احببتكي

النهاية

اصدرو قرار انو المحكمة غدوة يصدرو ااحكم ...راحت للدار. ولقاتو ماليها شمع وورد احمر ومكتوب بالشمع سامحيني هيا صح فرحت بصح مابينتش راحت طول لشمبرتها - انسى انني نسامحك .... غاضتو كيفاتو مادارتش عليه ماستناتوش حتا يهدر .... طفا الشموع وراح رقد وهو مكسور الخاطر غدوة فاق على صوت الباب يتسكر نسا بلي اليوم المحكمة ولازم يروح ليها لبس قشو وخرج ....في المحكمة كانت الاجواء متوترة بين تسنيم و وجدان وبين بوهم وامهم اللي مانطقت بحتا حرف مهما حاولو معاها ماهدرتش دخلو للمحكمة حكم على عمر بخمس سنين حبس وعلى بوها لاخفاء الادلة عامين معا غرامة مالية واخيرا خالد حصل على انتقامو بصح وين راه ضرك ...كان يجري بالطونوبيل حتا بووووم تضرب وخرجوه بالسيف وداوه للاوبيتال وكلمو وجدان لانو كان يحاول يكلمها وتيليفونها مسكر ..خرجو من المحكمة وامهم مدابزة معاهم وهوما ساكتين وجدان فتحت التيليفون باش تشوف اذا كلموها غير فتحت لقات نومرو جديد يعيط ردت -الووو -الو -وشكون نتا ؟- تعرفي واحد اسمو خالد ***...بداقلبها يدق - ايه ...-راهوفي اوبيتال*** دار اكسيدون ...خلاص عظامها فشلت راحت تجري ومادارتش لتسنيم اللي كانت تعيطلها
راحت تجري للاوبيتال لقاتو في غرفة العمليات بقات تستنا في وشكون يطمنها ومن بعد تفكرت بلي دارهم ومايعرفوش كلمت امو -سلام امي -سلام -راه ...راه خالد ...شدت امو قلبها من القلق /يا طفلة واش كاين رعبتيني ولا هاذي اوپسيون في بنات لندن يهدرو بالفاسيليتي -امي خالد في الاوبيتال ...شهقت شهقة وحدة -واش درتيلو يا ***** -اهداي وانا واش دخلني دار اكسيدون ورانا في اوبيتال **** ...ماستاناتهاش ترد وغلقت ..-افف خاصني غير نتي ... خرج الطبيب وقالهم بلي راهم لقاو عندو كسور في. يدو ورجلو ولازمو يقعد اسبوع في الاوبيتال ومن بعد يخرج ،،،قعدو شوي باش يخلوهم يدخلو دخلو وهي قعدت البرة خرجو من عندو وقالولها بلي راه يحوس عليها ترددت باش دخلت ومن كيف وصلت عندو كان يستنا فيها جات وقفت قدامو -لاباس ؟-الحمدلله ..-اوكي ...وجات خارجة - وجدان دقيقة ارواحي اقعدي حاب نهدر معاك ..دارتلو بعدلها رجليه باش تقعد في السرير -انعم -وجدان سامحيني عارف روحي غلطت بزاف بصح كنت نحب سلوى وخوك اغتصبها وبسبتو انتحرت ...شعلت فيها الغيرة بصح بينت هدوئها /وانا واش دخلني - انا نحبك ...قلبها بدا يدق يدق بصح والو جرحها مازل ينزف -فات الوقت بعدما تبرا من الكسسور راح نطلقو ...راحت تنوض وهوا يجبدها بيدو اخرى مش المكسورة يجبدها يبدا يبوس في فييها وهي كيف الميت حابسة ماهيش متفاعة معاه بقا شوي وهو يبوس فيها ويدور في راسو وكلما يقول خلاص نحبس ويعاود يقوي حتا هيا حطت يدها على صدرو وبعداتو

- خالد مانقدرش ننسا واش صرا راحت وخلاتو مهبط راسو ويحطيحو الدموع وحدهم فات اسبوع وخرجوه بصح لازم شهر باش ينحو البلاتر ... في الداؤ كانو وحدهم طيبت شربة وحطتلو ياكل وكانت رايحة ويشدها صوتو -ايدي اليمنى هي اللي مكسورة مانقدرش ناكل وحدي ..راحت قعدت قدامو وبدات توكل فيه وهو يخزر ومركز معاها حطت المغرف باش تروح ويشدلها يدها ويبوسهالها نحتها بزربة من التوتر اللي كانت فيه -الله يخليك ليا ...ناضت وخلاتو فاتت نهارات وهما على نفس الحلة بقا اسبوع على الموعد باش ينحو البلاتر ولازم يقنعها تحبس الطلاق خاطر عرف روحو مستحيل يعيش بلاش بيها كانت طيب كي العادة تحس بحاجة تحطت على كرشها كانت يدو جا وراها حوط يديه على كرشها ولصقها فيه دار وجهو في رقبتها وبدا يبوس فيها ويعض فيها بشفايفو وهي في عالم اخر -خالد حبس -مانقدرش نحبك نحبك نموت عليك - بصح .. دورها ليه وباسها -سامحيني عارف روحي ظلمتك بصح حقدي عماني ... / وبسبب حقدك رح نطلقو وبعد اسبوع ...تشعل فيه النار وبدا يصيح -ماناش رايحين نطلقو ومستحيل نخليك "/ بصوت خافت -ارحميني راني ماقدرتش على بعدك - والو ... راح وهو يصيح - كرهتتتتت وانا نقولك بلي ندمت خلاص مليت ونتي حتا مش عاطياتيني امل نحارب عليه كلما نقدم نتي توخري خلاص بركاي ماتعذبيني ...تشوف فيه كيفا يمشي ويصيح كلامو صحيح عذباتو وندماتو في اللي دارو خلاص لازمها تسامحو راح وقف في البالكون وجبد دخان وبدا يشرب جات عنقاتو من اللور عينيه وساعت -سامحتك .... دار لها وحط يد ورا ظهرها وجبدها ليه رما الدخان وباشر في عمله ... بعد خمس سنين جابو طفلة وطفل وعمر خرج من الحبس واعتذر من وجدان وخالد ..بو وجدان سمحلها بعدما عرف غلطتو وتسنيم تزوجت من مروان وعمر تزوج بسندس اللي كانت تحبو من الصغر وهو مش عارف