His Bite (Book 1 of Bite Trilogy) Venom Series #1

Chapter 2

Chapter 2

Visitors

Naglalakad na ako sa palabas ng unibersidad, natapos na naman ang isang mahabang klase.

Ano kayang magandang balita ang ibabahagi ko kay lola?

Natigil ako sa paghakbang at bahagya akong tumanaw sa nagsisimulang dumilim na kalangitan. Hindi na bago sa akin ang umuwi ng ganitong oras, ang makaramdam ng takot na may kung sino na maaaring umatake sa akin ay hindi bumagabag sa akin dahil na rin sa reputasyon ni lola, ngunit nang minsang akong makarinig ng boses ng lalaki na tumawag sa akin nagsimula na akong kabahan.

I tried to convince myself that it was just my imagination because I was too exhausted with my non-stop academic requirements, but it continued to bother me no matter how I tried to brush it off my thoughts.

If it's real, who was he?

Naniniwala ako sa mga kaluluwa, ngunit para saan pa ang kwintas na suot ko na siyang pangtamboy sa masasamang espiritu? Hindi ba iyon epektibo o epekto lamang ang nararanasan ko bilang apo ng isang mangkukulam?

Ang pag-iisip ko niyon ay umabot hanggang sa aking pagpedal pauwi sa bahay. Hindi ko na namalayan na malapit na pala ako, bumilis yata ang bisekleta ko ngayon?

Nang tuluyan akong makarating sa harap ng aming bahay na sampung beses yata ang tanda sa akin, saglit akong natigilan dahil sa hindi pamilyar na nakikita ng aking mga mata.

Bakit ang daming itim kotse?

Ngumuso ako habang ipinaparada ang aking bisikleta. Bibili kaya sila ng halamang gamot ni lola?

Nawala ang atensyon ko sa mga itim na sasakyan nang maramdaman ko ang pagkabalisa ng aking tatlong alagang aso, itinali pala sila ni lola.

"Hush..." lumuhod ako at isa-isa ko silang hinaplos para pakalmahin, hindi sanay ang mga alaga ko sa maraming bisita.

Huminahon ang mga aso ko sa ginawa kong paghaplos sa kanila.

"Red, White and Blue... tatanggalin ko rin ang tali n'yo kapag umalis na ang mga bisita natin." They snuggled at me.

Ngumisi ako sa kanila bago ako tumayo at iwan sila.

Nagtungo na ako sa harap ng bahay, at akma ko na sanang bubuksan ang pintuan nang marinig ko ang malakas na boses ni lola. Kahit minsan ay hindi ko pa siya narinig magtaas ng boses at lalong maramdaman ang kanyang matinding kaba.

These people were intimidating my grandmother! Who are they?

"Wala pa siya sa hustong gulang!"

Nangangatal ang kamay ko sa harapan ng hawakan ng pinto, nais kong samahang harapin ang mga taong iyon at tulungan si lola ngunit hindi ko na magawang ikilos ang katawan ko.

Ako ba ang pinag-uusapan nila?

"Olivia, nasa hindi na magandang kalagayan ang ikalawang prinsipe. He needs her..." malamig na boses ng lalaki ang sumagot kay lola.

Prinsipe? At kailangan ako? Ano ang pinag-uusapan nila?

"May usapan tayo, Dastan! Wala pa sa tamang edad ang apo ko. Wag n'yo munang kuhanin sa akin. Hindi pa ako handa..."

Kukuhanin? Hindi ako sasama sa kanila.

"Olivia! Respetuhin n'yo ang unang prinsipe." Panibagong boses ng lalaki ang sumagot ni lola.

Wala na akong maintindihan sa pinag-uusapan nila. Bakit may mga prinsipe? Bakit ako kailagan ng prinsipe? Saan bansa ba galing ang mga taong iyon?

"Olivia, ilang araw na lang ay ika-labing walong kaarawan na rin ni Cordelia. Ano pa ang pinagkaiba niyon ngayon? My brother needs her blood, hindi na magtatagal ang buhay ni Zen kung mananatiling malayo sa kanya ang apo mo. Alam kong ikaw ang may lubos na may alam ng bagay na iyon dahil ika'y may kaparehong karanasan kasama si Leon."