The Second Time Around (The Starving Squad #1)

Chapter 27: Reunion In Pampanga

Biyernes ng gabi nang magkita-kita ang magbabarkada. Kagaya ng dati ay dinala nila ang sasakyan ni Bullet. Sa dating mga pwesto rin sila naupo. Since Brandi was not around, nagmukhang triple date ang byahe nila. Fresia's with Bullet in the front. Mona and Felix are in the middle, and Aika and Mickey are sitting at the back.

Bullet worked his magic and convinced Felix to ask Mona out. Kaya ngayon, kumportable na si Mona sa lalaki. Masayang magkausap ang dalawa. Sina Mickey at Aika naman, magka-share sa isang pares ng earphones. Kailan pa naging close ang dalawang 'yon?

"Hoy Mickey, nilamon ka na rin ba ng sistema?" tanong niya rito.

Nilingon ni Mona ang dalawa. "Nanunuod ka ng KDrama? Hala!"

"Di ba, sabi mo mga mukhang bakla ang bida sa ganyan?" natatawang tanong ni Felix.

Sinamaan ito ng tingin ni Aika. Si Mickey naman ay sinipa ang upuan nito. Napailing na lamang siya. Ngayon nagkampihan pa ang dalawa. When did they find the time to hang out? Sa pagkakatanda niya ay iritado si Aika kay Mickey dahil malakas mang-alaska itong isa.

"Hey," untag sa kanya ni Bullet. Ipinatong nito ang isang kamay sa hita niya. "Eyes on me."

Matamis na ngiti ang ibinigay niya rito. She took his hand and intertwined his fingers with hers. Nakita niya mula sa salamin na tumaas ang kilay ni Mona. Hindi kasi ito sanay na sweet siya. Hindi nga rin niya alam na kaya rin pala niyang maging sweet. But this guy's sweetness is infectious. Mahahawa ka kahit ayaw mo.

"Pwedeng huwag munang magpa-tweetums habang nagda-drive? Maaksidente tayo nyan, e," mataray nitong sabi.

"Bitter spotted," kumento niya.

Tumawa si Bullet pero inihiwalay din nito ang kamay para makapag-focus sa pagda-drive.

"I'm not bitter. Safety lang bago landi."

"Kung may kalandian ka rin, hindi ka magrireklamo." Her gaze shifted to Felix. "That's your cue, Felix."

Felix didn't take her statement seriously. Si Mona naman ay hinayaan na lamang sila ni Bullet. Itinuon ng kaibigan niya ang atensyon kay Felix, na noon ay mukhang hindi pa rin halatang patay na patay dito si Mona.

--

Mahigpit na yakap ang ibinigay sa kanya ng lola ni Bullet at ni Manang Sinyang. Tuwang-tuwa rin ang mga itong marami silang kasama. They're especially happy to see Felix and Mickey again.

Matagal na palang magkakaibigan ang tatlo. College days pa. Schoolmates ang mga ito noon sa isang kolehiyo sa Maynila. They're also members of the same fraternity.

"Itong kumusta nakayu?" malambing na tanong ng matanda. She glanced at Aika and Monica and asked, "Ila ba deng bata yo?"

"Ali pu," sagot ni Mickey.

"Marunong silang mag-Kapampangan?" pabulong niyang tanong kay Bullet.

"Konti lang," sagot nito.

"Ano'ng pinag-uusapan nila?"

"My lola asked them kung girlfriends nila sina Aika."

Nilapitan ng lola nito ang dalawa niyang kaibigan at kinumusta. "Gutom na ba kayo, mga inang?"

Nahihiyang tumango si Mona. Aika doesn't get hungry easily, pero matakaw ito sa desserts. Siya naman ay ramdam na ramdam na ang gutom. Burgers at fries lang kasi ang kinain nila along the way. Sinabihan kasi niya ang mga kasamang huwag kumain nang marami dahil masarap magluto ang lola ni Bullet at si Manang Sinyang.

Inakbayan siya ni Bullet. "Apo, danupan ne pu ining girlfriend ku."

She guessed that he answered his lola's question. Tumingin sa kanya ang matanda at ngumiti.