اخذوني فصليه

الجزء السابع

جاء محمد مبكر من العمل لان والده اراد منه الحضور
محمد: السلام عليكم
الجميع: عيكم السلام
ابو جاسم: شلونك محمد اخبارك
محمد؛ بخير الحمد لله
ابو جاسم : شوكت تعقدون بالمحكمه انت تماضر لان العرس مابقى شي
محمد: وهو ينظر لوالده بتعجب ياااعرس
ابوحسام: ابو جاسم محمد مايدري بموعد العرس ماصار مجال نحجي
ابو جاسم: وهسه اكو مجال ان شالله بعد شهر زواجكم انت تماضر
في المطبخ
براء: خاله عندج شي بعد اريد اروح انام وكعدوني وكت الغده حتى اصب
ام حسام : لا بنتي روحي نامي

ذهب براء لغرفتها حتى تنام
في الصاله
ابو حسام: شكلت ابني الموعد مناسب
محمد: اجب والده وهو يقف التشوفه يابه وخرج
تماضر ركضت ورى محمد مالحكت عليه راحت للمطبخ
تماضر: خاله ماشفتي محمد
ام حسام : لا يمه مادري اخاف صعد الغرفته
تماضر : هااا ... خل اصعد لغرفته

محمد: برووو حبيبتي نايمه
براء: محمد وخر مني تعبانه الوحام كسرني ماكدر حتى اشيل راسي عبالك مخدريني
محمد: تعالي نامي بحضني نام بصفها وحضنها وتغطه وياها بالغطه
انفتح باب الغرفه بدون ان يندك
تماضر: هلا هلا خوش منظر هسه اصيح ابوية وعمي يجون يتفرجون
محمد: تماضر اطلعي برة
تماضر : لا ماطلع وخل يجي ابوية وعمي بابا .. بابا تعال اصعد فوك شوف المهزله ... قالتها بصراخ
توجهه الجميع لصوت تماضر
ابو جاسم: شكو بنتي شنو الصاير
تماضر: بابا لكيتهم بالغرفه نايمين سوة
ابو جاسم: محمد وهو يصرخ صحيح الكالته تماضر
محمد: اي عمي صحيح
ابو حسام: ابو جاسم ترى براء مرته يعني مامسوي جريمه
ابو جاسم: لا جريمه هاي الفصليه مو مرة خدامه تصير اله
ابو حسام: تفضلو نزلو جوة واني راح افهمكم الصار
براء : ظلت تباوع على محمد وخايفه
محمد: شبيج قابل شيردون يسون... راح انزل جوه
براء: اني هم اساعد خاله

ابو جاسم : ابو حسام فهمني شنو هاي المهزله
ابو حسام: براء حامل
ابو جاسم: وهو يفتح عيونه على اوسعهن شنوووووو حامل شنو تنزل الطفل هم عايزة فصليه تشيل اسم العائله وتصير ام فلان الطفل ماريده
ابو حسام: بعصبيه ... مااسمحلك تقرر مصير حفيدي هذا ابن محمد ماسمح لاي واحد يقتله

براء كانت بالمطبخ وهي خايفه يارب ساعدني ماعندي غيرك
ابو جاسم: خلص يزوجون محمد وتماضر والطفل يسجل باسم تماضر وهاي تبقى خدامه عد بنتي
محمد: عمي انت شجاي تحجي

اثناء هذا الحديث اجت علا من الجامعه وسمعت عمها حجه هشكل
علا: مستحيل اسمح لاحد ياخذ الطفل من براء
ابو جاسم: انتي معليج لاتدخلين هذا حجي للكبار
ابو حسام: علا بابا روحي الموضوع يحجون بي الرياجيل
علا: راح اكوم اطلع بس صدكوني اي قرار تتخذو يأذي براء راح اكون الكم بالمرصاد حتى لو توصل للمحاكم
ابو جاسم: وهو يرفع ايده يريد يضرب علا ... انتي وحده مامتربيه
ابو حسام: ابو جاااااسم نزل ايدك احسن تصير الشغله بينه مو زينه
ابو جاسم : وهو ينظر لاخو وعيونه تطاير شرار ماتشوف اسلوب بناك
ابو حسام : بنتي اني احاسبها ماسمح لاحد يمد ايده عليها
طلعت علا وراحت لبراء للمطبخ ولحكتها امها
ام حسام : اااخ من لسانج علا هيج تخليها تصير
علا: هذا الموجود

ابو جاسم : خويه ماريد تصير بينه مشاكل بسبب هاي البنيه وعرس محمد وتماضر اسبوع لاخ
محمد: ازوج من تطلع السنه مال اخويه ..... من رخصتكم
ابوحسام: سمعت شكال ورى السنه مانريد العالم تحجي علينه

