل يوم يشوفو بعض... وهيك بلشت حكاية الحب ******