بعد عده اشهر براء دخلت بالشهر التاسع وقرب موعد ولادتها طبعا هي حامل بولد مما فرح العائله
براء: ااااااه اااااه الحكولي محمد وينك عندي وجع يمكن راح اولد
محمد: لج هاي شنوو
براء: لك شبيك شكووووو وهي تعيط
ام حسام: صلوات على محمد ماي الراس طك عدها ولاده بسرعه خل ناخذها
راحت ام حسام ومحمد وياها

بعد ساعتين ولدت براء جابت ولد يشبه محمد نسخه منه
ام حسام: كلووووووش والدموع ماليه عيونها بالعافيه يمه محمد بالخير ماجاك
محمد: يمه براء شلونها
ام حسام: زينه زينه لاتخاف عليها
محمد: الحمد لله
بعد ماسمعو خبر ولاده براء اجه ابو حسام وحسام ولاء وعلا
تباركو لبراء ومحمد بس براء جانت حزينه
محمد : براء شبيج تبجين
براء: محمد اريد امي بعد ماتحمل فراكها
محمد: دنك راسه وطلع
ابو حسام: شبيك ابني صاير شي
محمد : لا بابا بس براء تبجي تريد امها
ام حسام: ابني روح جيبلها امها
محمد : وهو ينظر لابو
ابو حسام : روح جيبها روح ابني
محمد باس ايد امهوابو وطلع راح الهم

بيت ابو براء
ام براء: براء هسه بشهرها جابت بعدها
ابو براء: اااااخ مسكينه ياربي يسهللها ويكومها بالسلامه
دك دك دك
ام براء: الباب جاي يندك كوم ابو براء شوف منو بالباب
راح فتح الباب تفاجئ من شاف محمد زوج براء
ابو براء: بنتي بيها شي
محمد : ابتسم لا مابيها شي بس ولدت السلامه وتريد تشوف امها اذا ماعندك مانع
ابو براء: وهو يبكي من الفرحه تفضل تفضل ابني ام براء وينج
ام براء: هااا خير شكو .. شافت محمد وشافت دموع ابو براء ظلت تلطم وتصرخ بنتي ماتت
محمد: لا لا اسم الله عليها... كامت بالسلامه واجاكم حفيد
ام براء: كلوووووووش الحمد لله والشكر يله خل اجي وياك

في المستشفى
براء: خاله محمد وين راح وعافني
ام حسام : صارت عنده شغله راح يخلصها ويجي
براء: خاله بالله اشوفه اوووي حبيبي يشبه ابو
دخلت الممرضه
الممرضه: الحمد لله ع السلامه
براء : الله يسلمج
الممرضه : شنو اسم المولود حتى نسجله بالبيان
ام حسام: يجي ابو ويسمي هو
براء: لا خاله انتي سمي هذا جبرتج
ام حسام : بجت من كلتلها براء هيج حست طارق رجعلها من جديد بدون شعور باوعتله والدموع تنزل وكالت طارق
الممرضه: اوكي حلو من رخصتكم
براء: ظلت تبجي وكالتلها خاله سامحيني كلبج اريده يسامحني
ام حسام: مسامحتج بنتي
اجه محمد للمستشفى هو وامها

دخل على براء
محمد: هااا برو شلون صرتي
براء: زينه وين جنت
محمد: رحت اجيب هديه لام ابني
براء: هههههه مامحتاجه بس سلامتك
محمد : لعد راح اجيب الهديه

ام براء: يمه بنتي الحمد لله على سلامتج
براء: هئ هئ ماما مامصدكه عيوني فرحانه كلش شلون اجيتي
ام براء: زوجج اجه عليه وجابني الج مبين يحبج
براء: اااي ماما كلش يحبني
ام براء: خل اشوف حفيدي فدووة لعيونه يشبه ابو عينن
براء: وهي تبتسم اااي ماما يشبه
ام براء :شسميتو
براء: سميناه طارق على اسم المرحوم عمه
ام براء: الله يحفظه ويعيش بكد ترابه
محمد : امج راح تبات يمج وباجر اطلعج واوديج يمها فد 10 ترتاحين واجي اخذج
براء: صدك محمد ماااصدك ...بعدين بدت ملامح الحزن عليها ..محمد اني شلون راح اكدر افاركك راح اشتاقلك
محمد: وهو يحضنها... فديتها لحبيبتي اني هم راح اشتاقلج امممم اكلج كنسليها روحه اهلج
براء: ههههه لا لا عفيه مشتاقتلهم